نڤیسار

کوردنۆ ژ بۆنا سبه‌رۆژه‌کا خوه‌ش حازر بن

مه‌ دیت، بهیست و خوه‌ند تێگشتن کو دڤێ ژ سه‌د سالان جاره‌کێ دنیا ژ نوودا دزاین ببه‌، ئانگۆ گوهه‌راندنێن جدی تێ دا چێ ببه‌.
پشتی شه‌رێ جیهانێ یێ دوویەم و په‌یمانا لۆزانێ کورد کرن چار په‌رچه‌ دا کو زوو ب زوو نکاربن سه‌ری هلدن. سه‌ریهلدن ژی وێ نکاربن ئازادیا خوه‌ ب ده‌ست بخن و خوه‌ ژ بن کۆله‌تیا ترک، عه‌ره‌ب و عه‌جامان ده‌رخن.
ئه‌ڤە سه‌د سالن کو کوردان ل هه‌ر چار پارچێن کوردستانێ ل هه‌مبه‌ر داگیرکه‌ران و زلما وان قه‌ت ڕانه‌وه‌ستیانە. هه‌ر شه‌ر ژ بۆنا ئازادیا خوه‌ كرنە و دكن هه‌تا کو باشوورێ کوردستانێ هاته‌ ئازاد کرن.
ل گۆر من ئازادکرنا باشوورێ کوردستانێ ژ ئالیێ ده‌وله‌تێن مه‌زن سنیاله‌ک بوو و خوه‌ستن ب ڤێ سینیالێ بێژن کو ده‌م هاتیه‌ دڤێ ئێدی کورد ژی ببن خوه‌دی ده‌وله‌تا خوه‌. یێن ڤێ بریارێ ددن ئه‌و که‌سێن کو کوردستان کربوون چار پارچه‌ ب خوه‌ نه‌.

وێ ده‌مێ ئه‌ڤ ل گۆر حه‌ساب و به‌رژه‌وندیا وان بوو. لێ ئیرۆ ئه‌و حه‌ساب و به‌رژه‌وه‌ندیا وان ب کوردان ڕا ل هه‌ڤ تێ. ئه‌ڤ ژی ژ بۆنا مه‌ ده‌رفه‌ته‌کا باشه‌ کو دڤێ ئێدی ئه‌م ژی وه‌که‌ مله‌ت، هێز و قوه‌ت خوه‌ ڕێ بدن.
هه‌روه‌ها هوون ژی دزانن کو ده‌ستپێکا ڤێ گوهه‌راندنا کو وێ ببه‌، ژ بالکانان ده‌ست پێ کرن. ب بهارا عه‌ره‌بان ڕا گه‌ش کرن، هندەك ده‌وله‌ت هلوه‌شاندن، هندەك ده‌ستهلات ژ کارێ وان دوورخستن و هندەك ژی کوشتن کو بکاربن ل گۆر دلێن خوه‌ د ڤێ گوهه‌راندنێ دا ب سه‌رکه‌ڤن و ب سه‌ر که‌تن.
ب سه‌رکه‌تن لێ نه‌ داوی بوو. د ڤان شه‌رێن ژ بۆنا گوهه‌راندنا ڕۆژهلاتا ناڤین دا، کوردان ژی گه‌له‌ک به‌ده‌ل دان و هێشتا ژی ددن. لێ ئێدی به‌ده‌لێن کوردان دان و ددن دێ بێ ئارمانج نه‌مینه‌ و نه‌ما ژی.
سینیالا ڤێ یا ئه‌ول ئازادیا باشوورێ کوردستانێ بوو. نها وه‌که‌ ئه‌م دبینن و دزانن کو ل ڕۆژهلاتا ناڤێن ئاڤا سه‌رێ گه‌له‌ک سه‌رده‌ست و ده‌وله‌تان دکه‌له‌.
ده‌وله‌تێن هه‌ڤپه‌یمان ل گۆر خوه‌ هندەك گوهه‌راندن کرن دا کو بکاربن فێر ببن وێ چاوا د ڤێ جۆگرافیێ دا ب ئاڤاکرنا ده‌وله‌تێن نوو ب سه‌رکه‌ڤن. ئه‌و دزانن کو د ناڤا گوهه‌راندنێن دێ ببن، دڤێ به‌رژه‌وه‌ندیا مله‌تێ کورد و ده‌وله‌تا وێ بێ پاراستن.
لۆما دڤێ کورد ڤێ یه‌کێ باش بزانبن کو ئێدی وه‌نداکرن وێ نه‌به‌ پارا وی. دۆر هاتیه‌ کو داگیرکه‌رێن کوردان دێ یه‌ک ب یه‌ک ژ هۆلێ ڕابن ئانگۆ وێ ئه‌مه‌ریکا و هه‌ڤپه‌یانێن خوه‌ ل گۆر دلێ خوه‌ گوهه‌راندنان بکن. د ناڤا ڤان گوهه‌راندنان دا دێ ل هه‌ر چار پارچان کورد بگەهێژن ئازادیا خوه‌.

ئه‌م دێ هه‌می ب هه‌ڤره‌ ببینن کو وێ سالا ۲۰۲۰-۲۱ئان ببە یا کوردان. د ناڤێ ڤێ ده‌ وێ ئیرانێ هلوه‌شینن و ڕۆژهلاتا کوردستانێ بگەهێژه‌ ئازادیا خوه‌.
پشتی هلوه‌شاندنا گه‌له‌ک ده‌وله‌تان نها ژی دۆر هاتیه‌ ئیرانێ دوورا تێ ترکیێ، ئه‌و ژی دێ بێ هلوه‌شاندن و ل ور ژی وێ باکورێ کوردستانێ بگەهێژە ئازادیا خوه‌.
ئه‌ز نه‌ سحێربازم کو ڤان دبێژم. ده‌ما مرۆڤ سیاسه‌تا دنیا یێ و ب تایبه‌تێ یا ئه‌مریکا و هه‌ڤالبه‌ندێن وێ دشۆپینه‌ ئه‌ڤ ئاشکه‌ره‌ ده‌ردکه‌ڤه‌ هۆلێ.
هاربوون ئانگۆ دیکتاتۆریا سەددام چ ئانی سه‌رێ وی، وێ ئه‌و ئاقووبه‌ت بێ سه‌رێ ئه‌ردۆگان ژی. یێن سەددام خورت و هار کرن نها ڤێ پلانێ ل ئه‌ردۆگان دجه‌ربینن. ڕۆژێن وی ژی هندک مانه‌.
هه‌گه‌ر ئه‌مریکا و هه‌ڤالبه‌ندێن خوه‌ ڤێ جارێ دلێ کوردان خوه‌ش نه‌کن، دێ نکاربن ل ڕۆژهلاتا ناڤین بژین. ژیانا وان یا ل ور ژی ته‌نها گرێدایی کوردستانه‌کا سه‌ربخوه‌ ل وره‌.

ل ڤێ جیهانێ هه‌ر تشت به‌رژه‌وه‌ندی نه‌، مه‌ کوردان ئه‌ڤ هێ نوو فێم کرنه‌. لۆما ده‌ستهلاتا مه‌ ژی لگۆر ڤێ ته‌ڤدگه‌رن و ب ڤێ هه‌لوه‌ست، بریار و کریارێن خوه‌ وێ ژ بۆنا مه‌ کوردستانه‌کا ئازاد و سه‌ربخوه‌ ڕاگەھینن.
ل گۆر زانیاری، تێگەهشتن و بیره‌وه‌ریا من، ئیرانێ د ڤێ سالێ دا هلدوه‌شینن، ڕۆژهلاتا کوردستانێ دگەهێژە ئازادیا خوه‌. ل دوو ڤێ ژی ترکیه‌ تێ.
ژ به‌ر ڤێ ئه‌ز دبێژم؛ پێویسته‌ کورد ڤێ ببینن و ژ نهادا بکه‌ڤن حازریان دا کو د هلوه‌شاندنا ڤان ده‌وله‌تانا دا خوه‌ شاشۆ ماشۆ نه‌کن.

ڕۆهنیکرنا شه‌ڤره‌شێ ب ده‌رکه‌تنا ڕۆژێ ده‌ست پێ دکه‌. دیتنا کوردستانه‌کا سه‌ربخوه‌ ژی د ده‌ستپێکا گوهه‌راندنا ل ڕۆژهلاتا ناڤێن دا سه‌رخوه‌بوونا کوردستانێ تێ دیتن.
حازر بن کوردنۆ، ڕۆژ ڕۆژا وه‌ یه‌. لۆما دڤێ هوون ب هه‌می هێز و قاوه‌تێن خوه‌ پشتگریێ بدن باشوورێ کوردستانێ دا کو ئه‌و فندا ل ور پێ که‌تیه‌، شه‌ڤره‌شا هه‌م کوردستانێ و کوردستانیان ڕۆنی بکه‌.

بووبێ ئه‌سه‌ر
2020.01.20

Back to top button