سەرۆک نێچیرڤان بارزانی د پەیامەکی دا ئێرێشا مووشەکی بۆ سەر هەولێرێ ب دژواری شەرمەزار دکە و ب ئێریشەکا ترسنۆک و هۆڤان ب ناڤ دکە و دبێژە چو حێجەت ژ بۆ وان ئێریشان نینن.
سەرۆکی هەرێما کوردستانێ د پەیاما خوە دا داخوازێ ژ حکومەتا فەدەرال یا ئیراقێ و جڤاکا ناڤدەولەتی دکە کو ب جدی هەلوەستێ خوە ل هەمبەر ڤان ئێریشان دیار بکن و ئێدی رێ نەدن بێرێزی ب سەروەریا ئیراقێ و خەلکێ وێ بهێتە کرن.
پەیامەک ژ سەرۆکێ هەرێما کوردستانێ
ئەم گەلەک ب دژواری وێ ئێریشا مووشەکی شەرمەزار دکین کو دوهی درەنگیا شەڤا چوویی ب ئاوایەکی ترسنۆکانە و هۆڤانە بێ چو هێجەت خەلک، ئارامی و تەناهیا هەولێر، پایتەختێ هەرێما کوردستانێ، کر ئارمانج
سپاس ژ بۆ خوەدێ مەزن کو چو زیانێن جانی نەبوون. ئەم خوە ب هەڤسۆزیا هەڤوەلاتێن خوەشتڤی یێن هەولێرێ دزانن کو د ناڤ نیگەارنی و نەرەهەتیێ دا دەمەک دژوار ب رێ کر. بەرهنگاربوونا قەب، گەف و مەترسیان براتی و یەکرێزی و کارێ پیکڤەیی ژ هەموو ئالی و پێکهاتەیێن کوردستانێ تێ خوەستن.
بئارمانجگرتنا هەولێرێ ب وی ئاوایی و دوبارەبوون پێشهاتەیەکا ترسناک و بنپێکرنا بلۆق یا ئارامی، تەناهی و سەروەریا ئیراقێ یە و ژ بلی ئالۆزکرنا رەوشێ و زیناگەهاندن ب نها و پاشەرۆژا تماما ئیراق، تو ئەنجامێن دن نابە.
ئەم داخوازێ ژ حکومەتا فەدەرال یا ئیراقێ و جڤاکا ناڤدەولەتی دکین کو ب جدی ل سەر ڤان دەستدرێژیا راوەستن و هەموو هەولان بدن دا ئێدی رێ نەهێتە دان بێرێزی ب سەروەری و تەناهیا وەلات و ئاسایش و ئارامیا هەڤوەلاتیان بێ کرن.
نێچێرڤان بارزانی
سەرۆکی هەرێما کوردستانێ
٢٠٢٢/٣/١٣
