بۆچی هه‌تا نوکه حزب و ئالیێن سیاسی ل هه‌رێما کوردستانێ چ هاوپه‌یمان دروست نه کرینه ژ بو هه‌لبژارتنێن ئه‌نجومه‌نێن پارێزگه‌هێن ئێراقێ کو دێ ل هه‌یڤا 12 سالا 2023 دهێنه ئه‌نجامدان
کورد ل دووڤ پێگه‌هێ سیاسی و پێگه‌هێ قه‌وارەیێ هەرێما کوردستانێ باشترە هاوپه‌یمانیا کوردی بهێته دروستکرن داکو جاره‌کا دی که‌رکووکا دلێ کوردستانێ ڤه‌گێرێته ڤه بن باوه‌شا کوردستانێ.
به‌س ژبه‌ر چه‌ند حزبه‌کێن خوەفروش و خیانه‌تکار و سیاسه‌تا وان یا شاش و ژ بو به‌رژه‌وه‌ندین خوە یێن سیاسی، دگه‌ل وێ چه‌ندی نینین کو، ل که‌رکووکێ و دەڤەرا مادەیا ١٤٠ێ، هاوپه‌یمانیەکا کوردستانی بهێنه راگه‌هاندن.
ل کوردستانێ پارتییا ئێکانە کو دگه‌ل پێکانینا هاوپه‌یمانیه‌کا دروست و راسته‌قینه بە داکو ده‌نگێن کوردان نه‌هێته فه‌وتاندن ئه‌و ژی پارتییا دەموکراتا کوردستانێ یە.
ده‌مێ ب ده‌ستێ خیانه‌تکاران، ل 16ێ ئۆکتۆبه‌را سالا 2017ێ که‌رکووک و ئاخا کوردستانێ هاتیه فرۆتن ژ بۆ به‌رژه‌وه‌ندیێن خوە هێزێن ئێراقێ و میلیشاتێن سه‌ر ب ئیرانێ ڤە و ب هاریکاریا ئالیەکێ کوردستانی بو ئه‌گه‌رێ داگیرکرنا که‌رکووک و ناوچەیێن ماده‌یێ ١٤٠ێ.
هینگێ ژی پارتی به‌رگری ل ئاخ، مال و ملکێ خه لکی کوردستانێ کر و ل پردێ و سحێلا بەرگریەکا مێرخاسانە کر پێشێ ل ئێریشێن حەشدا شەعبی و دیڤەلانکێن وان گرت و نەهێلا ب ناڤ ئاخا هەرێما کوردستانێ ڤە بهێن. پارتی هه‌می گاڤا ده‌ستپێشخه‌ریا پاراستنا ماڤێن خه‌لکێ کوردستانێ کریە و پاراستنا ناوچەیێن ماده‌یێ ١٤٠ ل د دانوستانان دا دگەل به‌غدایێ دانایه پێش چاڤێن لایه‌نێن سیاسی ل ئێراقێ و کار ل سه‌ر هاتیه‌کرن .
به‌لێ هه‌ر رێکه‌فتنه‌کا ژ ئالیێ حکومه‌تا هه‌رێما کوردستانێ ڤه دگه‌ل به‌غدایێ بهێته کرن، چ رێکه‌فتن سیاسی یان دارایی یان ژ بو پاراستنا قه‌وارەیێ هه‌رێما کوردستانێ و پاراستنا ماڤێن خه‌لکێ کوردستانێ بە، دێ چه‌ند ئالیێن دی یێن سیاسی ل هه‌رێما کوردستانێ دێ رێکه‌فتنێن به‌رزه و ڤه‌شارتی دگه‌ل چه‌ند لایه‌نێن سیاسی ل ئێراقێ ئەنجام دەن دا کو زیان ب قه‌وارێ هه‌رێما کوردستانێ بکه‌فیت و خه‌لکێ کوردستانێ نه‌گه‌هنه ماڤێ خوە یێ دروست .
پارتییا دەموکراتا کوردستانێ، پارتییەکا خوەدان ئیراده‌یه‌کا گەلەک به‌رزه و خوەدان سه‌رۆکه‌کێ بهێزه و خوەدان مێژویه‌کا درێژ و قایمه .
پارتییا دەموکراتا کوردستانێ ججارا پۆستێ سه‌رۆکێ ئه‌نجومه‌نێ پارێزگه‌ها که‌رکووکێ ناهێلیته د ناڤ ده‌ستێ وێ حزبا هنده ساله خیانه‌ت ل گه‌ل و وه‌لاتێ خوە کری.
عمر تۆڤی
