سهرۆک بارزانی (یهکشهمێ، ۱۸.۰۱.۲۰۲٦) ل سهر وان شهر و ئالۆزیێن کو د ناڤبهرا هێزێن حکومهتا سووریێ و هێزێن سووریهیا دهمۆکراتیک (هسد) دا ههنه ڕاگەهاند: ئهم هێڤیدارن ههموو ئالی ڤهگهرن لههڤکرنێن کو بهرێ ژ بۆ چارهسهرکرنا پرسگرێکان و بدهستخستنا ئارامیا د ناڤبهرا ئالیێن سووریێ دا هاتبوون چێکرن.
هەروەسا، سەرۆک بارزانی د پەیاما خوە دا تەکەز دکە کو ژ بۆنا گارانتیکرنا مافێن گەلێ کورد ل رۆژاڤایێ کوردستانێ دڤێ مەرسووما سەرۆکێ سووریێ د دەستوورا بنگەهین یا وی وەلاتی دا بێ بجهکرن
پهیاما سهرۆک بارزانی
ب ناڤێ خوهدایێ مهزن و دلۆڤان
دهربارێ پێشکهتن و گوههرتنێن داوی یێن سووریێ و د چارچۆڤهیا ههولدانێن ژ بۆ چارهسهرکرنا پرسگرێکان دا، دۆهی (١٧\١\٢٠٢٦) مه جڤینهکه ههڤبهش یا گرینگ ب نوونهرێ تایبهت یێ سهرۆک ترەمپ بۆ کارووبارێن سووریێ و فهرماندهیێ گشتی یێ هێزێن سووریەیا دهمۆکراتیک و سهرۆکێ ئهنکسێ را ههبوو.
ئهم هێڤیدارن د زووترین دهمێ دا ئهڤ شهر و ئالۆزی و پەڤچوونێن کو نها د ناڤبهرا هێزێن حکومهتا سووریێ و هێزێن سووریەیا دهمۆکراتیک دا ههنه، ڕاوهستن و ههموو ئالی ڤهگهرن لههڤکرنێن کو بهرێ ژ بۆ چارهسهرکرنا پرسگرێکان و بدهستخستنا ئارامییا د ناڤبهرا ئالیێن سووریێ دا هاتبوون چێکرن. ههروها ئهم دهرکهتنا بریارنامهیا سهرۆکێ سووریێ دهربارێ مافێن کوردان دا وهکی گاڤهکا ئهرێنی و د ڕێیا ڕاست دا دبینن و ئهم هێڤیدارن کو ببه بنگهههک ژ بۆ کو ب ڕازیبوونا ئالیێن پهیوهندیدار دهولهمهندتر ببه و ب ئاوایهکی یاسایی و دهستووری، گارانتییا مافێن گهلێ کورد ل سهر بنگههێ وێ بێ ئاڤاکرن.
مهسعود بارزانی
١٨\١\٢٠٢٦
