سیاسی

پەیاما سەرۆكوەزیر نێچیرڤان بارزانی

نێچیرڤان بارزانی سه‌رۆکوه‌زیرێ کوردستانێ د په‌یامه‌کێ ده‌ جه‌ژنا ژدایکبوونا حه‌زره‌تێ مه‌سیح ل هه‌موو مه‌سیحیێن کوردستان و جیهانێ پیرۆز دکه‌ و هێڤی دکه‌ کو خووشک و برایێن مه‌سیحی جه‌ژنه‌که‌ تژی خوه‌شی و ئاڕامی ده‌رباس بکن و ئه‌ڤ جه‌ژن خێر و خوه‌شیێ ب خوه‌ ڕا بینه‌.

نێچیرڤان بارزانی دبێژه‌ کو ئه‌ڤ جه‌ژن د ده‌مکێ دا هات کو هێشتا هژماره‌که‌ زێده‌ یا خووشک و برایێن مه‌سیحی د کۆچبه‌ریێ دا دژین و هه‌تا نها نه‌کارینه‌  ژ بۆ سه‌ر مال و وارێن خوه‌ ڤه‌گه‌رن،

سه‌رۆکوه‌زیر د په‌یاما خوه‌ ده‌ ته‌ئکیدێ ل سه‌ر کولتوورا دێرین یا پێکڤه‌ژیانا د ناڤه‌را هه‌موو ئۆل و نه‌ته‌وه‌یان دا ل کوردستانێ دکه‌.

ئه‌ڤ ل ژێر ته‌کستا په‌یاما سه‌رۆکوه‌زیر:

هاتنا جه‌ژنا ژدایکبوونا حه‌زره‌تێ مه‌سیح (سلاڤێن خوه‌دا لێ بن) ل هه‌موو خووشک و برایێن مه‌سیحی ل کوردستان و تماما جیهانێ پیرۆز به‌. ب هێڤیا جه‌ژنه‌که‌ تژی ئارامی و به‌خته‌وه‌ری ده‌رباس بکن و ئه‌ڤ جه‌ژنه‌  خێر، خوه‌شی و  ئاشتییێ ژ بۆ تماما مرۆڤاتیێ ب خوه‌ ڕه‌ بینه‌.

جه‌ژنا ژدایکبوونا حه‌زره‌تێ مه‌سیح، ئیسال ژی د ده‌مه‌کێ دا هات کو، مخابن، هێشتا هژماره‌که‌ زێده‌ یا خووشک و برایێن مه‌سیحی د کۆچبه‌ریێ ده‌ دژین و هه‌تا نها نه‌کارینه‌  ژ بۆ سه‌ر مال و وارێن خوه‌ ڤه‌گه‌رن، ئه‌م هێڤیدارین کو د جه‌ژن و مناسبه‌تێن بێن دا، هه‌موو ب سه‌ربلندی ژ بۆ سه‌ر ملک و وارێن خوه‌ ڤه‌گه‌رن و ئارامی و ئه‌وله‌کاری و دلره‌حه‌تی تماما عیراق، ده‌ڤه‌ر و جیهانێ ڤه‌گره‌.

د ڤێ جه‌ژنا پیرۆز دا، ئه‌م جاره‌که‌ دن ته‌ئکیدێ ل سه‌ر کولتوورا دێرین یا پێکڤه‌ژیان، لێبهورین، ئاشتیخوازی، روح و په‌یاما مرۆڤانه‌یا مه‌سیحییه‌تێ و ئۆلان د ناڤبه‌را پێکهاته‌یێن ئۆلی و نه‌تیه‌وه‌یی ل کوردستانێ و پاراستنا وێ کولتوورێ دکن کو به‌شه‌ک گرنگ ژ دیاری،  زه‌نگینی و شانازیێن پێکهاته‌یێن کوردستانێ یه‌.

جاره‌که‌ دن جه‌ژنا ژدایکبوونا حه‌زره‌تێ مه‌سیح ل هه‌موو ئالیان پیرۆز  به‌ و ئه‌م جه‌ژنه‌ک و بهێنڤه‌دانه‌کا خوه‌ش ژ بۆ هه‌موویان دخوازین.

نێچیرڤان بارزانی

سه‌رۆکوه‌زیرێ هه‌رێما کوردستانێ

24.12.2018

Back to top button