پەیەدە ھەوارا خوە دگەھینە پدك
شاندەیەكا پارتیا یەكێتیا دەمۆراتیك (پەیەدە) سەردانا پارتیا دەمۆكراتا كوردستانێ دكە و داخوازا ژێ دكە كا چەوا خوە ژ كریزا رۆژاڤایێ كوردتسانێ خلاس بكە ب تایبەتی كو وەڤە دەمەكە تركیا گەفێن خوە لسەر وێ پارتیێ زێدە كرنە.
ژێدەرەکی ژ ئاراک نیۆز ئەشکەرا کر کۆ ئەڤە سێ ڕۆژە شاندەکێ سەرکردایەتیا پەیەدێ کۆ پێک تێ ژ ئالدار خەلیل، ئیلھام ئەحمەد و ئەنوەر مسلم، سەرەدانا باشورێ كوردستان دکە بئارمانجا پێکئانێنا چەند ھەڤدیتنان دگەل سەرکردایەتیا پارتیا دیمۆکراتا کوردستانێ و چاوەنیا وەرگرتنا ئالیکاریێ ژ پدکێ ژبۆی پەیەدە خوە ژوێ کریزا خوە ل ڕۆژئاڤایێ کوردستانێ خستیە تێدا خلاسکە، بتایبەتی پشتی زێدەبوونا گەفێن ترکیایێ لسەر داگیرکرنا تەڤایا دەڤەرێن پەیەدە تێدا ژ ڕۆژئاڤا بۆ شەنگالێ و تا قەندیلێ.
ھەر وی ژێدەری خویاکر کۆ ئارمانج ژڤێ سەرەدانێ نێزیکبوونە ژئەنجومەنا نیشتمانی یا کوردی(ئەنەکەسێ) لژێر چاڤدێریا پارتیا دیمکراتی یاکوردستانێ، لگۆر ھەمان ژێدەر شاندێ پەیەدێ پشتی ھەڤدیتنێن خوە بداوی ئانین سەرەدانا قەندیلێ کریە.
تێ زانین کۆبەری وەختی پەیەدێ و ئەنەکەسێ، ژێر چاڤدێریا سەرۆك مەسعود بارزانی، سێ لھەڤھاتن بھەڤرا مۆرکربوون، لێ پەیەدە لسەر وان لھەڤھاتنان پۆشمانبوو ودرێژی بسیاسەتا بنپێکرنا ماف وئازدیێن خەلکی لڕۆژئاڤایێ کوردستانێ ددا، بگڕە ژکۆشتن وگرتنو ھەیا بیرۆ و بارەگا سوتن بتایبەتی دەرحەقا ئەندام وئالیگرێن ئەنەکەسێ دا.
پشتی لپەیەدێ تەنگاڤ بووی ڤا جار دن لدەریێ پدکێ ددە.
