Nasrat Hacî
سەرۆك مەسعود بارزانی، ب مناسبەتا دەرباسبوونا سێ سالان ب سەر مرنا مام جەلال تالەبانی سەرۆك كۆمارێ عیراقێ یێ بەرێ و سەكرەتەرێ گشتیێ یەكێتیا نشتمانیا كوردستانێ، پەیامەكێ ژ ھەر دو كورێن مام جەلال، باڤل و قوباد را دشینە و وان وەك برازایێن خوە ب ناڤ دكە.
سەرۆك بارزانی د ڤێ پەیاما خوە دا دخوازە گەلەك پەیامان بگەھینە مالباتا جەلال تالەبانی و ژ باڤل و قوباد را بێژە ل سەر رێبازا بابێ خوە بەردەوام بن و درێژیێ ب رێیا بابێ خوە بدن، بابێ وە یەنەك وەك میراسەك ژ وە را ھێلایە و دڤێ ھوون بپارزن و كەسەك دن میراسێ باڤێ وە نەخو.
نھا رۆژھەلاتا ناڤین و ب تایبەتی عیراق و ھەرێما كوردستانێ د رەوشكە گەلەك زیز دا دەرباس دبن و رەوش بەر ب پەقین و چێبوونا گوھەرتنا ڤە دچە. ئھا د ڤێ قۆناغ و رەروشێ دا ناڤمالا كوردی ل ھەرێما كوردستانێ پرت و بەلاڤە و ھەر ئالیەك ل گەلیەكی ئاوازەكی دخوینە. بەلێ د ڤێ رەوشا نازك دا یەكێتیا نشتمانیا كوردستانێ وەكە ھێزەك سەرەكە خوەدی مال و چەك بەر ب ھنداڤەكا نەراست ڤە دچە. باسكەكێ ناڤ یەنەكێ ب سەرۆكاتیا لاھور شێخ جەنگی و برایێن وی دخوازن ھەرێما كوردستانێ پارچە بكن، بكن دو ئیدارە و ئیدارەیا سلێمانیێ تەسلیمی حەشدا شەعبی و ئیرانێ بكەن.
ژ بەر ھندێ سەرۆك بارزانی د ڤێ پەیاما خوە دا دخوازە ژ باڤل و قوباد را بێژە خوە ھشیار كن ھوونن خوەدیێ یەنەكێ و باڤێ وە یەنەك ھەتا ڤێرە ئینایە و رێ نەدن ھندەك یەنەكێ ژ دەست وە دەرخن و ب ئالیەل شاش ڤە ببن رەوشا ھەرێما كوردستانێ تێك بدن: “ھیڤیدارم ھوون ژی ژ بۆنا بدەستڤەئانیا خەونا گەلێ مە ل سەر رێیا بابێ خوە بەردەوام بن و د مۆكمكرنا یەكرێزیا نشتمانی دا تەخسیریێ نەكن.”
سەرۆك بارزانی د پەیاما خوە دا بەحسا رۆلا تالەبانی دكە چ د سەردما خەباتا شۆرەشگێری د ناڤ تەڤگەرا ئازادیخوازا كوردستانێ دا و چ ژی د دەما سەرۆكاتیا عیراقێ دا وەكە یەكەم سەركۆمارێ كورد و دیار دكە كو رۆلەكا مەزن و ب باندۆر بوو.
د ڤێ رەوشا نھا ھەرێما كوردستانێ تێرا دەرناس دبە ژ ھەر دەمەك زێدەتر پێدڤی ب یەك رێزی و یەكدەنگیێ ھەیە، لێ ژ بەر ھەلوەستێن شاشێن باسكەك ناڤ یەنەكێ سەرۆك بارزانی وێ یەكرێزیێ و یەكدەنگیێ نابیینە و لەورا د پەیاما خوە دا ژ باڤل و قوباد را دبێژە: “نھا ژ ھەموو دەمان زێدەتر ئەز ھەست ب خوسارەتا ژدەستدانا مام جەلال دكەم.” ئانكو ڤەگەرن سەر رێیا نشتمانی و نەتەوەیی و ب ھەڤ را ناڤمالا كوردی رێكبێخین و خوە ژ بۆ قۆناغا بھێت و گوھەرتنێن چێ دبن ئامادە بكن.
ب گۆتنەك دن، سەرۆكا بارزانی دخوازە ژ كورێن تالەبانی را بێژە كو دەما بابێ وان د ژیانێ دابوو ھەموو پرسگرێك ب ھەڤ را چارەسەر دكرن و رێكەفتنا ستراتەژی د ناڤبەرا پەدەكێ و یەنەكێ دا ھەبوو د وێ قۆناغێ دا ھەرێما كوردستانێ د ھەموو واران دا پێشدە چوو و گەلەك دەستكەفتی بدەست خستن. وەرن سەر رێیا بابێ خوە دا ئەو دەستكەفتیێن مە ب دەستخستنە ژ دەست نەچن.
تێكستا پەیاما سەرۆك بارزانی:
برازایێن من كاك باڤل و كاك قوباد
ب مناسبەتا دەرباسبوونا سێ سالان ب سەر مرنا برایێ من یێ بەرێز مام جەلال، دگەل پێشكەشكرنا قەدر و حورمەت ژ بۆ رۆلا ب باندۆر یا مام جەلال د دەما خەباتا شۆرەشگێرانە د تەڤگەرا رزگاریخوازا گەلێ مە و د دەما سەرۆكاتیا عیراقێ دا وەكە یەكەم سەركۆمارێ كورد، نھا ژ ھەموو دەمان زێدەتر ئەز ھەست ب خوسارەتا ژدەستدانا وی دكەم.
ئەز ھیڤیدارم ھوون ژی ل سەر رێیا بابێ خوە بەردەوام بن و درێژیێ پێ بدن ژ بۆنا بدەستخستنا خەونا گەلێ مە و د مۆكمكرنا یەكرێزیا نشتمانی دا تەخسیریێ نەكن.
مامێ وە
مەسعود بارزانی
2020.10.02
