پەدەکە و پەکەکە
بارزانی و ئۆجەلان و پەدەکە و پەکەکە
بووبێ ئه‌سه‌ر
ب ڕاستی ژی ئانینا ڤان ناڤان یا ل با هه‌ڤ سۆسره‌ته، لۆما دۆزا لێبۆرینێ دکم کو من سه‌رنڤیسا خوه وه‌ها دانی. من سەرنڤیس وەها دانی دا کو ئه‌م بکاربن پیچەکێ ڤێ مژارێ ڤه‌کن و ب قاسی تێگەهشتن و زانینا خوه ژ بۆنا که‌سێن کو وێ قه‌ت فێم نه‌کن، ڕه‌وشێ زه‌لال بکن. ئه‌ز دێ زه‌لال بکم لێ وێ دیسا ژی هندەک فێم نه‌کن. ژ به‌ر کو وانا که‌تنا ناڤا مه‌نگانا کو پەکەکێ وان دهێرن.
من و گه‌له‌ک جامێرن دن، مه هه‌ر نڤیسی یه گۆتیه کو پەکەکە خوه‌دی وێ ئارمانج و هه‌ده‌فا ژ بۆنا ژ هۆلێڕاکرنا بارزانیان و وێرانکرنا کوردستانێ یه. ژ به‌ر کو ده‌ما ئه‌م دیرۆکێ دخوینن و دبینن کو تم هه‌ر چار دگیرکه‌رێن مه ژی ژ بۆنا نەهێلانا بارزانیان خوه‌دی یه‌ک هه‌لوه‌ست بوونه.
پەکەکە ژ ته‌ره‌ف ده‌وله‌تا کوور یا ترکان ڤه هاته دامه‌زراندن، داکو چەند ئارمانجان پێکبینن:
پەکەکە دامه‌زراندن دا کو ته‌ڤگه‌رێن باکورێ کوردستانێ یێن کوردستانی ژ هۆلێ ڕاکن. ژ به‌ر کو پشتی سالێن ۱۹۷۰ێ پێلا شۆره‌شگه‌ر و وه‌لاتپارێزێن کورد ژ بۆنا ئازادی و سه‌رخوه‌بوونا کوردستانێ ڕۆژ ب ڕۆژ گه‌ش و به‌رفره‌ه دبوو. ئه‌ڤ نه‌دهات هه‌سابێ ده‌وله‌تا ترک.
پەکەکە دامه‌زراندن، ژ بۆنا کو ئه‌و ب هه‌می هه‌لوه‌ستێن خوه یێن قرێژ، ل سه‌ر داخوازا داگیرکه‌ران بارزانیان ژ هۆلێ ڕاکه. ژ به‌ر کو ژ ڕۆژا بارزانیان ده‌ست ئاڤێتن شۆره‌شا ژ بۆنا ئازادیا گه‌لێ کورد. ژ وێ ڕۆژێ دا یه کو هه‌ر چار داگیرکه‌رێن مه ل دژ وانن دا کو وان چنه بکن. لێ نکاریبوون و وێ هه‌ر د ڤێ هه‌لوه‌ستا خوه ده بفه‌تسن.
پەکەکە دامه‌زراندن ژ به‌ر کو نه‌دهات هه‌سابێ وان کو جوانێن کورد ب مه‌سه‌لا خوه یا نه‌ته‌وه‌یی بحه‌سن ئان فێر بن. فێربوونا ڤێ ژی وێ ببا سه‌رخوه‌بوونا کوردستانێ، ژ بۆنا پێشی ل ڤێ بگرن پەکەکە دامه‌زراندن و وه‌که ته‌ڤگه‌ره‌ک یا کوردان به و حەو خستن جهێ وه‌لاتپارێز و شۆره‌شگه‌ران.
پەکەکە دامه‌زراندن، خوه‌ستن ل سه‌ر ده‌ستێ وێ باکورێ کوردستانێ تار و مار بکن، سه‌رۆکه‌کی زلامێن خوه بکن سه‌رۆکێ کوردان و که‌س نکاربن ل هه‌مبه‌ر وی ده‌رکه‌ڤن ژ بۆنا ئه‌و ژی ل گۆر خوه و ل سه‌ر ئەساسێ هێژاییێن کوردان تێک ببه، کار بکه.
پەکەکە دامه‌زراندن ژبۆنا کورد دیرۆکا خوه ناس نه‌کن، ژ کێمانی و شاشیێن د وێ دا پێک هاتبوون نه‌بینن، هه‌می دیرۆک کرن کو وه‌که ژ ئه‌ڤدلا ده‌ستپێکری یه.
پەکەکە دامه‌زراندن؛ ژ بۆنا حەلکرن و تێکبرنا ته‌ڤگه‌رێن وه‌لاتپارێز یێن باکورێ کوردستانێ تێک ببه. پشتی ڤێ ژی ئێدی دۆر هات پارچەیێن دن. لۆما داگیرکه‌ران ب هه‌می ئیمکان و پشتگریێن خوه خوه‌ستن پەکەکە بکن یه‌که‌م پارتی وه‌که یا کوردان به، لێ یا وان بوو.
داگیرکه‌ران ب خوه مه‌دیایه‌ک گه‌له‌کی ب هێز، خورت و خوه‌دی ئیمکانێن مه‌زن ژ پەکەکە ڕه بەردەست کر ژ بۆنا ئه‌و د وارێ مه‌دیایێ دا ژی، شه‌رێ ته‌ڤگه‌رێن وه‌لاتپارێز یێن کوردان بکه. ب سایا وێ مه‌دیایا خوه یا ل سه‌ر ئاساسێ ده‌ره‌وان هاتبوو ئاڤاکرن کو پرۆپاگاندەیێن نه ڕاست بنڤیسینن ڕۆژنامه و کۆڤار ل سه‌ر ناڤێ پەکەکێ ده‌رخستن. ژ بۆنا کورد ده‌ره‌وێن وان بخوینن، ژ بۆنا کورد ب گوهێن خوه ببهیزن و ب چاڤێن خوه ببینن ته‌له‌ڤزیۆنه‌ک ژ وان ڕه ڤه‌کرن دا کو ده‌ره‌وه‌کێ ده‌ه جاران بێژن کو ئه‌و ببه ڕاستی.
پەکەکە ژی هه‌تا نها هه‌می کار و خزمه‌تێن خوه ل سه‌ر داخوازا نەهێلانا کوردان، تێکبرانا مه‌ژیێن وان کارێ خوه باش کری یه و دکه.
لێ د ناڤا حه‌سابێن داگیرکه‌ران دا ئازادیا باشوورێ کوردستانێ نەبوو، ده‌ما باشوورێ کوردستانێ ئازاد بوو گه‌له‌ک هه‌سابێن دژمنان تێک چوون. لۆما ئێدی خوه‌ستن پەکەکە شه‌رێ باشوور ژی بکه، پەکەکە ئه‌و ژی کر لێ ب سه‌رنه‌که‌ت و دێ چو جاران ب سه‌ر ژی نه‌که‌ڤه.
ڤێچا چ کرن؟
خوه‌ستن ب ڕێیا مه‌دیایا ده‌وله‌تێ کو ژ وان ڕا ئاماده کری یه، ب ده‌ره‌و و بۆختانان ل هه‌مبه‌ر بارزانیان ڕاوه‌ستن، شه‌رێ وان یێ مه‌دیاتیک بکن و کرن، لێ دیسا ب سه‌رنه‌که‌تن.
ب سه‌ر ناکه‌ڤن ژ به‌ر کو بارزانی ئێدی نه هه‌شت عه‌شیرن. وه‌که تێ زانین بارزانیان کۆنفه‌رده‌راسیۆنا عه‌شیرێن وه‌لاتپارێز ب ناڤێ بارزان پێک ئانیبوون. و پشتی ڤێ ئاڤاکرنێ و هه‌تا ڕۆژا ئیرۆ هه‌ر چار داگیرکه‌ر ل دژی وان شه‌ر دکن. لۆما نها بارزانی نه هه‌شت عه‌شیرن، ٥۰ ملیۆنن تێرا خوه هه‌نه.
لێ پەکەکە و داگیرکه‌رێن خوه‌دیێ وان نها دبینن کو بارزانی وێ ده‌وله‌ته‌ک سه‌ربخوه ڕاگەهینن، ب شه‌ر و په‌ڤچوونان نکارن ب بارزانیان ئێدی دخوازن ب مه‌دیایا خوه بارزانیێن پێشکێشیا گه‌لێ خوه دکن، ب ده‌ره‌و و بۆختانان وان کێم بکه‌ن. لێ دیسا ب سه‌ر ناکه‌ڤن.
پەکەکە یا ب سایا مه‌دیایا کو داگیرکه‌ران ژ وان ڕا ئاماده کری یه هه‌ر دخوازن بێژن کو سه‌رمیانێ بارزانیان ٥۰ ملیار دۆلاره. لێ وه‌که د کارێ خوه دا ژێهاتینه ئه‌و ٥۰ ملیۆن کوردن دکن دۆلار.
به‌رێ ژی گه‌له‌ک جاران وه‌ها گۆتبوون، که‌سان باوه‌ر نه‌کربوون، نها دیسا دخوازن ڤێ ده‌ره‌وا خوه تێخن پیاسا خوه یا ل سه‌ر ئاساسێ ده‌ره‌وان.
مله‌تێ کورد ئێدی نه یێن به‌ری ٥۰ سالانه، ئێدی ب زمانێ خوه دخوینن، په‌روه‌رده دبن، خوه‌شی و ڕه‌هه‌تیا کو د ناڤا ئازادیا خوه دا ژیانێ دبینن. لۆما ئێدی کی چ بکە ژی ئه‌و که‌سێن ل وه‌لاتێ خوه ب ئازادی دژین وێ چو جاران ده‌ڤ ژ وێ ئازادی و ڕێبه‌رێن خوه بارزانیا به‌رنه‌دن.
بارزانی و پەدەکە ژ ڕۆژا ته‌کۆشینا ئازادیا کوردستانێ کرنه و هه‌تا نها داخوازا وان ئه‌و بوو کو کوردان بکن خوه‌دی ده‌وله‌تا وان.
پەکەکە و عه‌ڤدلا ژی ژ ڕۆژا ده‌رکه‌تنه و هه‌تا ڕۆژا ئیرۆ ژ بۆنا هه‌ر چار پارچەیێن کوردستانێ تێک ببن و سینۆرێن داگیرکه‌ران بپارێزن هه‌نه.
دڤێ ئێدی کورد ڤێ فه‌رقێ ببینن و ببن خوه‌دی هه‌لوه‌ست. ژ به‌ر کو بارزانی خوه‌دیتیێ ل ٥۰ ملیۆن کوردان دکه پەکەکە ژی دخوازە ڤێ وه‌که دۆلار ڕێ بدن. لێ ئێدی دز و خوه‌دیێ مالێ ب هه‌ڤ هه‌سیانە. کورد ژی هشیار و ل سه‌ر لنگانن…
