ژیانا خوە ئێخست مەترسیێ داكو بگەیتە ئەڤیندارێ خوە

دو چەكدارێن  پەكەكێ دبن ئەڤیدارێن ھەڤ و ژ بۆنا ژ گەفێن بەرپرسێن پەككێ خلاس ببن ب رێیێن قەچاخ درەڤن تركیێ و خوە تەسلیمی پۆلیسێن وی وەلاتی  دكن.

د ناڤ رێزێن پەكەكێ و رێخستن و گرۆپێن سەر ب وێ ڤە، تێكەلیێن ئەڤینیێ د ناڤبەرا كور و كەچان دا قەدەخەیە و ئەڤ مافێ مەدەنی ژ وان ھاتیە ستاندن.

لێ بەلێ سەلام رەمەزان چەكدارێ یەپەگێ و دالیا موسلم چاكدارا یەپەژێ ڤێ قانوونا پەكەكێ بن پێ دكن و دبن ئەڤێدارێن ھەڤ دلێ وان ژ بۆ ھەڤ خوە دقوتە. ئەو ھەر دو ئەڤیدار ژی  ژ بۆنا كو بگەھێن ھەڤ و ژیانەكا خوەش ب ھەڤرا دەرباس بكن دەست ژ رێزێن پەكەكێ بەر ددن.

سەلام رەمەزان خەلكێ باژارێ بەندلیسێ یە ئەو دچە تركیێ و خوە تەسلیم دكە، پاشی دالیا موسلم  ژی. برازایا سالح موسلم، ژ بۆنا كو بگەھە ئەڤیدارێ خوە و ژ گەڤێن كوشتنێ یێن پەرپرسێن پەكەكێ خلاس ببە، ژیانا خوە دخە مەترسیێ دا و ب رێیێن قەچاخ دچە تركیێ و ل مێرسینێ خوە رادەستێ پۆلیسێ تركیێ دكە. ژ پۆلیسێ تركیێ را دبێژە كو ئەو ھاتیە دا بەگەھە ئەڤیدارێ خوە رەمەزانێ بەدلیسی:

داخویانیا وەزارەتا ناڤخوە یا ھەرێما كوردستانێ

ل دۆر وان تۆمەتێن كو قاشۆ كەسەك ب ناڤێ (دالیا مەحمود موسلم) ژ ھەرێما كوردستانێ رادەستی تركیێ كریە، ئەم ب پێویستی دزانین كو رایا گشتی ئاگادار بكەین كو چ ئەساس ژ بۆ ڤێ نووچەیە نینە و  ئەڤە نووچەیەكا چێكریە و دسەرێدابرێنەیە و ژ بۆ ڤەشارتنا راستیا مەسەلێ یە.

دالیا مەحمود موسلم یا ناسكری  ب (ڤیان شەرڤان)  پشتی دەست ژ ھێزێن یەپەژێ (یەكینەیێن پاراستبا ژنان)  بەردای دگەل چەكدارەكێ خەلكێ بەدلیسێ باكورێ كوردستانێ ب ناڤێ (سەلام رەمەزان مەحەمەد و یێ ناسكری ب تولھەلدان) كو د ناڤ رێزێن یەپەگێ (یەكینەیێن پاراستنا گەل) دابوو، تێكەلیێن ئەڤینیێ دروست دكەن و ھەر دو ب ھەڤ را بریارا دەستژێبەردانێ ددن و درەڤن.

رەمەزان رۆژا 2020.07.09 ێ ب حەزا  خوە ڤەدگەرە تركیێ و پاشی دالیا مەحمود موسلم ژی، داكو خوە بگەھینە سەلام رەمەزان، رۆژا 2020.0714 ێ ب قاچاخی دچە تركیێ و پاشی ل باژارێ مێرسینێ خوە رادەستێ پۆلیسێن تركیێ دكە. ژ بەر ڤێ یەكێ ھەرێما كوردساتنێ چ تێكەلی ب ڤی بابەتی ڤە نینە.

راگەھاندنا پەكەكێ (پارتیا كاركەرێن كوردستانێ)  و ھەڤبیرێن وێ ل شوونا تۆمەت چێكرنێ، حەقە وێ پرسیارێ ژ خوە بكەن كا چما خەلك  دەست ژ وان بەرددە و ئامدەن ژ بۆنا خوە ژ گەفێن وان دەرباس بكن ب رێیێبن قەشاخ ژیانێ خوە تێخن مەترسیێ دا.

سازیێن پەیوەندیدارێن حكومەتا ھەرێما كوردستانێ د دەمەكێ دا كو ب تمامی بەرھەڤیا خوە ژ بۆ  لێكۆلینێ نیشاند دایە، ھەرێما كوردستانێ وەك ھەرتم ب ھشارەكا ئارام دمینە ژئ بۆ وان كەسێن قەسات وێ دكن و ئەڤ نووچەیێن سەرێدابرنێ ژی چ كارتێكرنێ  ل سەر ھەلوەستێ نەگوھرێ ھەرێما كوردستانێ ناكەن.

وەزارەتا ناڤخوە یا ھەرێما كوردستانێ.