ھەمەرەنگ

چنوورێ خوە كوشتیە یان ھاتیە كوشتن

ڕۆژنامه‌یێن ترکی ڕادگەهینن کو ته‌رمێ که‌سه‌کێ ب ناڤێ چنوور یونس ل قه‌راخا کۆنیائالت یا باژارێ ئانتالیا ترکیێ ژ ئالیێ ماسیگیران ڤه‌ هاتیه‌ دیتن. پۆلیسێ تركی ژی د وێ باوەریێ دایە كو که‌چا کورد، چنوور یونس، خوه‌ کوشتیه‌ و ھەر ل گۆر ئیدیعایێن پۆلیسێ تركی نڤیسه‌ک هاتیه‌ دیتن کو وێ ب زمانێ ترکی نڤیسیه‌ :“ئه‌ز ناخوازم بژیم، ئەز ژ ڤێ ژیانێ وه‌ستیام و بێزار بووم”.

ژ ئالیه‌ک دن ڤه‌ مالپه‌ره‌کا تایبه‌ت یا كارووبارێن په‌نابه‌ران د ڤێ ده‌ربارێ دا لێکۆلین کریه‌ و ژ بۆ وان ئاشکه‌ره‌ بوویه‌ کو چنوور په‌ناخوازه‌کا کوردا خه‌لکا باژارێ سنه‌ بوویه‌ کو سێ ساله‌ ل ترکیێ بوویه‌ و شه‌ش ھەیڤ به‌رێ ژ ئالیێ دائیره‌یا کۆچبه‌رێن ترکیێ ڤه‌ “ته‌رکا ئاخێ” پێ هاتیه‌ داین.

چنوور خوه‌دیا باوەرنامەیا ماسته‌را كۆمپوته‌رێ بوویه‌ و یه‌ک ژ ئه‌ندامێن مالباتا وێ ژی ڕاگەهاندیه‌ کو چنوور هاتیه‌ کوشتن.

ته‌رمێ چنوورێ ب ڕێیا فرۆکەخانه‌یا ته‌هرانێ رۆژا 2020.01.29 ڕاده‌ستی مالباتا وێ کرن.

Back to top button