سیاسی

پەیامەك ژ نێچیرڤان بارزانی

پارلامەنتۆیا ئیراقێ یاسایا ژنێن رزگاربوویێن ئێزدیان پەسند كر. ب ڤێ ھەلكەفتێ نێچیرڤان بارانی سەرۆكێ ھەرێما كوردستانێ پەیامەك دا رایا گشتی و كێفخوەشیا خوە ل ھەمبەر پەسندكرنا ڤێ یاسایێ دیار كە و گۆت كو ئەڤ پێنگاڤەك گرنگە ژ بۆنا قەرەبووكرنا خووشك و برایێن مە یێن ئێزدی.

ئەڤ ل ژێر تێكستا پەیاما سەرۆكێ ھەرێما كوردستانێ:

ب هه‌لکه‌فتا په‌ژراندنا پرۆژه‌یاسایا ژنێن ڕزگاربویێن ئێزدی  ل ئه‌نجومه‌نا نوونه‌رێن ئیراقێ، سپاسیا هه‌موو فراکسیۆنێن پارله‌مه‌نا ئیراقێ دکم. ئه‌ڤه‌ پێنگاڤ  و ده‌ستپێکێکا‌ گرنگه‌ ژ بۆنا قه‌ره‌بووکرنا خووشک و برایێن مه‌ یێن ئێزدی و پشتراستكرنا وان كو گرنگی ب پاراستن و ژیانا وان دھێتە دان.

داخوازێ دکین كو ب ئاوایه‌کێ‌ له‌زگینی ده‌ست ب جیبجیكرنا هه‌موو خالێن ناڤ یاسایێ بھێت کرن، ژ به‌ر کو ڕه‌وشا هه‌موو ژنێن ئێزدیێن مە یێن ڕزگاربویی،   زارۆک و مالباتێن وان پێویستی ب هه‌ڤکاریا ب له‌ز یا هه‌موو ئالیانا هه‌یه‌.

خوشک و برایێن ئێزدی، ب ڕه‌ڤاندنا ژن و زارۆکان و کۆمکوژیکرنا زلامێن وان، توشی کۆمکوژیه‌کا گه‌له‌ک مه‌زن و گەلەك درنده‌‌  بوون،  ژ بلی وێرانبوونا زێده‌ترێ ده‌ڤه‌را شنگالێ و ده‌ربه‌ده‌ربوونا زێده‌ترێ خه‌لکێ ئێزدی کو بێگومان ڤێ‌ ژی پێویستی ب دووڤداچوون و بریارێن زێده‌تره‌  ھەیە ژ بۆنا کو هه‌موو ئێزدی پشتراست بن کو دکارن ب دلەك رەحەت‌ ڤه‌گه‌رن ناڤچه‌یێن خوه‌ و ده‌ست ب ئاڤادانکرنێ بکن و دابینکرنا خزمه‌تگوزاریان بگەهه‌ ناڤچه‌یێن وان، پێنگاڤێن گرنگ ژی ژ بۆ ڤێ مه‌به‌ستێ جیبجیكرنا هه‌موو خالێن ڕێکه‌فتننامه‌یا شنگالێ یە‌.

مه‌ ب ڕێیا نڤیسینگه‌ها ڕزگارکرنا ڕه‌ڤاندیێن ئێزدی ‌ کاریه‌ هه‌تا نها 3545 ژن و زلام و زارۆکێن ئێزدی ڕزگار بکین، خووشک و برایێن ئێزدی پشتراست دکین کو وه‌کی ئه‌رکێ خوه‌ ب هه‌موو ئاوایه‌کی به‌رده‌وام دبین ژ بۆ ڕزگارکرن و ئا‌شکه‌ره‌كرنا چاره‌نڤیسا وان 2768 ئێزدیێن کو هه‌تا نها ژی و‌ندانه‌.

نێچیرڤان بارزانی

سه‌رۆکێ هه‌رێما کوردستانێ

2021.03.01

Back to top button