داخویانیا ئه‌نجوومه‌نا نشتمانی یا کوردی ئه‌نکس (ل سه‌ر ڤه‌کشینا وێ ژ هه‌ڤبه‌ندیێ و ده‌سته‌یا دانووستاندنان)
ژ به‌ر گوهه‌رتنێن سیاسی یێن کو د قادا سووریێ دا چێدبن، و پشتی سالان ژ خه‌باتا هه‌ڤبه‌ش د ناڤ هه‌ڤبه‌ندیا نشتمانی یا هێزێن شۆره‌شێ و ڕکبه‌ریا سووریێ دا، و ل سه‌ر بنگه‌ها به‌رپرسیاریا دیرۆکی ل هه‌مبه‌ر گه‌لێ مه و دۆزا وی یا نشتمانی ل سووریێ، ئه‌نجوومه‌نا نشتمانی یا کوردی دلگرانه کو تشتێن ژێرین زه‌لال بکه:
هه‌ڤبه‌ندی وه‌که چارچۆڤه‌یه‌کا سیاسی ب ئارمانجا پێکانینا داخوازێن گه‌لێ سووریێ ژ بۆ گوهه‌رتنێ و ڕووخاندنا ڕژێما ده‌سهلاتدار هاته دامه‌زراندن و ناسنامه‌یه‌ک ناڤده‌وله‌تی یا بهرفره ب ده‌ست خست. ل گۆری ڤێ یه‌کێ، ئه‌نجوومه‌ن ته‌ڤلی وێ بوو د چارچۆڤه‌یا به‌لگه‌نامه‌یه‌کێ دا کو تێ دا نه‌رینه‌کا زه‌لال ژ بۆ پاشه‌رۆژا سووریێ، و پابه‌ندبوونا ب کارکرنا ژ بۆ چاره‌سه‌ریه‌کا دادمه‌ند ژ دۆزا کوردی را د چارچۆڤه‌یه‌ک نشتمانی یا بهرفره دا.
د سالێن بۆری دا، ئه‌نجوومه‌ن به‌شداری کار و چالاکیێن هه‌ڤبه‌ندیێ بوو و پێکهاته‌یه‌ک بوو ژ ده‌سته‌یا دانووستاندنان ئا سووریێ، یا کو ل گۆری بریارا ۲۲٥٤ یا نه‌ته‌وێن یه‌کبوویی هات ئاڤاکرن و د جڤینێن جنێڤێ، کۆمیته‌یا ده‌ستووری و هه‌موو ڕێیێن دانووستاندنان دا. هه‌روها ب چارچۆڤه‌یێن سیاسی یێن جودا به‌شداری خورتکرنا قادا نه‌ته‌وی یا دۆزا کورد بوو. لێ به‌لێ ئه‌ڤ ته‌جرووبه ب ناکۆکیێن ل سه‌ر مژارێن بنگه‌هین را ده‌رباس بوو. ته‌ڤی ڤێ یه‌کێ، ئه‌نجوومه‌ن ل گۆری نێرینه‌ک هه‌ڤسه‌نگ د ناڤبه‌را هه‌ڤکاری، ڕه‌خنه‌یێن چێکه‌ر و داخوازا ڕاوه‌ستاندنا بنپێکرنان دا، پابه‌ندی پاراستنا به‌رژه‌وه‌ندیێن گه‌لێ مه بوو.
ل گۆر پێشهاتێن هه‌یی، پشتی ڕووخانا ڕژێما دکتاتۆر یا خوینرێژ و ده‌رکه‌تنا وێ، و نه‌بوونا ڕۆلا هه‌ڤبه‌ندی و ده‌سته‌یا دانوستاندنان د ڤێ قۆناخێ دا. ل سه‌ر ڤێ یه‌کێ، ئه‌و ڤه‌کشینا خوه ژ وان ڕادگەهینه، و ته‌که‌زی ل سه‌ر پێویستیا پێشخستنا خه‌باتا سیاسی ل گۆر نه‌رینه‌ک نوو یا کو ل گۆر گوهه‌رتنێن دقه‌ومن، ب هه‌ماهه‌نگی و خه‌باتا ب هه‌موو هێزێن نشتمانی را ده‌ربارێ پاشه‌رۆژا سووریێ دا، و گارانتیکرنا مافێن ده‌ستووری یێن گه‌لێ مه یێ کورد و هه‌موو پێکهاته‌یێن سووریێ. هه‌روها ئه‌نجوومه‌ن پابه‌ندبوونا خوه ب چالاکیێن هه‌ڤبه‌ش ل سه‌ر ئاستا نشتمانی یا کورد و سووریێ نوو دکه، ژ بۆ بده‌ستخستنا داخوازێن گه‌لێ سووریێ یێن ئازادی، دادمه‌ندی و ده‌مۆکراسیێ.
قامشلۆ ۷ سبات ۲۰۲٥
ئه‌نجوومه‌نا نشتمانی یا کوردی ل سووریێ (ئه‌نکس)
