بێ شکە کو ده‌وله‌تێن کۆلۆنیالیست وه‌لاتێ مە کوردستان داگیر کرن و پارچە کرن. ل وه‌لاتێ مه سیسته‌مه‌کا میتینگه‌هکاری و کۆلۆنیالیست یا پر خراب و ژ کۆلۆنیالیزما کلاسیک یا به‌رێ ته‌خریبکار ئاڤا کرن. ده‌وله‌مه‌ندیا وه‌لاتێ مه یێن بنئه‌رد و سه‌رئه‌رد تالان کرن و نه‌ته‌وه‌یا مه خستن ناڤ فه‌قیریه‌کا مه‌زن. ئەم ژ هه‌موو مافێن نه‌ته‌وه‌یی بی پار کرنە . سه‌رهلدانێن نه‌ته‌وه‌یی یێن ل دژی سیاسه‌ت و ستاتویا کۆلۆنیالیست قه‌ومی بوون، ب کۆمکوژیان هاتن ته‌مراندن. سه‌رۆک و پێشه‌نگێن جڤاتا کورد و کوردستانێ هاتن کوشتن. ژ بۆن کورد د ناڤ نه‌ته‌وه‌یێن سه‌رده‌ست دا بێن حه‌لامدن و ئاسیمیله کرن، ستراته‌ژییه‌کا هۆڤانه مه‌شاندن.
لێ ٤ ده‌وله‌تێن کۆلۆنیالیست (ده‌وله‌تا ترک، فارس، ئیراق و سوریه‌یێ) پشتی ده‌مه‌کێ دیتن کو سیاسه‌ت و پرۆژه‌یێن وان تێرا ناکن، بریار دان کو د ناڤ کوردان دا ڕێخستنێن خوه ئاڤا بکن. ب رێیا وان سیاسه‌تا چنەکرنا کوردان بمه‌شینن. پەکەکێ ل باکورێ کوردستانێ د ده‌ستپێکێ دا ئه‌ڤ میسیۆنا خوه پێک ئانی. پشت ڕا ژی ل هه‌موو به‌شێن دن یێن کوردستانێ ئه‌ڤ میسیۆنا خوه یا قرێژ و دژمن پێک ئانی.
ده‌ما کو ئه‌ڤ میسیۆن و وه‌زیفه‌یا خوه ل سه‌ر ناڤێ ده‌وله‌تێن کۆلۆنیالیست پێک ئانی، گه‌له‌ک جوره و بابه‌ت ب کار ئانی.
ل هه‌موو پارچەیێن کوردستانێ، ژ بۆنا تەسفیه‌کرنا ڕێخستن و پارتیێن کوردستانێ ،ب ده‌وله‌تێن کۆلۆنیالیست ڕا هه‌ڤکاری و پشتگری کرن.
ل هه‌موو به‌شێن کوردستانێ، هه‌موو سه‌رۆک و ڕێخستن-پارتیێن کوردستانێ نه‌ره‌وا ئیعلان کرن.
جوان و زارۆکێن کوردستانێ د شه‌رێ به‌رژه‌وه‌ندیا ده‌وله‌تێن کۆلۆنیالیست دا ب کووشتن دان.
مرۆڤ دکاره بێژە کو پەکەکێ ب هه‌ر ئاوایی سیاسه‌تا ده‌وله‌تێن کۆلۆنیالیست یا نەهێلانا کوردان مه‌شاند. د ڤێ قۆناغێ دا ژی هه‌مان هه‌لوه‌ست و سیاسه‌تا خوه ددۆمینه.
ڤێ سیاسه‌ت و ستراته‌ژیێ ب خوه ڕا ئه‌نجامه‌کا دن ئانی هۆلێ. ئه‌و ژی، پەکەکێ د هه‌مان ده‌م دا خوه‌ست کو ل هه‌موو به‌شێن کوردستانێ ژ بۆنا خوه ده‌ستهلاتداریه‌کێ ئاڤا بکه.
لۆما ژی هه‌موو ڕێخستن و پارتیێن کوردستانێ دژمن ئیعلان کر، ژ بۆنا کو ئه‌و تەسفیه ببن و ژ ژیانا ته‌ڤگه‌را نه‌ته‌وه‌یی کوردستانێ ده‌رکه‌ڤن، ژ ده‌ستێ وێ چ هات کر و نووها ژی دکه.
لۆما ژی ئارمانجا پەکەکێ ئه‌وه کو ل هه‌رێما ده‌ستهلاتدار دیکتاتۆریا خوه یا فاشیست دڤێ ئاڤا بکه. ل ڕۆژاڤایێ کوردستانێ ڕژێما بەعس ئه‌و ده‌رفه‌رت دا وان کو ئه‌و ل ڕۆژاڤایێ کوردستانێ دیکتاتۆریا پەکەکە/پەیەدێ ئاڤا بکن. ب واته‌یه‌کا دن دیکتاتۆریا پارتیا بەعس ئه‌و بمه‌شینن و ب دیکتاتۆریا بەعس ڕا ببن شریک.
پەکەکە/پەیەدێ نووها ژی ل ڕۆژاڤایێ کوردستانێ د دیکتاتۆریا خوه یا فاشیست و خرابیێن خوه دا سه‌رکه‌فتی یه.
پەکەکێ لۆما ژ پێشمه‌رگه یێن ڕۆژ و ب مه‌لباتێن وان ڕا دژمنتی دکه. ل هه‌مبه‌ری مالباتێن پێشمه‌رگه یێن ڕۆژ گه‌ف و ته‌هدیدان ددۆمینه.
هه‌بوونا پێشمه‌رگه یێن ڕۆژ، ل هه‌مبه‌ری دیکتاتۆریا خوه یا فاشیست وه‌ک خه‌ته‌ر و ته‌هدید دبینه. ئه‌و دزانه کو پێشمه‌رگه یێن ڕۆژ و نه‌ته‌وه‌یا کورد دێ د پاشه‌رۆژێ دا داویا ده‌ستهلاتداریا پەکەکە/پەیەدێ بینن. لۆما ژی دڤێ کو پێشمه‌رگه یێن ڕۆژ ژ هۆلێ ڕابه و نه‌ته‌وه‌یا کورد ژی نەگەهە مافێن خوە.
ئه‌و هه‌ولدانا پەکەکێ/پەیەدێ یا دیکتاتۆریا فاشیست ژیان ل نه‌ته‌وه‌یا کورد تاری کریه.
پەکەکە/پەیەدێ ژ ڕژێما بەعس هه‌زار قات خرابتر تشتا تینه سه‌رێ گه‌لێ مه.
لۆما چه‌ته‌یێن پەکەکێ زارۆکان دره‌ڤینن…
پەکەکە ژ بۆنا کو تەڤگەرا کوردان ژناڤ ببە و دیکتاتۆریا خوه یا فاشیست بدۆمینه چه‌ته‌یێن فاشیست ئاڤا کرنه. ئه‌و چه‌ته‌یێن فاشیست زارۆکێن کورد یێن که‌چ و لاو دره‌ڤینه.
ڕۆژه‌ڤاکورد دبێژه کو “ل ڕۆژاڤایێ کوردستانێ چه‌کدارێن پەکەکێ زۆرداری و تەعداییێ ل سه‌ر جڤاتێ ب ئاوایه‌ک سیسته‌ماتیک د چارچۆڤه‌یا پرۆژه‌یه‌کا کو بکاربن ترسێ ل سه‌ر خه‌لکێ فه‌رز بکن دا دکن.
“ل ڕۆژاڤایێ کوردستانێ ژ بۆ پەکەکە بکاربه هێزێن چه‌کدار کۆم بکه بریارا له‌شکه‌ریا مه‌جبووری دا. ل ڕۆژاڤا هه‌ر جوان ده‌ما ته‌مه‌نێ وی وه‌ره مه‌جبووره هه‌ره له‌شکه‌ریا ئیجباری بکه. ژ بۆ ڤێ بریارێ ب هه‌زاران جوانێن کورد ژ دەست ژ وه‌لات به‌ردان و بوونه کۆچبه‌ر. خه‌لک ژ بۆ زارۆکێن خوه ڕێنه‌کن له‌شکه‌ریا ئیجباری ئه‌و ڤه‌دشارتن و ب ئاوایه‌کی هه‌ولددان وان ژ ڕۆژاڤایێ کودستانێ ده‌رێخن. پەکەکە ب ڤێ پرۆژه‌یا خوه دا سه‌رنه‌که‌ت و ده‌ستپێ کر زارۆکێن ته‌مه‌ن بچووک ڕه‌ڤاندن.
“ملیسێن چه‌کدار ب ناڤێ “جوانێن شۆره‌شگه‌ر” ته‌ڤدگه‌رن و ئه‌ڤ ڕاسته‌راست ب قه‌ندیل ڤه گرێداینه و گوه نادن که‌سه‌کێ ژ بلی قه‌ندیل. فه‌رمانا خوه ڕاسته‌راست ژ قه‌ندیل وه‌ردگرن. ئه‌ڤ جوان نه زانانه و پرانیا وان ماده‌یێن هشبه‌ر ب کار تینن و ئه‌ڤن کو ئێریشێ جه و مالێن خه‌لکێ دکن. جوانێن شۆره‌شگه‌ر ل کۆلانێ باژاران و ل گوندا دگه‌رن، که‌چ و کورێن ته‌مه‌نێ وان بچووک، ۱۱،۱۲،۱۳،۱٤،۱٥ هه‌تا ۱٦ سالی دره‌ڤینن و دبن کامپێن له‌شکه‌ری و وان په‌روه‌رده دکن و ڕێدکن ئه‌نیێن شه‌ر.
“ئه‌ڤ بابه‌ت و زۆرداریا چه‌ته‌یێن پەکەکێ، ژ ئالیێ ده‌زگه‌هێن پاراستنا مافێن زارۆکان ڤه و ژ ئالیێ گه‌له‌ک ده‌زگه‌هێن ناڤنه‌ته‌وی ڤه تێ شۆپاندن و ژ هەسەدێ دخوازن کو، که‌سێن ته‌مەن بچووک و زارۆکا نه‌بن له‌شکه‌ریێ و ڤێ یه‌کێ وه‌ک تاوانه‌ک ناڤنه‌ته‌وی یا شه‌ر دحه‌سبینن. هەسەدە جار جارێ یه‌ک ددویان ئازاد دکه و دخوازه بده نیشاندان کو بریارێن ده‌زگه‌هێن ناڤده‌وله‌تی ب جه تینن. لێ ڕاستی نه ئه‌ڤه. ئه‌و ب زانه‌بوون ب سه‌دان زارۆکان ب چه‌ک دکن.
“رۆژانه هێزێن دەرڤەیی پەکەکێ ل ڕۆژاڤایێ کوردستانێ ڤێ هه‌لوه‌ستا چه‌ته‌یێن چه‌کدار ڕه‌خنه دکن و به‌حس دکن. گه‌له‌ک ئالی ڤێ یه‌کێ شه‌رمه‌زار دکن.
“ب ده‌هان مالباتێن زارۆکێن ڕه‌ڤاندی ل به‌ر ده‌ریێ ئاڤاهیا نه‌ته‌وه‌یێن یه‌کبوویی ل باژارێ قامشلۆ، کۆم دبن و ژ هەسەدێ داخوازیا ڤه‌گه‌راندنا زارۆکێن خوه دکن.
“هه‌رکه‌س دزانە کو ڕه‌ڤاندنا زارۆکێن ته‌مه‌ن بچووک کریاره‌ک یا پەکەکێ یە کو ل هه‌موو به‌شێن کوردستانێ و ده‌ڤه‌رێن کو کورد ل دژین زارۆکان درەڤینە. د زه‌مانێ خوه دا ل ئه‌ورۆپایێ ب ده‌هان زارۆک ب ناڤێ کامپێن هاڤینێ دبرن په‌روه‌رده دکرن و ڕێدکرن چیا. مالباتێ زارۆکان ل گه‌له‌ک وه‌لاتێن ئه‌ورۆپایێ گلیا پەکەکێ کرن و گه‌له‌کان ژی ب ڕێیا پاران زارۆکێن خوه ڤه‌دگه‌راندن.
“ل باکورێ کوردستانێ پەکەکێ ب هه‌زاران زارۆک ڕه‌ڤاندنه و ئه‌و چه‌کدار کرنه و ڕێکرنه مرنێ. گه‌له‌ک زارۆکێن کو هه‌ولا ڕه‌ڤاندنێ دانە ژی هاتنه تەسفیە کرن.
“ئه‌ڤ دەردێ کو چه‌ته‌یێن پەکەکێ زارۆکا دره‌ڤینن و وان ب چه‌ک دکن، به‌شه‌که ژ ئیدیۆلۆژیا وان و ستراته‌ژیا وان یا خه‌باتێ یه. پەکەکە چو جارا گوه ناده ڕه‌خنا و ده‌نگێ خه‌لکێ، ئه‌و یا خوه دکن و جڤاتێ ب ئاوایه‌کی مه‌حکومێ سیاسه‌تا خوه یا قرێژ دکن.”
لۆما چه‌ته‌یێن پەکەکێ خوه‌پێشاندانان بەر بئاقارێ توندوتووژیێ دبن و ل کوردستانێ ته‌ڤلهه‌ڤیێ چێ دکه…
پەکەکە، ژ بۆنا کو باشوورێ کوردستانێ تێک ببه، ته‌ڤگه‌را خوه یا خراب دمه‌شینه. دێ د ئه‌ڤێ هه‌لوه‌ستا خوه دا ژی به‌رده‌وام به.
ڕێکخه‌رێ ڕاسپارده‌یێن ناڤده‌وله‌تی د حکومه‌تا هه‌رێما کوردستانێ دا، دیندار زێباری ڕادگەهینه کو پەکەکە ده‌ست ب سیاسه‌تا نه‌شرینکرنا هه‌رێما کوردستانێ کریه و ڕۆلا وێ یا ئەکتیڤ د سلێمانیێ و گوهارتنا داخوازێن خوه‌پێشاندێران دا هه‌بوو، چه‌ند که‌سێن سه‌ر ب پەکەکێ ڤه هاتنە گرتن و د ڕۆژێن بێ دا زانیاریان به‌لاڤ دکن.
دیندار زێباری ژ ڕۆژنامه‌ڤانان ڕا گۆت “رۆلا پەکەکێ یا گه‌له‌کی خراپ د خوه‌پێشاندانێن هه‌رێما کوردستانێ و ب تایبه‌ت یێن سلێمانیێ دا هه‌بوو. پەکەکێ ب ڕیا ئالیگرێن خوه هه‌ول دا داخوازێن ڕه‌وا یێن خه‌لکێ ب ئالیه‌کی دن ڤه ببه. د ڕاستیێ دا، پەکەکە بوویه باره‌کێ گران ل سه‌ر ئارامیا هه‌رێما کوردستانێ.”
دڤێ کوردێن هه‌موو به‌شان، هه‌موه‌لاتیێن هه‌رێما فه‌ده‌رال یا کوردستانێ، حکومه‌تا کوردستانێ، پارتی و ڕێخستنێن کوردستانێ، کوردێن ل هه‌موو دنیایێ، ل ئه‌ورووپایێ و ل ئه‌مه‌ریکایێ ل سەر ئه‌ڤێ خه‌ته‌ریا پەکەکێ هشیاری بن و پێشیا ڤێ خه‌ته‌ریێ بگرن.
لۆما پەکەکە ژ بۆنا کو ده‌ستهلاتداریا کوردستانێ نەشرین بکە هەول ددە گەنج، جوان و مالباتێن کوردستانێ ژ وه‌لێت ده‌رکه‌ڤن و بچن ل وه‌لاتێ بیانی ببن په‌نابه‌ر…
ڕۆلا پەکەکێ د کۆچبه‌ربوونا خه‌لکێ هه‌رێما کوردستانێ بۆ بێلاروسیایێ دا هه‌بوو. هندەک که‌س د ناڤا کۆچبه‌ران دا هه‌بوون، هه‌ول ددان وێنه‌یێ هه‌رێما کوردستانێ ل جه‌م جڤاکا ناڤده‌وله‌تی خه‌راب بکه‌ن، ژ به‌ر وێ دڤێ ده‌ستپێکێ پەکەکە بهێتە تۆمه‌تبارکرن و ژێ ڕا بهێتە گۆتن کو دڤێ داویێ ل ڤێ سیاسه‌تێ بینه.
دیندار زێباری دیار کر ژی: “پەکەکێ پرسا کۆچبه‌ران وه‌ک کارته‌کێ ب کار ئانی، ژ بۆ ناڤووده‌نگێ هه‌رێما کوردستانێ تێک بده. ئالیگرێن پەکەکێ هه‌ول دان ل مه‌دیا و سۆسیال مه‌دایایێ، کوردستانێ خه‌راب نیشان بدن.
دیاربه‌کر
٢٠٢١.١٢.٣
