نێچیرڤان بارزانی سەرۆکێ هەرێما کەردستانێ د پەیامەکێ دا جەژنا کریسمەس و رۆژا ژدایکبوونا حەزرەتێ عیسا پێغەمەر پیرۆزباهیێ ل هەموو کریستیانێن کوردستانێ دکە و ژ وان را جەژنەکا خوەش و ئارام دخوازە.
سەرۆک نێچیرڤان بارزانی د پەیاما خوە دا پێکهاتەیا مەسیحی پشتراست دکە کو کوردستان دێ هەر هشار و لاندکا پێکڤەژیان و هەڤدوقەبوولکرنێ بمینە و مافێن وان بپارێزە.
ناڤەرۆکا پەیاما سەرۆک نێچیرڤان بارزانی:
ب هه‌لکه‌فتا هاتنا جه‌ژنا کریسمەس و ژ دایکبوونا حه‌زره‌تی عیسا مه‌سیح
(سلاڤێن خوه‌دێ ل سه‌ر بن)، ئەز ب گه‌رمی و ژ دل پیرۆزباهیێ ل هەڤوه‌لاتیێن مه یێن عه‌زیز یێن کریستیانێن ل هه‌رێما کوردستانێ و ئیراقێ و ل سه‌رانسه‌رێ جیهانا کرستیان پیرۆز دکم. هێڤیدارم کو جه‌ژنا ئاشتی و ئارامیێ به، هه‌موو بێهنڤه‌دانه‌کا خوه‌ش ده‌رباس بکن و ژ بۆ هه‌موویان ساله‌کا تژی به‌خته‌وه‌ری و سه‌رکه‌فتن به.
ب ڤێ هەلکەفتێ، ئه‌م هه‌موو هەڤوه‌لاتیێن خوه یێن کرستیان پشتراست دکن کو، وه‌ک هه‌ر تم ئه‌م دێ مافێن وان بپارێزن و ژ بۆ بهێزکرنا نرخێن مه یێن هه‌ڤپار و کوورکرنا چاندا پره‌نگیا ئۆلی و ئه‌تنیکی، پێکڤه‌ژیان، هه‌ڤپه‌ژراندن و تۆله‌رانس یا د ناڤ هه‌موو پێکهاته‌یان دا به‌رده‌وام بن. کوردستان، بێ جوداهی، دێ نشتمانه‌ک و ماله‌که ئارام ژ بۆ هه‌موویان بمینه.
جه‌ژن ل هه‌موویان پیرۆز به، هه‌موو سالان ب خێر و خوه‌شی به.
نێچیرڤان بارزانی
سه‌رۆکێ هه‌رێما کوردستانێ
٢٠٢٤\١٢\٢٤
