تۆرا چاڤدێریا مافێن مرۆڤان یا سووریێ د داخویانیه‌کێ دا راگەهاند کو، نڤیسکار و هه‌لبه‌ستڤان خه‌مگین رامۆ ژ رۆژا ٦ تیرمه‌هێ ڤه ل باژارۆکێ دربەسیێ ژ ئالیێ چه‌کدارێن سه‌ر ب هەسەدێ ڤه هاتیه گرتن و هه‌تا نها چاره‌نڤیسا وی نه دیاره.
تۆرێ دیار کر، هێزێن سووریا ده‌مۆکراتیک و شاخێن وێ یێن ئه‌وله‌کاریێ بنپێکرنێن خوه یێن ل دژی سڤیل، سیاسه‌تمه‌دار و دژبه‌ران ب به‌هانه‌یێن ده‌ره‌وین ل ناڤچه‌یێن د بن ده‌ستێ وان دا ددۆمینن.
تۆرا چاڤدێریا مافێن مرۆڤان یا سووریێ ترسا خوه ژ چاره‌نڤیسا خه‌مگین ره‌مۆ نیشان دا و گۆت کو ئه‌گه‌ر هه‌یه کو راستی ئه‌شکه‌نجه و ونداکرنا ب زۆرێ وه‌ره.
تۆرێ بانگ ل جڤاکا ناڤده‌وله‌تی کر کو به‌رپرسیاریا خوه ل هه‌مبه‌ر سڤیل، دژبه‌ر و سیاسه‌تمه‌داران ل ناڤچه‌یێن د بن کۆنترۆلا هەسەدێ دا بگره سه‌ر ملێ خوه، حه‌ساپێ ژ به‌رپرسان بخوازه و وان ده‌رخینه پێشبه‌ری دادگه‌هان، هه‌روها زه‌ختێ ل وان بکه، دا کو بنپێکرنێن خوه راوه‌ستینن و چاره‌نڤیسا ب سه‌دان سڤیلێن کو د گرتیگه‌هێن وان دا وندا بوونه، ئاشکه‌ره بکن.
