ئۆفیسا تێکلیێن کارێن دهرڤه یا پارتییا دهمۆکرات یا کوردستانا ئیرانێ، دهربارێ خوهپیشاندانێن ل ئیرانێ داخویانیهک بهلاڤ کر و بانگی جڤاکا ناڤنهتهوهیی کر کو ل ههمبهری توندیا تههرانێ بێدهنگ نهمینن.
د داخویانیێ دا هات دیارکرن کو د ڕۆژێن داوی یێن سالا ۲۰۲٥ئان دا، ل باژارێن مهزن یێن ئیرانێ پێلهکا نوو یا خوهپیشاندانێن گهل دهست پێ کریه.
داخویانی ئاشکهره کر کو ئهڤ خوهپیشاندان ژ بهر زهحمهتیێن ئابۆری، ئهنفلاسیۆنا بلند و نهرازیبوونا سیاسی دهرکهتنه هۆلێ.
ل گۆری داخویانیێ ئهڤ کریز نه تهنێ ئابۆریه، د ههمان دهمێ دا ئهنجاما زهختێن سیاسی نه کو گهلێن ئیرانێ دهمهکا درێژه پێ را ڕووبروو نه. ئهڤ یهک د سلۆگانێن خوهپیشاندهران دا ژی تێ دیتن کو داخوازا ئازادی، ڕزگاری، عهدالهتێ دکن.
داخویانی ئاشکرە دکە کو د ناڤ خوهپیشاندانێن بەردەوام دکن دا، هێزێن زهختکار یێن ئەولەهیێ یێن ڕژێمێ چهند خوهپیشاندهر کوشتنه و بریندار کرنه.
داخویانییا پەدەکێ تهڤگهرا “ژن، ژیان، ئازادی” ب بیر تیە و ددە خویاکرن کو د وێ تەڤگەرێ دا گەلێ کورد ڕاستی بهرسڤهک پر هۆڤانه یا هێزێن ڕژێمێ هاتبوون.
ل گۆری داخویانییێ، ئهڤ ئاوایێ رەفارێن هۆڤانە یێن هێزێن ئەولەهییێ یێن ئیرانێ نه تهنێ ب کوردستانا ئیرانێ ڤە سینۆردارن، لێ سڤیل، ڕۆژنامهگهر و پارێزڤانێن مافێن مرۆڤان ل سهرانسهرێ ئیرانێ ب خوەڤە دگرن
ههر وها هات ئاشکهرهکرن کو ل گۆری ئامارێن ڕێخستنێن سهربخوه، سالا ۲۰۲٥ئان زێدهتری ۱٥۰۰ کهس هاتنه سێدارەدان کو ئهڤ د دههسالێن داوی دا ههژمارا ههری بلنده و ههری زێده کورد ڤان جهزایێن گران دگرن.
پپەدەکە د داخویانییا خوە دا، ژ بۆ ڕێلبهرگرتنا توندیا ڕژێمێ، بانگ ل ئهورۆپایێ و سیاسهتمهدارێن جیهانێ دکە کو ڤان گاڤان باڤێژن:
“ب ئاوایهکی ئاشکهره پشتگریا خوهپیشاندانێن ئاشتیانه بکن و بکارانینا هێزێ یا زێده یا هێزێن زهختکار یێن کۆمارا ئیسلامی شهرمهزار بکن.
ژ بۆ بهرفرههکرنا جهزایێن ل دژی بهرپرسێن ئیرانی و سازیێن کو ڕاستهراست بهرپرسیارێ بنپێکرنا مافێن مرۆڤانن، ب سیاسهتمهدار و سهرکردهیێن دن را ههڤاههنگیێ بکن.
ژ بۆ چاڤدێری و ڕاپۆرکرنا بنپێکرنێن مافێن مرۆڤان و دابینکرنا گەهشتنا سهربخوه یا مهکانیزمایێن نهتهوهیێن یهکبوویی و چاڤدێرێن ناڤنهتهوهیی ههول بدن.”
ل گۆری داخویانییا پارتییا دهمۆکرات یا کوردستانا ئیرانێ، پشتگریا ئهورۆپایێ د ڤێ دهما حهساس دا دکاره باندۆرهکا مهزن ل سهر ژیانا گهلێن ئیرانێ بکه کو ژ بۆ داخوازکرنا مافێن خوه یێن بنگههین یێن دهمۆکراتیک ههر تشتی ددن بهر چاڤان.
