پشتی پێڤاژۆیا ب ناڤێ “پێڤاژۆیا ترکیەیا بێ تهرۆر“ دهستپێکری، گهلهک ههڤدیتن ل گهل ئۆجەلان چێدبن. ههر جارێ هندهک ئالی و کەس گۆتنێن ئۆجەلان ب ئاوایهکی بهلاڤ دکن. لێ یا بالکێش ئهوه کو، ئەو ئاگاهداریێن شاندەیا دهم پارتییێ یا ئیمرالی دده و یێن ڕایادارێن حکومهتێ ددن و ههروهها یێن د مهدیایێ دا تێنه ڕاگەهاندن، نه وهک ههڤن.
مژارهک گهلهک تایبهت و بالکێش ههیه کو پێدڤی دکە کو مرۆڤ ل سهر راوەستە. ئهڤ پێڤاژۆ ژ ئالیێ دهولهتا ترک ڤه هاتیه دهستپێکرن، یهک ژ ئهندازیارێ پێڤاژۆیێ سهرۆکێ مەهەپێ دهولهت باغچهلی یه. بێ گومان ههموو قۆناخێن پێڤاژۆیێ ب کۆنترۆل و ئهرێکرنا سهرۆکۆمارێ ترکیێ ئهردۆگان تێن ڕێڤهبرن.
زهمینەیێ ڤێ پێڤاژۆیێ ژ سالا ۲۰۲۲ یێ ڤه هاتیه ئامادهکرن. باخچهلی بانگهک کر و ئۆجەلان بهرسڤ دا. باوهر بکن ئهڤ یهک ههموو بهرێ ههتبوو ئامادهکرن و دیزاینکرن. نها ڕاستیهکی بێژن. ههر چهوا به و ههر ژ بۆ چ ئارمانجێ به، هلوەشاندن و چەکدانینا پکەکێ گاڤهک گەلەک گرینگه. ههروهها ب ههموو ئاوایی تێکچوونا پەکەکێ ب چ ئاوایی به ژ بۆ تهڤگهرا ئازادخوازا کوردستانێ باشه. گهلهک گرینگه کو، زهنیهتا ئۆجەلان بێ زانین. دهردهک ئۆجالان وهک پسگرێکا کورد یان ژی دهستخستنا مافێ کودا نینە. ئهگهر ئهڤ نهیێ زانین ههر شرۆڤا بێ کرن، د خهلهتیهک بنگههین ل گهل خوه خوهدی بکه.
ههتا زهنیهتا پەکەکێ ههبه و ب هێزبه، ئهو دێ وهک تههدیدهکی ل سهر هەرێما کوردستانێ بن و ل دژی دهستکهفتیێن نهتهوی ل باشوورێ کوردستانێ دێ خوهدی ههلوهستبن. ههر دهمی دێ دهولهتێن ههرێمێ ب ئاوایهکی ههولبدن هێزا پەکەکێ ل دژی باشوورێ کوردستانێ ب کاربینن. نه ههوجهیه مرۆڤ بکهڤه د ناڤا هوورگلیان دا. ڤێجا کی و چهوا د ڤێ یهکێ تێ دگەهه، ئهو پرسگرێکا وان یا سیاسی یه.
بهرێ خوه بدەنێ ل گۆرا مهدیایا پەکەکێ و داخوویانیا شاندەیا دهم پارتییێ یا ئیمرالییێ، ئۆجەلان د ههڤدیتنا خوه یا داوی دا گۆتیه: “ئهز پێ دحهسم کو توندیا د ناڤ جڤاکێ دا د ڕهوشهکا ئاوارته دا زێده دبه. ب تایبهتی توندیا ل ههمبهری ژنان د ئاستهک بلند دا یه. ئهز ب ڤێ یهکێ گهلهکی دێشم.”
توندیا د ناڤ جڤاکا کورد دا د دهستپێکێ دا ل باکورێ کوردستانێ و پشترا ل بهشێن دن یێن کوردستانێ دا، ب دهستێ پەکەکێ و زهنیهتا ئۆجەلان بهرفره بوویه. سیاسهتا پەکەکێ ل سهر شدهتێ هات ئاڤاکرن. پەکەکە ههم د ناڤا جڤاتێ دا ههم ژی د ناڤا ڕێخستنا خوه دا شدهت بکارانی. ب ههزاران چهکدارێن خوه، ژن و مێر، تەسفیە کرنه. ئۆجەلان بخوە ب بهیانا خوه بهحسا تەسفیەکرناا ١٥٠٠٠ ئهندامێن پەکەکێ دکه. ژ خوه تههدید، شدهت، ڕاند، شهلاندن و جرما پەکەکێ د جڤاتێ دا پێکانی ژ ئالیێ ههرکهسهکی د ناڤ جڤاتا کورد دا تێ زانین. ئۆجەلان ب ڤان داخوویانیان ب ئاقلێ کوردان دلهیزه.
د ڤێ پێڤاژۆیا دهستپێکری دا، دو خالێن گرنگ ههنه.
یهکهم: ئهڤ پێڤاژۆ باشه کو، پەکەکە ب ئاوایهکی خوه دهلوەشینە و دەست ژ چهکان بهردده، یانی شدهتا دهولهتێ و پەکەکێ ب ئاوایهکی داوی دبه. ل ڤێ دهرێ بهحسا شدهتا ههردو ئالی ههڤ کرین ئەگەر تێ کرن. ل باکور رێ ل پێشیا سیاسهتهک ئاشکەرا ڤەدبە و ههرکهس ههولدده خوه ژ سیاسەتا نهێنی بده ئالیهکی. د پێڤاژۆیهک بێ شهر دا جخرانکارییێن د ناڤ جڤاکێ دا ب ئاوایهکی بێنه چارهسهرکرن. یانی ب کورتی، ئاستهنگا ههری مهزن ل پێشیا تهڤگهرا کورد ژ هۆلێ ڕادبه. ژ بۆ ڤێ و گهلهک تشتێن دن گهرهک پشتگریا ڤێ پێڤاژۆیێ ژ بۆ بهرژهوهندیێن ملهتێ کورد بێ کرن.
دویهم: خهلهتیهک ههیه کو، پێدڤیە پشتگریا ڤێ پێڤاژۆیێ و شرعیەتدان ب سیاسهتا پەکەکێ ژ ههڤ بێن جودا کرن. د دیرۆکا کوردان دا تشتهکی وهک زهنیهتا پەکەکێ ب ناڤێ کوردا زهرهرهک مهزن نهدایا کوردا. شرعیەتدان ب سیاسهتا پەکەکێ، کوردا ژ مافێن وان یێن ڕهوا و نهتهوی دوور تێخه.
یا گرنگ ئهوه کو، کورد ل سهر خهتهک نهتهوی، ل ترکیێ و باکورێ کوردستانێ، ب مهتۆدێن دهمۆکراتیک و ڕێیا دیالۆگێ دۆزا مافێن خوه یێن ڕهوا بکن. گهرهک ژ ههموو ئاوایێ ئلهگالتهیێ دوور، ب ئاوایهل لاگال و سیاسهتهک زهلال و کوردهواری دۆزا خوه ب ڕێخستن بێخن..
ژ ڤێ زێدەتر، دێ د پاشهرۆژێ دا زهلالتر ببه…
نێرین/شرۆڤه
٢٠٢٥\١٢\١٢
