بیرئانینا ٣١ سالیا سەرهلدانا ب روومەت ل ئادارا سالا ١٩٩١ێ ب گەرمی ل مالباتێن سەربلندێن شەهیدان و پێشمەرگە یێن مێرخاس و هەموو کوردستانیان ل ناڤخوە و دەرڤەیی کوردستانێ پیرۆز دکم.
سەرهلدان دەربرینا خوەستەک، باوەری و ئیرادەیا مۆکم یا گەلێ کوردستانێ بوو ژ بۆنا ژیان و پاشەرۆژەکا باشتر و ئازاد و سەرفەراز و رەتکرنا ستەم و زۆرداریێ بوو. بەرهەمێ خەبات و قوربانیدانا پێشمەرگە و گەل و جەماوەرێ سەرهلدایی و یەکرێزیا ئالیێن سیاسی و پێکهاتە یێن کوردستان بوو.
سەرهلدان دەریێ ڤەکریێ کوردستان بوو ژ بۆ قۆناخەکا نوو یا خوەبرێڤەبرنێ و دامەزراندنا سازیێن شەرعی و فەرمی یێن هەرێما کوردستانێ کو پشتی ئازادیا ئیراقێ د دەستوورێ دا هاتنە ب جی کرن، د ناڤخوە و جیهانا دەرڤە ژی دا ب فەرمی هاتنە ناس کرن و تەعامول پێ را تێ کرن.
د ڤێ بیرئانینێ دا، ئەم جارەکە دن تەئکید دکن کو پاراستنا ئازادی و دەستکەفتیێن سەرهلدانێ و مافێن دەستووری یێن هەرێما کوردستانێ، ئەرک و بەرپرسیاریا هەڤبەش یا هەموو کوردستانیانە و وەفادریە ژ بۆ جانێ پاقژێ شەهیدان و هەموو قوربانیێن رێیا ئازادیێ.
بلا ئەڤ بیرئانین ببە پالدەرەک ژ بۆ زێدەتر مۆکمکرنا جانێ براتیێ، بهەڤرابوون، یەکرێزی، کوورکرنا پێکڤەژیانێ، هەڤدوقەبوولکرن، لێبوردنێ و کارکرن ژ بۆنا وان ئارمانجێن کو شەهیدێن سەرهلدانێ و هەموو شەهیدێن کوردستانێ جانێ خوە ل سەر دانای.
تەڤی دوپاتکرنا پابەندبوونا مە ب ئارمانجێن سەرهلدانێ، ئەم ب هیڤی و ئومێد، ب باوەری و گەشبینی ژ بۆ پاشەرۆژەکا باشتر دنێرین و ب رێز و حورمەت ڤە یادا شەهیدێن سەهلدان و هەموو شەهیدێن کوردستانێ دکین.
نێچیرڤان بارزانی
سەرۆکێ هەرێما کوردستانێ
٢٠٢٢/٣/٥
