نڤیسار

چاکسازی ببە تێگەهێ بداویهاتنا کێشەیا گەندەلیێ

بێگومان ل پرانیا وەلاتێن جیھانێ و ب تایبەتی ل جەم دەستھەلاتدارێن وەلاتێن پێشكەفتی و دەمۆكراتیخواز، ژ بۆنا پێشڤەبرنا ئابۆریا وی وەلاتی،  ئەنجامدانا كریارا چاكسازیێ كارەكێ نۆرمالە. ئەنجامدانا چاكسازیێ رێگریێ ل كریارێن زێدەگاڤیێ و گەندەلیێ دكە و چاكسازیا ھەمجور دادپەروەریێ، یاسا و مافێ ھەڤوەلاتیبوونێ بەرقەرار دكە.

 ل ھەرێما كوردستانێ د دەمێ ڤان  چەند سالێن دەرباسبوویی دا ژ ئالیێ پارتیێن دەستھەلاتدار ڤە چ جورێن چاكسازیێ ھاتینە ئەنجام دان؟ ھێڤێنێ وێ چاكسازیێ مفایەكێ باش گەھاندیە وی خەلكێ بێ ماف و بێ دەستھەلات كو د ناڤبەرا كێشە و كریزێن ئابۆری و بێكاریێ دا دنالیت؟

بەلێ هندی مە بیهیستیە پروژەیێ چاکسازیێ یێ بوویە سەردێر و مانشێت و روژانە ل سەر زمانێ کومەلگەهێن جڤاکی و مەدیایێ تێتە گوتن، ل داویێ دێ چ ئەنجامێن خوەیێن ئەرینی و نەرینی هەبیت و باندورا خوەیا گرنگ هەیە ل سەر ڤەگەراندنا باوەریێ و ئومێدێن ڤی خەلکێ کوردستانێ.  هەلبەت چ پێ نەڤێت جارێ ئەم دیسان ڤە دێ ل چاڤەرێ ئەنجامدانا کریارێن چاکسازیێ دبین كو ببیتە تێگەهێ بداویهاتنا کێشە و کریزێن کریارێن بێ دادیێ و نەهێلانا هەمی جورێن گەندەلیێ كو یاسا و مافپەروەریا نیشتمانی و مافێ هەڤوەلاتیان سەقامگیربیت دڤی وەلاتی دا.

زەنوون سلێڤانەیی ـ زاخۆ

Back to top button