پەكەكێ ئەو كوشت
بەرپرسێ ئاسایشا گومركا سەرزێری، غازی سالح ئالیخان، رۆژا پێنشەمیێ 2020.10.08 ژ ئالیێ چەكدارێن پارتیا كاركەرێن كوردستانێ (پەكەكێ) ڤە ھات شەھید كرن.
ل گۆر زانیاریێن ل بەر دەستن، بەری ھەیامەكی غازی سالح ژ ھەڤالێن خوە را گۆتبوو كو چەكدارێن پەكەكێ گەفێن كوشتنێ لێ كرینە. ھەر چەندە وی خوە دپاراست و ب ھشیاری تەڤدگەریا، لێ ئاشكەرایە یێ كو ئەو شەھید كری د وارێ بكارئانیا قەناسێ دا كەسەك شارەزا و پسپۆرە، ژ دوور ب قەناسێ ستێركا خوە ل غازی سالح گرتیە ل بەر دەریێ مالا وی شەھید دكە.
غازی صالح ئالیخان، خەلكێ گوندێ بیگداودا دەڤەرا بەروارچ بالا یە، ژ مالباتەكا كوردپەوەر، خەباتكەر و وەلاتپارێزە، ئەو دگەل مالباتا خوە و گوندێ خوە ھەرتم بەشەك بوون ژ شۆرەشێن باشوورێ كوردستانێ، پێشمەرگاتی، كۆچبەری، گوندشەوتی و گەلەك ئازار و دەردەسەریێ دن كێشانە و دیتنە.
ھەلبەت سەرۆكتیا پەكەكێ ژی كەسێن ب ڤی ئاوایی، یێن نەتەوەیی و دەولەتخواز دكن ئارمانج و تەرۆر دكن و دلێ ئاغایێن خوە، داگیركەرێن كوردستانێ خوەش دكن.
ئەڤ بوویەرا شەھیدكرنا غازی سالح بەرپرسێ گومركا سەرزیرێ، بوویەرا ئادارا سالا 1989 ێ ل گوندێ شیڤرەزانێ ل سەر تخووبێ ناڤبەرا باشوور و باكورێ كوردستانێ ل بیرا مە دئینە. ھینگێ ژی ب فەرمانا سەرۆكاتیا پەكەكێ، چەكدارێن وێ پارتیێ شەش پێشمەرگەیێن كوەردستانێ ب غەدر و خیانەت شەھید كرن:
- شەھید سعداللە ئاڤدەل
- شەھید ئەحمەد كادر
- شەھید محمەد حەمدی وەرمێلی
- شەھید نزار محمەد سلێمان
- شەھید نەزمی وەرمێلی
- شەھید خالد وەرمێل
بەرپەرێن دیرۆكا پەكەكێ ژ بوویەرێن پیس و قرێژ داگرتیە.
ئەنجومەنا ئاسایشا ھەرێما كوردستانێ ل سەر ڤێ بوویەرێ داخویانیەك دا، لێ مخابن ب ئاشكەرەیی پەكەكێ ب ڤێ تاوانێ تاوانبار ناكە. دڤێ یێدی ل سەر ئاستێ سازیێن فەرمی ژی، مرۆڤ راستیا ژ رایا گشتی را بێژە و روویێ راستیێ پەكەكێ ئاشكەرا بكە.
ئەنجومەنا ئاسایشا ھەرێم اكوردستانێ د پەیما خوە دا دبێژە: گەلەك مخابن، دەمژمێر 05:30 ێڤاریا رۆژا پێنشەمیێ 2020.10.08 غازی سالح ئالیخان بەرپرسێ ئاسایشا گومركا سەرزێری ل دەڤەرا بەرواری بالا ب دەستێ رەشێ تەرۆریستا ھات شەھید كرن، كو ئەو دەمەك بوو گەفێن كوشتنێ لێ ھاتبوون كرن.
ئەنجومەنا ئاسایشا ھەرێم اكوردستانێ ژ مالباتا خودێژێرازی را سەرساخیێ دخوازە دبێژە دێ تاوانبار باجا ڤێ تاوانا خوە دبن.
