نڤیسین: زەنوون سلێڤانەیی- زاخۆ
پربوونا کلینیکێن نوژداران ل باژێر و دەڤەرێن جودا ل هەرێما کوردستانێ باندۆرەكا نەرێنی ل سەر رەوشا ساخلەمیا خەلكی، ب تایبەتی خەلكێ ھەژار و كێمدەرامەت، كریە. هەر ئێک ژ وان كلینیكان ب رەنگەکێ جودا خزمەت و سەردەریێ دگەل خەلک و هاوەلاتیێن نەخوەش و نەخوەشیێن جورا و جور دکەن.
بەلێ ئەو خەلک و هاوەلاتیێن هەژار و کێمدەرامەت دەمێ قەستا نەخوەشخانەیان دکەن و دچنە جەم نوژدارەکی/ێ تایبەتمەند ژ بۆ چارەسەریا نەخوشیێن خوە، بەلێ ئەو نوژدارێ/ا تایبەتمەند دێ بێژتێ “ئەڤە ناڤونیشانێن کلینیکامن بوتە ل جەم مە دێ باشتر چارەسەریا نەخوەشیا تە ھێتە كرن” ئەڤجا ژبلی گرتنا فەحس و کێشانا تیشک و سونەران کو چ ئەنجام تێدا دیار دبن و ل سەر راچێتێ ژی دەرمانا بو دنڤێسیە و دبێژتێ: ” هەرە فلان دەرمانخانێ دەرمانا بکرە، هەگەر باشتر نەبووی دیسان دوبارە وەرە جەم مە.”
د ناڤا ڤان کلینیکێن نوژداران دا رەفتار و سەردەریکرنا سەیر دگەل خەلک و هاوەلاتیێن نەخوەش تێ كرن، ئەو كلینیك نە ل گۆر رێنمایێن رێکوپێک و نۆرمێن ستاندارد رەفتارێ دگەل نەخوەشان دكەن. هژمارەکا زێدە یا نەخوەشان، بێی ژڤانەكێ دەستنیشانکری برێفە دبەن. ئارمانجا ڤان كلینیكان ب تەنێ ئەوە كو کوژمەکێ پارەیی باش ب دەست بێخن، ئەو كۆژمێ پارەیی ژی ژ کیستێ خەلکێ هەژار، بەلەنگازێن بێ کار و کێمدەراڤ، کرێدار، ئەوێن د کریزا ئابوری دا دنالن و ب زەحمەتی پاریێ نانێ ژیانێ و خوەدانکرنا خیزانێ پەیدا دكەن.
هەگەر ئەم ل کلینیکێن نوژداران ل وەلاتێن پێشکەفتی بنێرین ل گورەی هندەک رێنمایان و یاسایان ب رێژەیەکا گونجایێ ھاتینە رێكخستن كو ئەرکێ خوەیێ مروڤاێەتی خزمەت و سەردەریکرنێ دگەل خەلک و هاوەلاتیێن نەخوەش دکەن. بەلکو ب تنێ دڤی وەلاتی دا ئارماج یا بوویە کومکرنا کوژمەکی پارەی و وژدانا خوە بڤی ئاوایێ دەنە کاری بوویە جهێ رەنگڤەدانەکا نەرینی ل جەم خەلک و هاوەلاتیێن مە.
ب ڤی رەنگی کلینیکێن نوژداران د ناڤبەرا خزمەتکرن و گلەیی و گازندەێن خەلکی دا دبۆرە و ئەم ژی دبێژین: “خوەپاراستن باشترە ژچارەسەریێ” جارێ ئەڤا مایی ژی ب هیڤیا یەزدانێ مەزن ودلوڤان ڤە.
202.07.08
