هاتنا جه‌ژنا پیرۆز یا ڕه‌مه‌زانێ ل هه‌موو مسلمانان ل کوردستانێ، هه‌روەسا ل ئیراق و جیهانێ، ب تایبه‌تی ژی ل مالبات و که‌سووکارێن سه‌ربلند یێن شه‌هیدان پیرۆز به. ئەز هێڤیدارم کو هه‌ر که‌س جه‌ژن و بێهنڤه‌دانه‌ک ئارام و ته‌نا و تژی به‌خته‌وەری ده‌رباس بکن و ب خێر و خوه‌شی ژ بۆ هه‌موو ئالیان ڤه‌گه‌ره.
ئه‌ڤ جه‌ژنا پیرۆز، هه‌لکه‌فتن و ده‌رفه‌ته‌که ژ بۆ کو ئه‌م هه‌موو گرێدانا خوه ب واته و نرخ و په‌یامێن بلند یێن جه‌ژنێ یێن لهه‌ڤهاتنێ، لێبوورینێ، ئاشتیێ، عه‌فووکرنێ و مرۆڤدۆستیێ را نوو بکن، ل تێکلیێن خوه بنێرن و ل سه‌ر بنگه‌ها ڕێز و حه‌زکرنێ، دۆستانی و هه‌ڤکاریێ، ژ نووڤه ئاڤا بکن.
ئەز هێڤیدارم کو جه‌ژن و هه‌لکه‌فتنێن پاشه‌رۆژێ، ژ هه‌ر که‌سی را د ڕه‌وش و ڕۆژ و ژیان و حاله‌کێ باشتر دا بێن و ئه‌م هه‌موو ب هه‌ڤ را ل هه‌رێما کوردستانێ و ئیراقێ، یه‌کبوویی و هاریکار، بکاربن باشتر خزمه‌تا گه‌ل و وه‌لات بکن.
جه‌ژنا وه هه‌موویان پیرۆز به، هه‌ر سال ب خوه‌شی بە.
نێچیرڤان بارزانی
سه‌رۆکێ هه‌رێما کوردستانێ
٢٩\٣\٢٠٢٥
