چاڤێ خەلکی کۆر دکە و دەڤێ وان دگرە
ده‌ما به‌حسا پەکەکێ دهێتە کرن هنده‌ک کەس و ئالی عاجز دبن. تایبه‌تی ل باکورێ کوردستانێ د گه‌له‌ک گۆتوبێژن جڤاکی دا، ده‌ما ره‌وشا ئالیێن سیاسی تێ رۆژه‌ڤێ و سۆحبه‌ت ل سه‌ر سیاسه‌تا رۆژانه تێ کرن، که‌سه‌ک نه هەدەپێ و نه ژی پەکەکێ ڤه‌کری ره‌خنه ناکه. لێ هه‌ما به‌حسا کێماسیه‌کا هەدەپێ بێ کرن، به‌رته‌کا ئه‌ول ئه‌وه کو، دبێژن “ما ئاک پارتی ژ بۆ چ فلان تشتێ دکه“، یان ژی که‌سه‌ک به‌حسا راستیا هەدەپێ بکه د جهدا وێ/وی ب هه‌ڤالبه‌ندیا ئاک پارتیێ ئیتهام بکن. ئه‌ڤ یه‌ک وه‌ک ته‌کتیکه‌کا هەدەپێ یه کو بکاربه خه‌لکه‌کی بێ ده‌نگ بکه و رێ ب گۆتنا کێماسیێن خوه بگره.
هه‌روه‌ها گه‌له‌ک جارا که‌سێن کو پەکەکێ رەخنه دکن و به‌حسا راستیا پەکەکێ دکن، جاردن ژ ئالیێ پەکەکێ ڤه وه‌ک سیخورێن ده‌وله‌تێ تێنه تۆمه‌تبارکرن. ئه‌ڤ هه‌موو ژ سیاسه‌تا پەکەکێ یا سخووریێ تێ.
مخابن راستیه‌ک هه‌یه کو دڤێ مرۆڤ به‌حسا وێ بکه. ل باکورێ کوردستانێ سیاسه‌تمه‌دارێن ڤه‌کری به‌حسا پەکەکێ بکن گه‌له‌ک کێمن. ئه‌ڤ یه‌ک ژی دبه ئەگەرەک کو پەکەکە پتر دکاره راستیا خوه ڤه‌شێره و ده‌ره‌وێن دکه ژ ئالیێ خه‌لکه‌کی ڤه وه‌ک راستیه‌کێ بدە قه‌بوولکرن.
د بنگه‌هێ خوه دا گۆتنا ره‌خنه‌کرنا پەکەکێ نه راسته، ئه‌ڤ گۆتن ژ بۆ پەکەکێ کێمە و تێرا ناکە. گه‌ره‌ک مرۆڤ به‌هسا راستیا پەکەکێ و هیمێن پەکەکە ل سه‌ر هاتیە ئاڤاکرن و پەکەکە خزمه‌تا کێ دکه بکه.
ده‌ما مرۆڤ به‌حسا ره‌خنه‌کرنا پەکەکێ دکه، د هه‌مان ده‌می دا نه‌حه‌قیه‌ک مه‌زن ل ئالیێن دن یێن سیاسی دکه. به‌رێ خوه بدەنێ، ئالیێن سیاسی یێن کوردستانێ خوه‌دیێ هنده‌ک کێماسیانه، مرۆڤ به‌حسا کێماسیێن وان دکه، وان ره‌خنه دکه و گه‌له‌ک جارا د ره‌خنه‌گریێ دا به‌حسا کارێن باش دکن ژی دکه، هه‌ر ره‌خنه نه خرابه، ره‌خنه بەحسا باشی و نه باشییان ژی دکه.
لێ ژ بۆ پەکەکێ ئه‌ڤ پیڤان ده‌رباس نابه. دڤێ پەکەکە ژ ئالیێ خه‌لکێ کوردستانێ ڤه بێ ناسکرن دا کو ئه‌ڤ خەونا وه‌ک کابووسه‌کێ کو دلێ خه‌لکێ دا خلاس ببه.
ئه‌گه‌ر مرۆڤ ب گه‌له‌ک کورتی به‌حسا راستیا پەکەکێ بکه دبینه کو، ب هه‌زاران جوان ته‌ڤلی گه‌ریلا بوونە و ده‌رکه‌تنه سه‌رێ چیان . ئه‌و ژ بۆ کوردستانێ و ده‌وله‌تبوونا کوردا ته‌ڤلی پەکەکێ بوونه. ئه‌و دزانن ژ بۆ چ ته‌ڤلی پەکەکێ بوونه لێ مخابن نزانن پەکەکە د خزمه‌تا کێ دا یه و ئه‌و ژ بۆ چ شه‌رێ کێ دکن.
که‌سێن به‌حسا راستیا پەکەکێ دکن دڤێ هه‌موو جوره کریارێن خراب ئێن پەکەکێ ته‌شهیر بکن و ب چو ئاوایی نه‌بن پالپشتێن سیاسه‌تا قرێژا پەکەکێ. هه‌تا سیاسه‌تمه‌دار، ره‌وشه‌نبیر، نڤیسکار، هونه‌رمه‌ند و که‌ساتیێن کورد راستیا پەکەکێ نه‌بینن و ب زمانه‌ک زه‌لال ڤێ راستیێ ئاشکه‌ره نه‌کن نکارن نرخێن کوردستانی بپارێزن و نکارن ل کوردستانێ و ده‌وله‌تبوونا کوردان خوه‌دی ده‌رکه‌ڤن.
پەکەکە ب ئتیهامکرنا خیانه‌تێ و سیخوریێ دکاره خه‌لکه‌کی بێ ده‌نگ بکه. ده‌ما ل هەمبه‌ر پەکەکێ بێده‌نگی په‌یدا دبه پەکەکە هه‌ر تشتا کو بخوازه بێژه دبێژه و زه‌ره‌ره‌ک مه‌زن دده ته‌ڤگه‌را ئازادیا کوردستانێ.
که‌سه‌ک ژ خوه ناپرسه پەکەکە ل باشوورێ کوردستانێ چ دکه؟ که‌سه‌ک نابێژه پەکەەک گه‌له‌ک زانه‌بوون ده‌وله‌تا ترکیێ ژ بۆ باشوورێ کوردستانێ بجهبکه پلانه‌ک کو ژ ئالیێ دژمنان ڤه هاتیە دیزاین کرن رێڤه دبه. که‌سه‌ک به‌حسا زه‌ره‌را کو پەکەکە دده پێڤاژۆیا ده‌وله‌تبوونێ ناکه. که‌سه‌ک نابێژه پەکەکە ل شنگالێ جه‌حشتیا ئارتێشا ئیراقێ دکه. ئاوایێ نرخاندنا پەکەکێ دڤێ ژ بۆ ئالیێن سیاسی ببه پیڤانه‌ک و ل گۆرا ڤێ پیڤانێ ژی، تفاق، هه‌ڤکاری و ئه‌نیێن کوردستانی بێنه ئاڤاکرن.
۱۸.٥.۲۰۲۲
شرۆڤه/نێرین
ن.فرات
