د هلبژارتنێن پەرله‌مه‌نتۆیا کوردستانێ دا پەکەکە ب ئاوایه‌ک چالاک پشتگریا یەنەکێ دکه. بێ گومان سه‌ده‌مێن ڤێ یه‌کێ گه‌له‌کن و نرخاندنێن به‌رفره‌ه ژێرا دڤێن. لێ پرانیا جارا گۆتنه‌ک ب خوه وه‌ک ده‌ه ڕووپه‌لێن نڤیساندنێ ئارمانجا ئه‌ساسی دده دیارکرن.
د ڤان هلبژارتنان دا گه‌له‌ک له‌یزتک هاتن کرن. یەنەکێ پشتا خوه دا بەغدایێ و هه‌ولدا ب هه‌موو ئاوایی رێ ل به‌ر سه‌رکه‌فتنا پەدەکێ بگره. گه‌له‌ک گوهه‌رتن ل سه‌ر گلیێن ینکێ د قانوونا هلبژارتنان دا هاتن کرن. مافێ پێکهاتەیێن کوردستانێ هاتن ئاسته‌نک کرن.
جارێ مرۆڤ به‌رێ خوه بده دیرۆکێ، ڕۆژێن بوورین ممکنه ئیرۆ هنده‌ک تشت باشتر بهێنە فام کرن. به‌رێ خوه بدەنێ پەرله‌مه‌نته‌را هەدەپێ یا دیاربه‌کرێ کو نێزیکی ۱٥ سالان وه‌ک پەرله‌مه‌نته‌را هەدەپێ د پەرله‌مه‌نتۆیا ترکیێ دا مایه. نورسال ئایدۆگان نه کورده لێ یه‌ک کورد ڕه شی کریه. نورسه‌ل که‌سایه‌ته‌ک د ناڤا پەکەکێ و پارتیێن گرێدایێ پەکەکێ دا گه‌له‌ک ب باندۆر بوو. یانی وه‌ک نوونه‌را ده‌وله‌تا کوور د ناڤا پەکەکێ دا بوو.
نورسه‌ل د هه‌ڤپه‌یڤینه‌کا خوه دا دبێژه: ل وێ ده‌رێ (به‌حسا باشوورێ کوردستانێ دکه) کورد دخوازن ده‌وله‌ته‌کێ دامه‌زرینن. هه‌تا هه‌ولددن کوردێن ٤ پارچه‌یان بێنه باهه‌ڤ و ده‌وله‌ته‌ک کوردی دامه‌زرینن. ئاسته‌نکا یه‌که‌می ل پێشیا دامه‌زراندنا ده‌وله‌تا کوردی باوه‌ر بکن برێز ئەبدولا ئۆجەلانه. ئۆجەلان دخوازه پرسا کورد د سنۆرێن ترکیێ دا یانی سنۆرێن میساقا مڵی دا بێ چاره‌سه‌رکرن. یانی چاره‌سه‌ری دڤێ د چارچۆڤەیا پاراستنا یه‌کتیا ئاخا ترکیه دا چێببه. باوه‌ر بکن ئیرۆ پەکەکە ژ ده‌ڤ ڤێ فکرێ به‌ردە، ئەمریکا و بریتانیا خه‌یالا وان دا ئاڤاکرنا کوردستانا مه‌زن هه‌یه. هێزا کو پێشیا دامه‌زراندنا کوردستانا مه‌زن ده‌ردکه‌ڤه ئه‌و ته‌ڤگه‌را کو ئۆجەلان چێکریه.
ئه‌ڤه سه‌ده‌مێ بنگه‌هێنە کو پەکەکە ئیرۆ د ڤان هلبژارتنان دا پشتگریا یەنەکێ دکه ئه‌ڤ ب خوه یه. یانی سه‌ده‌م ئاسته‌نگکرنا ده‌ستخستنا مافێن ڕه‌وا یێن کوردایه. سه‌ده‌م پێشیلێگرتنا ده‌وله‌تبوونا کوردایه. سه‌ده‌م ڕێگرییا بهێزکرنا ستاتوویا هه‌رێما کوردستانێ یه.
ڤێجا ئه‌گه‌ر پرس کورد و کوردستانی به، ئه‌گه‌ر ئارمانج وه‌لاتپارێزی به، ئه‌گه‌ر پاراستنا ستاتوویا هه‌رێما کوردستانێ بنگه‌ه به.. دڤێ ئه‌ڤ ڕاستی ژ ئالیێ هه‌موو که‌سه‌کی ڤه بێ دیتن. باوه‌ر بکن د بنگه‌ها پەکەکێ دا گه‌له‌ک ئنسانێن وه‌لاتپارێز و کوردپه‌روه‌ر ژی ڤان گۆتنێن دژتیا ده‌وله‌تبوونا کوردا دکن قه‌بوول ناکن.
له‌یزتک گه‌له‌ک مه‌زنه. ژ بۆ تێکبرنا له‌یزتکێن کو ته‌هدیدن ل سه‌ر خاکا کوردستانا ئازاد گه‌ره‌کە ده‌نگێ خوه بدن پەدەکێ.
نێرین/شرۆڤه
