کره‌ملین هوورگلیێن چوونا ئه‌سه‌د ژ شامێ و جیبجیکرنا داخوازا پوتن ئاشکه‌ره دکه.
چاڤکەنیەکێ ژ کرملن ژ بلۆمبه‌رگ ئاشکەرە دکە: ئاژانسێن ئیستخباراتا ڕووسی ده‌رکه‌تنا ئه‌سه‌د ژ شامێ ئۆرگانیزه کرن و گۆت کو ئیستخبارات ئه‌سه‌د ب ڕێیا فرۆکه‌یان ژ ناڤه‌نده‌کا له‌شکه‌ری یا ڕووسی ژ سووریێ ده‌رخستن.
کره‌ملینێ هه‌روها ئه‌شکه‌ره کر کو ڕووسیایێ سیسته‌مێن ڕادارێ یێن ل سه‌ر سووریێ سه‌قه‌ت کرن داکو ڕێ ل به‌ر دیتنا فرۆکه‌یا ئه‌سه‌د بگره
بلۆمبه‌رگ ل سه‌ر زارێ کره‌ملینێ ڕاگەهاند کو سه‌رۆکێ ڕووسیایێ ڤلادمیر پووتین داخوازا لێکۆلینێ ل سه‌ر تێکچوونا ئیستخباراتا وی کر کو نکاریبوون گه‌فا ڕووخاندنا سه‌رۆکێ سووریێ به‌شار ئه‌سه‌د ئاشکه‌ره بکن.
د ۲۷ێ مژدارێ دا گرووپێن چه‌کدار ئێن ئۆپۆزیسیۆنێ ل سووریێ، ب تایبەتی هەیئەت تەحریر شام، ئێریشه‌کا به‌رفره بۆ سه‌ر چه‌په‌رێن ئارتێشا سووریێ ل پارێزگه‌ها حه‌له‌ب و ئدلبێ پێک ئانین و د ۸ێ کانوونێ دا ژی ده‌رباسی پایته‌ختا سووریێ، شامێ، بوون و سه‌رۆکێ حکومه‌تا سووریێ یا وێ ده‌مێ محه‌مه‌د غازی ئەلجه‌لالی، ئاماده‌بوونا خوه ژ بۆ ڤه‌گوهه‌زتنا ده‌ستهلاتێ ل وه‌لات ب ئاوایه‌کی ئاشتیانه نیشان دا.
وه‌زاره‌تا ده‌رڤه یا ڕووسیایێ ڕاگەهاند کو به‌شار ئه‌سه‌د ده‌ست ژ پۆستا خوه وه‌ک سه‌رۆکێ سووریێ به‌ردایه و وه‌لاتێ خوه هێلایە و رێنمایەن خوه ژ بۆ ڤه‌گوهه‌زتنا ئاشتیانه یا ده‌ستهلاتێ دانە و دا زانین کو ڕووسیا د ڤان دانووستاندنان دا به‌شدار نه‌بوو
ئاژانسا تاسسێ دا خویاکرکن کو د ۸ ێ کانوونا دویەم دا ئه‌سه‌د و ئه‌ندامێن مالباتا وی گەهشتن مۆسکۆیێ، ژ به‌ر سه‌ده‌مێن مرۆڤی رووسیایێ مافێ په‌نابه‌ریێ دا وان.
