ل دهۆکێ د ئه‌نجامێ ئێریشه‌کا چه‌کداری دا که‌سه‌ک هاتە کوشتن، کەسێ هاتیە کوشتن هه‌موه‌لاتیێ ترکیه‌یێ یه و ناڤێ وی محمه‌د عه‌لادین نووره‌دین (٣٩) سالیە. ئه‌و ژ باکورێ کوردستانێ یه، به‌ریا نها چه‌کدارێ پارتیا کارکه‌رێن کوردستانێ (پەکەکە) بوویه و به‌ری ٦ مه‌هان ژ پەکەکێ ڤەقەتیایە و چوویه باژارێ سلێمانیێ. ل سلێمانیێ پەکەکێ ئه‌و چه‌ند جارا ته‌هدید کریه و وی ژی ژ ترسا کو پەکەکە وی بکوژە، به‌رێ خوه دایه پارێزگه‌ها دوهۆکێ و داخوازا نشته‌جیبوونێ (ئیقامه) کریه.
ل گۆر ئاگاهداریان، نوره‌دن ده‌ما داخوازا نشته‌جیبوونێ کریه گۆتیه کو، د ته‌مه‌نێ خوه یێ بچووک دا ته‌ڤلی پەکەکێ بوویه و پشتی کو دەست ژ پەکەکێ به‌ردایه، به‌رێ خوه دایه هه‌رێما کوردستانێ.
ژ بۆنا کو کوژه‌رێ نوره‌دن بێ گرتن ده‌زگه‌هێن ئه‌وله‌هیێ دست ب لێکۆلینێ کریە. ژێده‌رێن ئه‌وله‌هیێ ئاشکه‌ره کرن کو ئه‌و مال ب مال دگه‌رن و کامه‌رایێن چاڤدێریێ کۆنترۆل دکن، دا کو جهێ کوژه‌ر ئاشکه‌ره بکن. هه‌روها دیار دکن، هه‌تا نها ۲۰ کامه‌رایێن چاڤدێریێ ته‌ماشه کرنه، د دیمه‌نا هه‌ری داوی ده کوژه‌ر کراسێ خوه ده‌ردخه و داڤێژه. دبێژن کو وسا خویا ناکه کو کوژه‌ر خه‌لکێ هه‌رێما کوردستانێ به.
ئەڤ عەدەتەک پەکەکێ یە، یێ/ا تەڤلی تەڤگەرا پەکەکێ بەبە گەلەک زەحمەتە ژێ ڤەقەتە یان ژی وێ رەخنە بکە، هەر کەسێ ژ پەکەکی ڤەقەتە یان وێ رەخنە بکە، ب فەرمانا کۆنسەیا سەرۆکاتیا پەکەکێ فەرمان ژناڤبرنا وی/وێ دهێتە دان و ب هەر رێیەکا بە دڤێ بێن ژناڤبرن، دیرۆکا پەکەکێ ژ ڤاب میناکان تژیە. میناکا هەری داوی کوشتنا فەرماندارێ پەژاکێ یێ ب ناڤێ رێزان جاوێد کو ل باژارێ قامیشلۆ د بوویەراکا تاری دا بەری چەند رۆژان هات کوشتن
