په‌یامه‌ک ژ سه‌رۆکێ هه‌رێما کوردستانێ
ئیرۆ ۱٦ێ نیسانێ ئه‌م ۳٦ سالیا تاوانه‌که دن یا رژێما به‌رێ یا ئیراقێ ب بیر تینن کو ده‌ستپێکا تاوانێن هۆڤانه یێن ئێریشا کیمیایی ل سه‌ر وه‌لاتیێن سڤیل ل کوردستانێ یه، ئه‌و ژی تاوانا کیمیابارانا ل سه‌ر خەلک، ئاخ و خوه‌زایا به‌ده‌و یا بالیسان. شێخ وه‌سان و گه‌لیێ خۆشناوه‌تی یه.
ئه‌م شه‌هیدێن نه‌مر یێن ڤێ تاوانێ گه‌له‌ک ب رێز و حورمه‌ت ب بیر تینن و به‌ژنا خوه ل به‌ر گیانێ وان یێ پاک دته‌وینن. ئه‌م سلاڤ و حورمه‌تان ژ بۆ به‌رکه‌فتی و قوربانیێن وێ کاره‌ساتێ دشینن کو، هینگێ رژێمێ رێ دا برینێن خوه ژی ده‌رمان بکن و ب که‌سووکار و مالباتێن خوه را نه‌چار بوون ته‌حه‌مول بکن و ئێش و ژانێن مه‌زن بکشینن.
بالیسان، شێخ وەسان و گه‌لیێ خۆشناوه‌تی ب گشتی هه‌ر تم ناڤه‌ندێن خه‌بات، ته‌کۆشین و به‌رهنگاربوونا ل دژی زلم و سته‌ما رژێمێ بوون، جه و هشارێن ڤه‌حه‌واندن و پشته‌ڤانیا پێشمه‌رگه یێ شۆره‌شێن کوردستانێ بوون، ژ به‌ر هندێ وه‌که گه‌له‌ک جارێن دن، بهارا سالا ۱۹۸۷ێ جاره‌کا دن که‌تنه به‌ر پێلا ره‌ش یا رژێمێ و کیمیاباران کرن.
ب ڤێ مناسبه‌تێ ئه‌م تەکیدێ ل سه‌ر وێ یه‌کێ دکن کو زێده‌تر گرنگی پێ بێ دان و باشتر خزمه‌تا وێ ده‌ڤه‌رێ و خه‌لکێ وێ یێ وه‌لاتپارێز، د هه‌موو واران دا، بکن.
سلاڤ ل سه‌ر گیانێ پاکێ شه‌هیدان به و بیرانینا وان هه‌ر ده‌م ب خێر به.
نێچیرڤان بارزانی
سه‌رۆکێ هه‌رێما کوردستانێ
٢٠٢٣.٤.١٦
