بێ گومان گه‌له‌ک گۆتن هه‌نه کو مرۆڤ ل سه‌ر ژیان و خه‌باتا سیاسی یا مسته‌فا بارزانی بێژه، بارزانی ئه‌و که‌سایه‌ته کو ته‌مه‌نێ خوە ب ته‌نێ د ڕێیا بده‌ستخستنا مافێن ڕه‌وا یێن نه‌ته‌وه‌یێ کورد دا ده‌رباس کر. ژ خوه تشتا کو بارزانی گەهاند مه‌رته‌با سه‌رۆکێ نه‌ته‌وی ، ئه‌و بوو کو یه‌ک ده‌مژمێرێ ژی ژبۆ به‌رژه‌وه‌ندیه‌ک خوه شه‌خسی نه‌فکری هه‌موو ژیانا خوه ژبونا کورد ژیانه‌ک ئازاد بژین ته‌رخان کر.
بارزانی ب که‌سایه‌تا خوه یا به‌رز، پێشمه‌رگه‌تیا خوه یا سه‌رکه‌فتی، زانه‌بوونا خوه یا سیاسی، ناسکرنا جڤاتا کورد ب کویراهی، رێڤه‌برنا دپلۆماسیه‌ک ب هێز و ژ هه‌موویێ گرینگترین هژێکرنا وی یا کورد و کوردستانێ بوو بنگه‌هێ ڕێبازه‌کێ کو مله‌تێ کورد پێ بگهە مافێن خوه یێن ڕه‌وا.
تایبه‌تی د قۆناخا کو ته‌ڤگه‌را ئازادیخوازا کوردستانێ تێره ده‌رباس دبه، ددە نیشاندان کو کا چقاس ڕێبازه‌ک نه‌ته‌وی پێوسته کو مرۆڤ ل سه‌ر ڕێڤه هه‌رە داکو توژی خه‌له‌تیا نه‌بە.
زه‌مینێ خه‌تا نه‌ته‌وی ڕێبازا بارزانیێ نه‌مرە.
ڕێبازا بارزانی زەمانەكە کو، به‌رژه‌وه‌ندیێن نه‌ته‌وەیی ل سه‌ر هه‌ر تشتی را بێته گرتن. ئه‌گه‌ر د ڕۆژا مه دا ڕێبازا بارزانی ب ئاوایه‌ک پێویست بێ تێگەهاندن ئه‌و ببه وه‌ک ڕێبازه‌ک مرۆڤ ب ته‌مامی ل سه‌ر سیاسه‌تێ بکه چ جارا ب حه‌مد و هشێ خوه مرۆڤ خه‌له‌تیا د ڕێیا ده‌ستخستنا مافێ ڕه‌وا یێ نه‌ته‌وه‌یێ کورد دا ناکه.
د ڕۆژه‌ک وه‌ک ئیرۆ دا ب مناسه‌به‌تا کۆچا داوی یا بارزانیێ نه‌مر، واته ئه‌وه کو ب ڕێبازا وی یا پیرۆز تێبگهه و ل گۆرا وێ ژی د سیاسه‌تێ ده ته‌ڤبگه‌ره.
هه‌وه‌ها ئیرۆ پێڤاژۆیا کو کورد تێرا ده‌رباس دبن هاته ئسپات کرن کو چ ئیده‌ئۆلۆژیه‌ک یان ژی ڕێبازه‌ک ژ بلی ڕێبازا بارزانی کوردا به‌ر ب ده‌وله‌تبوونێ ڤه نابه. ڕێبازا بارزانی ڕێبازا سه‌رخوه‌بوونا کوردستانێیه.
01.03.2019
د. بیله‌ک
