بووبێ ئەسەر
ئه‌ڤ هلبژارتنا کو د ڕۆژا ٢٠٢٤/١٠/٢٠ئان دا ل باشوورێ کوردستانێ پێک هات، نه هلبژارتنا کوردان ب خوه ب بوو. ئه‌ڤ هلبژارتنا ل هه‌مبه‌ر داگیرکه‌ر و پێگرتێن وان ب خوه بوو.
د ڤێ هلبژارتنێ دا یەنەکە دگه‌ل داگیرکه‌ر و نۆکه‌رن وان هه‌می بوونه یه‌ک دا کو پەدەكێ تێك ببن. لێ هێشتا ژی فێم نه‌کرنه کو پەدەكە ئاگره‌ک ژ ئاگرێ وه‌لاتپارێز و دلسۆزیا کوردستانێ یه. یێن بخوازن ڤی ئاگرێ ڤه‌مرینن، ئه‌و ب خوه دشه‌وتن و وه‌ندا دکن.
بارزانیان ژ ڕۆژا ئه‌ول و هه‌تا نها دا گه‌له‌ک مه‌رحەله‌یێن زۆر و نه‌قه‌بێن ئاسێ ده‌رباس کرنه. ژ به‌ر کو ئه‌و خوه‌دی ڕێبازه‌کێ بوون، وێ ڕێبازێ کر کو بارزانی چو جاران ژناڤنەچن. هه‌تا ڕۆژا ئیرۆ ژی ئه‌ڤ وه‌ها یه و وێ هه‌ر وه‌ها به.
ئه‌م دزانن و دبینن کو بارزانیان د ته‌کۆشینا خوه یا ئازادیا ژ بۆنا کوردستانێ، ئه‌ڤ سه‌د سالێن کو بێ وه‌ستان به‌رده‌وام دکن. ئارمانج و هه‌ده‌فا وان ئه‌وە کو کوردستانه‌کا ئازاد و سه‌ربخوه پێشکێشی گه‌لێ خوه بکن.
پشتی هلبژارتن و ڕێژه‌یا ده‌نگان هاته دیارکرن، پارتی و که‌سێن دخوه‌ستن كو پەدەكێ تێک ببن ئه‌و ب خوه تێک چوون ئانگۆ داخواز و خوه‌زیا وان د قرکا وان دا ما. ژ ڤێ ڕه‌وشێ ژی داگیرکه‌ر و پێگرتێن وان وه‌که پەكەكێ و حەشدا شەعبی دگه‌ل یەنەكێ عاجز بوون.
هه‌ر چقاس ڤێ ڕه‌وشێ ئه‌و هه‌می عاجز کربن ژی، لێ ژ بۆنا پەكەكێ و حەشدا شەعبی نه زێده گرینگه. وان خوه‌ست ل گه‌ل یەنەكێ، پەدەكێ تێك ببن لێ ب سه‌ر نه‌که‌تن. نها وان خوه کشاندن قالبێ خوه کو وێ هندەك لیستکێن دن بکن. دا کو هه‌رێما کوردستانێ تێک ببن. لێ هێ ژی فێمنه‌کرنه ئان ناخوازن فێم بکن کو هه‌تا پەدەكە هه‌به وێ پارستنا کوردستان ژی مسۆگه‌ر به.
هێ ژی داگیركەر و پێگرتێن وان ئه‌ڤ فێم نه‌کرنه کو وێ کوردستانه‌کا سه‌ربخوه ل سه‌ر ده‌ستێ سه‌رۆک بارزانی بێ ڕاگەهاندن. هه‌گه‌ر فێم ژی کربن وێ ناخوازن باوه‌ر بکن. لێ ڕاستی ئه‌ڤه. ژ به‌ر کو ئێدی پەدەكە ده‌وله‌ته. تێکبرنا ده‌وله‌ته‌کێ ژی نه وه‌ها هێسانه.
باش تێ زانین کو ل ڤێ جیهانێ که‌س و پارتیێن دو ڕوو چو جاران ب سه‌رنه‌که‌تنه و دێ سەرنه‌که‌ڤن ژی. تالیا وان ب هوسرانه‌که مه‌زن دبه. گه‌له‌ک ژ پارتی و ڕێخستنێن وه‌ها یا ژ هۆلێ ڕادبن یا ژی گه‌له‌کی لاواز دبن کو ئێدی گه‌ل و خه‌لک ب وان نه باوه‌رن.
لێ ڕه‌وشا یەنەكێ هنه‌کی جوودایه. وان د شه‌رێ خوه یێن ژ بۆنا ته‌کۆشینا کوردستانێ دا ژناڤبرنا پەدەكێ ژ خوه را کربوون ئارمانج و هه‌ده‌ف. ژ ڕۆژا کو ژ پەدەكێ ڤه‌قه‌تیان و ب ناڤێ یەنەكێ خوه ب ڕێخستنی کربوون ژ بۆنا ڤێ ئارمانجێ ته‌ڤگه‌ریان. هه‌تا ڕۆژا ئیرۆ ژی ئه‌ڤ هێ ژی به‌رده‌وامه. کورد دبێژن: “ژ من که‌تۆ ب من که‌تۆ”.
د ڤێ هلبژاتنێ دا هاته دیارکرن هنان بافل داگڕتبوون کو د پرۆپاگاندا هلبژارتنێ دا ته‌نێ ژ بۆنا تێکبرنا پەدەكێ کار بکه. لێ گه‌لۆ وێ بافلێ کو دگۆت: ئه‌م دێ پەدەكێ هلوه‌شینن وێ نها ب چ ڕوویێ هه‌ره ئان هه‌رن به‌ر لنگێن بارزانیان کو بخوازن د حكومەتا نوو دا جهبگرن. وێ ب چ ڕوویێ دۆزا لێبۆرینا خوه ژ وان بخوازه.
چ ده‌ما مرۆڤ ب ئاقلێ خوه ته‌ڤبگه‌ره و دۆزا گه‌لێ خوه د سه‌ر به‌رژه‌وه‌ندیا پارتییا خوه را گرت، وێ ده‌مێ سه‌رکه‌تن دکاره ببه پارا مه را ژی. بارزانیێن د ته‌کۆشینا خوه یا دوور و درێژ دا هه‌تا نها ئه‌ڤ کرنه و ب سه‌رکه‌تنه. لۆما ژی ئێدی ئه‌و بوونه په‌رچه‌یه‌ک ژ کوردستانێ. ده‌ما مرۆڤ دبێژه بارزانی، یه‌ک سه‌ر کوردستان دکه‌ڤه بیرا مرۆڤ. چ ده‌ما مرۆڤ بێژه کوردستان وێ ده‌مێ ژی بارزانی تێنه بیرا مرۆڤ.
ژ به‌ر ڤێ یه کو تێکبرنا بارزانیان زۆر و زه‌همه‌ته. یا گرینگ و باش ئه‌وه کو مرۆڤ ل گه‌ل وان تێكەلییێن خوه خورت بکه دا کو ب هه‌ڤرا به‌رژه‌وه‌ندیێن کوردستانێ بپارێزن.
نه‌رینا من یا شه‌خسی ئه‌وه کو هه‌گه‌ر پەدەكە ڤێ جارێ یەنەكێ نه‌کن شریکێ حكومەتا نوو، داویا یەنەكێ دێ خویا ببه. ئه‌وێن خوه ب خوه ب هه‌ڤ بکه‌ڤن. یا ڕاست ژی ل گۆر من ئه‌ڤه. ژ به‌ر کو ژ سالا ۱۹٦٥ئان هه‌تا ئیرۆ ته‌نها ئارمانجا یەنەكێ تێکبرنا بارزانیان و پەدەكێ بوو. ب ڤێ دوورشمێ ژی وێ داویا خوه بینن. هه‌گه‌ر پەدەكە ڤێ جارێ ژی وه‌که هن جارێن دن ده‌ستێ ئالیکاریێ درێژی وان نه‌که، دقه‌دن.
هه‌گه‌ر نه‌قه‌دن ژی وێ ده‌ست ژ دژمناتیا پەدەكێ و بارزانیان به‌ردن. دکارن ل خوه ڤه‌گه‌رن. ژ بۆنا کوردستانه‌کا ئازاد و سه‌ربخوه پشتگریا پەدەكێ و بارزانیان بکن. ئه‌ڤ دێ ژ بۆنا وان ژی ب خێر به
