پەیچ و ئەكاونتێن لاھۆر شێخ جەنگی ھاتن داخستن
.كۆمپانیا فێسبوكێ ب فەرمی ب سه‌دان پەیچ، ھەژمار و ئەكاونت یێن سەر ب ده‌زگه‌هێ زانیاری ژ به‌ر به‌لاڤکرنا نووچه و مژارێن ده‌ره‌و، شاش و سەختە بلۆک کرن
كۆمپانیا ناڤدار یا فێسبوكێ د داخویانیەكێ دا دبێژە كو كۆمپانیا فێسبوكێ ب فەرمی 234 پەیچ، 71 ئەكاونت، 5 گرووپ و 31 ئەكاونتێن ئینستگرامێ كو ھەموو سەر ب دەزگەھێ زانیاری یێ كو لاھۆر شێخ جەنگی ھەڤسەرۆكێ یەكێتیا نشتمانیا كوردستانێ (یەنەكە) سەرۆكاتیێ دەكە، داخستن/بلۆكرن.
ل گۆر زانیاریێن فێسبوكێ ڤان پەیچ، ئەكاونت و ھەژمار و گرووپان نێزیكی 4 ملیۆن و نیڤ فۆلووەر و فان ھەبوون و 270 ھەزار دۆلارێن ئەمریكی ل وان ھاتنە خەرج كرن. فێسبوكێ ئاشكەرا كریە وان پەیچان زانیاریێن، نەراست و نووچەیێن درەو وەشاندنە و سڤكاتی ب نەیارێن خوە كریە.
پارلەمەنتەرەكا بەرێ یا تەڤگەرا گۆرانێ د نامەیەكێ دا داخوازێ ژ دۆزگەرێ گستی دكە كو ل سەر پەیچێن دەزگەھێ زانیاری یێ كو لاھۆر شێخ جەنگی سەرۆاكتیێ دكە سكالایێ قەید بكە.
پەیمان عزەدین پارلەمەنتەرا بەرێ یا تەڤگەرا گۆرانێ كو نھا چالاكڤانا مەدەدنی و خوە سەربخوە ددە زانین، ل سەر داخستنا پەیچ و ئەكاونتێن دەزگەھێ زانیارێ یێ لاھۆر شێخ جەنگی داخوازێ ژ دۆزگەرێ گشتی دكە كو سكالایێ ل سەر دەزگەھێ زانیاری تۆمار بكە ژ بەر كو وان پەیجان سوشیالمەدیا خراب بكارئانینە و سامانێ گشتی ل وان پەیچ و ئەكاونتان ھاتیە مەزاختن.
ل گۆر قانوونزانان دڤێ ل سەر ڤان خالێن ل ژێر سكلا ل سەر لاھۆر شێخ جەنگی كو ئەو ھەموو پەیچ و ئەكاونت د بن سەرۆكاتی و رێڤەبەریا وێ دانە بێ تۆمار كرن:
1- خراب بكارئانینا تۆرێن جڤاكی.
2- بھەدەردانا سامانێ گشتی.
3- زیانگەھاندنا ناڤێ ھەرێما كوردستانێ.
ژ ئالیەك دن ڤە، نھا ژ بۆ ھەر كەسی ب زەلالی ئاشكەرا دبە كا چما ئەو فەوزا و تەڤلیھەڤی ل ناڤ جڤكا كوردی و ب تایبەتی ل سلێمانیێ سەریھلدا یە. ھەروەدسا دیار دبە كا ژ بەر چ ئەو تاوان، كوشتن و رەڤاندنێن ل تخووبێ سلمانیێ دقەومین ھەر زوو خەلك ژ ترسا دەزگەھێ زانیاری ل سەر وان تاوان و كوشتنا بێ دەنگ دبوون و ژ ترسا لاھۆر شێخ جەنگی كسەك نەدوێریا خوە لێ بكە خوە دان و ل سەر باخڤە، وەكە میناك؛ كوشتتا ئامانج بابان، ھەڤژینا وی لانا مھەمەد و كورێ وان یێ ساڤا، تەسلیمكرنا مستەفا سەلیمی كو ژ زیندانا ئیرانێ بۆ ھەرێما كوردستانێ رەڤی بوو ل پێنجوینێ دەزگەھێ زانیاری تەسلیمی ئیرانێ كر و ئیرانێ ژی ئەو ئیعدام كر و گەلەك میناكێن دن.
