پەكەكە گەفێن كوشتنێ ل سیاسەتمەدارەكێ كورد دكە
سیاسه‌تمه‌دار و ڕه‌وشه‌نبیر ئبراهم گوچلو ل دیاربه‌کرێ د کۆنفه‌رانسه‌ک چاپه‌مه‌نیێ دا خوویاکرن کو، پەكەكێ د ده‌رباری وی دا بریارا کوشتنێ دایه. تێ زانن کو گوچلو یه‌ک ژ وان که‌سایه‌تیایه د ده‌ربارێ پەكەكێ دا ڤه‌کری دیتنێن خوه دنڤیسه و دبێژه، گه‌له‌ک جارا ئه‌ڤ هه‌لوه‌ستا وی بوویه ئەگەر کو پەكەكە د ده‌ربارێ وی دا بریارا کووشتنێ بدە.
ده‌ما مرۆڤ دیرۆکا پەكەكێ دنێره و باش دنرخینه، بریارا پەكەكێ د ده‌ربارێ کوشتنا سیاسه‌تمه‌داره‌کێ ناسکرییێ کورد دا نه تشته‌ک نوویه و هه‌روه‌ها نه گه‌له‌ک غەریبە ژی. ژ بۆ کو پەكەكێ ب سه‌دان سیاسه‌تمه‌دار و ڕه‌وشه‌نبیر كوشتنە و ئه‌و ژ هۆلێ ڕاکرنه. ئه‌ڤ یه‌ک ژ خوه به‌شه‌که ژ سیاسه‌تا پەكەكێ.
لێ ل ڤێ ده‌رێ دڤێ ڕه‌خنه‌یه‌ک هه‌به. ژ به‌ر کو ده‌ما پەكەكە سیاسه‌تمه‌داره‌کێ/ا کورد تەھدید دکه و هه‌ولدده وی/وێ ژ هۆلێ ڕاکه ،مخابن ژ ئالیێ که‌سایه‌ت و سیاسه‌تێن ده‌رڤه‌یێ پەكەكێ پشتگریا پێوست نابینه و ئه‌ڤ یه‌ک ژی دبه ئەگەرەك مه‌زن کو پەكەكە ژ ڤان کریارێن خوه یێن کرێت جه‌ساره‌تێ دستینه.
پەكەكێ د ده‌ستپێکا خوه دا به‌لا خوه ل هه‌موو ڕێخستنێن کوردا دا و گه‌له‌ک کوردێن وه‌لاتپارێز کو ئه‌ندامێن پارتی و ڕێخستنێن جودا بوون كوشتن و ژناڤبرن. هه‌ری داوی پەكەكێ به‌رێ خوه دا پەدەکە=تركیا(کوک) و شه‌رێ وان کر، گه‌له‌ک کوردێن وه‌لاتپارێز ب دەستێن چەكدارێن پەكەكێ هاتن كوشتن. هه‌روه‌ها ب پراڤاکاسیۆنان ب هه‌زارا ئینسان کووشتن و دان کووشتن. پەكەكە د ناڤا خوه دا ژی، د ناڤ رێكخستنێن خوە دا، ب هه‌زاران گه‌نج تەسفیە كرنە. ب بریار و گۆتنا ئەبدۆلا ئۆجەلان پەكەكێ 15 هه‌زار که‌س د ناڤا خوه ده ب تۆمه‌مه‌تێن جودا تەسفیە كرنە و كوشتنە. پەكەك ئێریشی هه‌موو نرخێن کورد و کوردستانی دکه. که‌سه‌کێ كو ڤێ یەكێ، ڤان كریارێن پیس و سیاسەتا ب قرێژ و گەمارا پەكەكێ نزانبه یان ژی نه‌بینه نه‌مایه. ژ بۆ ڤێ یه‌کێ پێدڤیە نرخاندنه و شرۆڤەیەك به‌رفره‌ھ د ڤێ ده‌ربارێ ده بێته کرن.
ئه‌و که‌سایه‌تی یان ژی ئالیێن ل هەمبه‌ر کریارێن پەكەكێ یێن خراب بێده‌نگ دمینن و ل هەمبه‌ر تەھدید و کوشتنا سیاسه‌تمه‌دار و ڕه‌وشه‌نبیرێن کورد ژ ئالیێ پەكەكێ ڤه بێ هه‌لوه‌ست دمین، ڕاسته‌راست شریکێ ڤان تاوانێن پەكەكێ نه.
ئبراهم گوچلو د ده‌ستپشکا داخوویانیا خوه دا دبێژه: “به‌رپرسیارێن هاک-پارێ، پاکێ، ته‌ڤگه‌رێ و پەسەکێ به‌شداری جڤینا چاپه‌مه‌نی بوون. ئەز سپاسیا وان ھەموووویان دكم.”
باشه ژ بۆ چ پەدەکە-تركیا و پلاتفۆرما ده‌مۆکراتێن کورد (پەدەکە-باکور) ئاماده نه‌بوون؟ ژ بۆ چ ئالیێن د بن سێوانا هەدەپێ دانە د جڤینێ دا ئاماده نه‌بوون یان ژی ب ئاوایه‌کی هه‌لوه‌ستا خوه دیار نه‌کرن؟ گه‌لۆ هه‌لوه‌ستا ھەڤھزرێن ده‌مۆکراتکبوونا ترکیێ د ناڤا کەجەدێ چیه؟ پەهەدە چ دفکره؟ گه‌لۆ که‌سایه‌تیێن وه‌ک ئەحمه‌د تورک چ دبێژن؟ ئه‌ڤ پرس هه‌موو پێدڤیە به‌رسڤا خوه ببینن. پرس نه پرسا ئبراهم گوچلو ته‌نێیه، پرسا هه‌ر کورده‌کی یه کو دۆزا مافێ مله‌تێ خوه یێ ڕه‌وا دکه.
پەكەكە ڕۆژانه کوردێن ل دژبه‌رێ خوه تەھدید دکه. پەكەكە ب ڕێیێن جودا ڤێ یه‌کێ دکه. گه‌له‌ک جارا به‌لگه که‌تنه د ده‌ستێ مه‌دیایا ترکی دا کو ناڤێ ب ده‌هان سیاسه‌تمه‌دارا د لیسته‌یێن کوشتنێ یێن پەكەكێ دا هاتنه دیتن.
ل ڤێ ده‌رێ مرۆڤ هه‌وجه ناکه پەكەكێ ڕه‌خنه بکه. ژ به‌ر کو كوشتن و ژناڤبرنا سیاسه‌تمه‌دار ، ڕه‌وشه‌نبیر و نرخێن کوردا ئارمانجه‌ک ژ ئارمانجێن پەكەكێ یه. لێ ئه‌و بێده‌نگییا ل هەمبه‌ر ڤان کریارێن پەكەكێ پێدڤیە باش بھێتە نرخاندن و شرۆڤه کرن.
ده‌ما که‌سه‌ک ژ هەدەپێ تێ گرتن یان ژ ئالیێ ده‌وله‌تێ ڤه ل هەمبه‌ر ئه‌ندام و به‌رپرسێن هەدەپێ تشته‌ک نه حوقوقی تێ کرن، هه‌رکه‌س دقێره، دبه هاوار و گازی، ب ده‌هان داخوویانی تێن ڕاگەهاندن و “خوه‌زی ل وی یێ زووتر دیتنا خوه بێژه”. لێ ده‌ما پەکەکە هه‌مان كریار ل هەمبه‌ر ئالیه‌ک دن دکه، یان ژی ده‌ما پەكەكە سیاسه‌تمه‌داره‌ک کورد ب کوشتنێ تەھدید دکه و دکوژه، ژ بۆ چ “ئاخا مری” دکه‌ڤه ل سه‌ر هه‌رکه‌سه‌کی. ژ بۆ چ هه‌رکه‌س بێده‌نگ دمینە؟ ژ بۆ چ هەدەپە ده‌نگ ناکه؟ ژ به‌ر کو ئه‌و شریکێ تاوانێن پەكەكێ نه. د ڤێ ده‌ربارێ دا پێدڤیە هەدەپە،کەجەدە،پەهەدە و هه‌ڤالبه‌ندێن وان بھێنه شه‌رمه‌زارکرن . کورد هه‌تا نه‌بن خوه‌دی هه‌لوه‌ست د ڤێ ده‌ربارێ دا، دێ هه‌ر پەكەكە سیاسه‌تمه‌دارا تەھدید بکه و وه‌لاتپارێزا ژ ناڤ ببه و که‌سێن کو وه‌ک وان نه‌فکره بێ ده‌نگ بکه.
د کوشتنا وه‌لاتپارێزه‌کی/ێ ژ ئالیێ پەكەكێ ڤه هەدەپە، کەجەدە و پەهەدە خوه‌دیێ هه‌مان تاوانانه. پارتی و ئالیێن هه‌ڤالبه‌ندیا وان دکن و بێ ده‌نگ دمینن شریکێ ڤان تاوانێن پەكەكێ نه.
گه‌ره‌ک ئه‌م ب زه‌لالی بێژن ل هەمبه‌ر ڤێ تەھدیدا كرێت یا پەكەكێ، ئیبراھیم گوچلو نه ب ته‌نێ یه…
2021.04.05
نووچه/ئانالیز
