ھەمەرەنگ

ژ ڕایا گشتی و مەدیا كوردی رە

ڕێداکسیۆنا مالپه‌را bergeh.com ڕایا گشتی و مه‌دیا کوردی ئاگادار دکه‌ کو مالپه‌ره‌ک نوو ب ناڤێ bergeh.com ل باخچه‌یێ مالپه‌رێن کوردی زێده‌ کر.

bergeh.com ب کرمانجی و تیپێن ئارامی/عه‌ره‌بی وه‌شانا خوه‌ دکه‌.

هه‌تا ژ مه‌ بێ ئه‌م دێ مالپه‌را خوه‌ ژ بۆنا به‌رژه‌وه‌ندیێن گه‌لێ کوردستانێ و پاراستنا خه‌تا نه‌ته‌وه‌یی و سه‌رخوه‌بوونا کوردستانێ ب کار بینن.

مالپه‌را مه‌ دێ جھ بده‌ هه‌موو نووچه‌، نووچه‌ئانالیز و نڤیسێن د به‌رژه‌وه‌ندیا گه‌لێ کورد ده‌ و بهێزکرن و خورتکرنا خه‌تا نه‌ته‌وه‌یی، سه‌رخوه‌بوون و ده‌وله‌تبوونا کوردستانێ ده‌ بن.

مه‌ هه‌ست پێ کر کو د ڤی واری ده‌ ل ده‌ڤه‌را بادینان ڤالاهیه‌ک هه‌یه‌ و مه‌ خوه‌ست ب ده‌ستپێکرنا وه‌شانا bergeh.com هه‌تا ڕاده‌یه‌کێ وێ ڤالاهیێ پر بکن. ڕاسته‌ چه‌ند مالپه‌رێن ب کرمانجی تیپێن ئارامی/عه‌ره‌بی ل بادینان هه‌نه‌، لێ ئه‌و مالپه‌ر یان فه‌رمی/ره‌سمی گرێدایی ڕێخستن و ئالیێن سیاسی نه‌ و حزابتیه‌که‌ به‌رته‌نگ وه‌شانا خوه‌ دکن یان ژی گه‌له‌ک ب ده‌ڤۆکا لۆکالی وه‌شانێ دکن و نکارن تینا خه‌لکێ بادینان بشکینن.

ئه‌م هێڤیدارین ئه‌م بکارن ب وه‌شنا bergeh.com خزمه‌تا دۆزا ڕه‌وایا گه‌لێ خوه‌ بکن و خزمه‌تا زمانێ کوردی/کرمانجی بکن.

ئه‌م داخوازێ ژ ڕه‌وشه‌نبیر، نڤیسکار، ڕۆژنامه‌ڤان، هونه‌رمه‌ند و هه‌موو ته‌خێن دن یێن جڤاکێ ب تایبه‌تی ل ده‌ڤه‌را بادینان، ل مالپه‌را خوه‌ مالپه‌را bergeh.com خوه‌دی ده‌رکه‌ڤن و ب به‌رهه‌مێن خوه‌ (ئابۆری، سیاسی، هونه‌ری، ڤیدیۆ، دیرۆک و یێن دن) مالپه‌رێ زه‌نگین، بخه‌مل و ڕه‌وشتر بکن.

Back to top button