ڕۆبۆزكی خالەكا رەشە ب ناڤ چاڤێن دەولەتا تركیێ ڤە

رۆژا 28ێ ڤێ مەھێ، چلەیا پاشین، 7 سال ب سەر كۆمكوژیا رۆبۆزكێ را دەرباس بون كو د شه‌ڤا 28.12.2011  بالەفرێن شەر یێن دەولەتا تركیێ ئێریشێ سەر كاروانەكێ كوردان كر و د ئەنجام دا ل ڕۆبۆزکێ 34 كوردێن سڤیل کو پرانییا وان زارۆک و جوان بوون، ب ئێریشا بالافرێن ده‌وله‌تا ترکیێ هاتن شەھید كرن.

ئەڤ كۆمكوژی خالەكا رەشە ب ناڤ چاڤێن دەولەتا تركیێ ڤە و گەلێ كورد چ جارا ڤێ كریارا ھۆڤانە ژبیر ناكە. ھەتا نھا ژی. مخابن،  ھێشتا دەولەتا تركیێ تاوانبارێن وێ كریارا درنەدانە ئاشكرا نەكرنە كو ب رێیا یاسایێ بێن مەحكەمە كرن و بگەھێن جەزایێن خوە. لێ دێ ھەر رۆژەك بێ كو كۆمكوژیا رۆبۆزكێ، تاوانبار و بەرپسێن و ێ بھێن مەحكەمە كرن و بگەھن جەزایێن خوە.

وەكە ھەر كۆمكوژیەكا دن كو ل دژی گەلێ كورد ھاتیە ئەنجام دان، دەولەتێن جیھانێ، دەولەتێن خوە ب پارێزەرێن مافێ مرۆڤ و دەمۆكراسیێ دزانن، ل ھەمبەر  كۆمكوژیا رۆبۆزكێ ژی بێدەنگ مان و ھیشتا ژی وەكە كەڕ و كورانن.

جانێ شەھیدێن رۆبۆزكێ و ھەموو شەھیدێن كوردستانێ شاد بە.