نڤیسار

کورد و پۆستێ سەرۆککۆماریێ   

بەدرخان زاویتەیی

ل ڤێرە ئەم ل مێژوویێ ناڤەگەرین کا وەلاتێ عیراقێ چەوا دروست بوویە و پۆستێن وێ د دەستێن کێدا بوون و چەوا دژی گەلێ کورد بکار دئینان، بەلکو دێ بەحس ل پرۆسا ئازادکرنا عیراقێ کەین ژ رێژێما بەعس ل سالا ٢٠٠٣ و دانانا دەستورەکێ ھەمیشەیی بۆ ڤی وەلاتی ل سالا ٢٠٠٥ێ.

کوردان رۆلەکێ کارا و کاریگەر ھەبوو د نڤێسینا ڤی دەستوری دا کو ل سەر بنیاتێ فیدرالیەتێ ھاتیە دانان و مەرەما سەرکردایەتیا کورد ئەو بوو کو ئێدی رێ نەدەن چو دکتاتۆر دووبارە ل عیراقێ دروست ببن و رێ ل شەرێ تایفی و نەتەوەی بگرن و کورد ب رەزامەندیا خوە بەشداری دراشتنا عیراقێ بوون و ل دەستپێکا دەستوری دا نڤیسایە کو پێگێریکرن ب دەستوری زامنێ ئێکگرتن و مانا ڤی وەلاتیە!! 

ل ڤی وەلاتی تانوکە پێنچ جارا ھەلبژاردن ھاتینە کرن و وەکو نەریتەکێ سیاسی کو رێکەفتن ل سەر ھاتیە کرن پۆستێن سیادی یێن عیراقێ دابەشبوینە د ناڤبەرا کورد و شیعە و سونەیان دا،  ب رەنگەکی کو سەرۆککۆمار بۆ کوردان و سەرۆکوەزیران بۆ شیعا و سەرۆکێ پەرلەمان بو سونەیان!! ئەف رێکەفتنە بیرا مە ل رێکەفتنا تایف دئینیت یا دابەشکرنا دەستھەلاتا ل وەلاتێ لوبنانێ و راوەستاندنا شەرێ نافخوە ل سالا ١٩٨٩ ل وی وەلاتی ژی پۆستێ سەرۆکوەزیران بۆ سونایە و پۆستێ سەرۆککۆمار بۆ مەسیحیایە و پوستێ سەروکێ پەرلەمان بو شیعایە!!  

خویایە د ١٧ سالێن دەرباسبویی دا پۆستێ سەرۆککۆماری بۆ کوردان بویە و دناف لایەنێن سیاسی یێن کوردستانی بۆ ئێکەتی نیشتیمانی کوردستان بویە و پارتی ل سێ خولێن ھەلبژاردنا بێی حسابێ بو کورسیین پەرلەمانی و ئەنجامێن ھەلبژارتنا بکەت پشتەڤانێ ھەرێ سەرەکی بوو بۆ ھەر دوو سەرۆککۆمارێن بەرێ مام جەلال و فواد مەعسوم ! چونکی بەربژێرین لایەنێن کوردستانی بوون و کودەنگیەک ل سەر ھەبو.  بەلێ ل ھەلبژارتنن سالا ٢٠١٨ بەرھەم سالحی پارتیەکا سیاسی دامەزراند ب ناڤێ “ھاوپەیمانی” و ھەر زوی کرین و فروتن بوی لایەنی کر بۆ بدەستڤەئینانا پۆستێ سەرۆککۆماری و ل وی دەمی ئێکەتی ژ کودەنگیا کوردستانی دەرکەت و چو دناف چەند رێکەفتنێن گومانەوی و لایەنێن شیعی و سونی وەک پاداشتەک بو خیانەتا ١٦ ئوکتوبەرێ دژی پارتی راوەستیان و کودەنگیا کوردان  ل سەر بەربژێرەکی بۆ پۆستێ سەرۆککۆماری تێکدا و بەرھەم سالح ھەلبژارد وەک سەرۆککۆمار بو لاوازکرنا پێگەھێ ھەرێمێ !!

پشتی خوپیشاندانێن ئوکتوبەرا سالا ٢٠١٩ و ھەلوەشاندنا حکومەتا عادل عبدالمھدی و رەفتارا درندانەیا ملیشیاتا بەرامبەر خوپیشاندەران و رۆلێ خرابێ بەرھەم سالحی د وان کاودانان دا و بێ دەنگیا وی بەرامبەر پرۆسا تەعریبکرنێ ل دەڤەرێن مادێ ١٤٠ و کاودانن کوردان ل پارێزگەھا کەرکورکێ و رێگیرکرن ل جێبەجێکرنا رێکەفتنا شنگالێ و تێکدانا رێکەفتنا د ناڤبەرا ھەرێمێ و بەغدا ل سەر یاسایێن بودجێ وەکر کو سەرکردایەتیا ھەرێمێ ئێدی جدی ل سەر ڤی بابەتی راوەستیت و سەرۆککۆمارەکی دانیت کو ب دروستی نوینەرێ کوردان بیت دوی پۆستیدا و ل گورەی دەستوری رەفتارێ بکەت کو سەرۆککۆمار پارێزەرێ دەستوریە و بەرەڤانیێ ژ مافێن گەلێ کورد بکەت و رێگێریێ ل وان پێشیلکاریا بگریت یێن دەرحەقێ مافێن ھەرێمێ دا دئێنە کرن،  ئەو بوو ل ھەلبژارتنێن ئوکتوبەرا سالا ٢٠٢١ سەنگێن لایەنێن سیاسی گورانکاریەک مەزن بسەردا ھاتن و پارتی بھێز ل سەر ڤی بابەتی رەواستیایە کو نابیت سەرۆککۆمارەکێ لاواز ل بەغدایێ ھەبیت بەلکو دڤێت نوینەرێ راستەقینە یێ دەنگێ کوردستانیان بیت و لایەنێن کوردستانی ل سەر رێکەڤن !! 

بەلێ ھەر زوی بەرھەم سالحی ب بریارێن نەیاسایی دەنگێن دوو کورسین پارتی یێن پەرلەمانێ عیراقێ سوتن و بۆ ئێکەتیێ برن و د ئێکەم روینشتنا پەرلەمانی دا ئێکەتیێ پشت دا وا رێکەفتن و تێگەھشتنێن دروست بوین و دەست ب یاریەکا دی یا مەترسیدار کر بو بدەستڤەئینا پۆستێ سەرۆککۆماریێ بۆ بەرھەم سالحی!! و ڤێ جارێ دادگەھا فیدرال ب پشتەڤانتا دەستێن دەرەکی بکارئینا بۆ دورئێخستنا بەربژێرێ پارتی و د بارودوخەکێ سیاسی گەلەک خراب دا دەست برە کەیسا نەفت و گازا ھەرێمێ و ب بریارەکا سیاسی یا دادگەھا فێدرال ئەف یاسایە ھەلوەشاندیە و ب نەدەستوری دایە دیارکرن!! ل ڤێرە خویا دبیت کو پشتی بالانسا ھەلبژاردنا ھاتیە گوھارتن و رێکەفتنەکا سێقولی د ناڤبەرا پارتی و رەوتێ سەدر و سونەیان دا دروستبووی، لایەنێن شکەستی دھەلبژاردنان دا دەست دا تێکدانێ و پێشیلکاریێن دەستوری و بکارئینا دادگەھا فیدرال بو مەرامێن سیاسی!! 

فەرە کوردستانی باش بزانن کو کەسانێن وەکو بەرھەم سالحی داردەستێن دوژمنێن کوردستانێ نە و د ماوێ دەرباسبوویی دا کو ئەو سەرۆککۆمار بوو یەک پەیڤا کوردی نەئاخفتیە و د دەستوری دا زمانێ کوردی دگەل زمانێ عەرەبی زمانێن فەرمینە ل عیراقێ!! ئێک ھەلویست نەبویە بەرامبەر وێ زۆلما ل دەڤەرێن مادێ ١٤٠ دئێتەکرن و یەک ھەلویست نەبویە بەرامبەر برینا بودجە و موچێن ھەرێمێ !! یەک جار سەرەدانا دەڤەرێن مادێ ١٤٠ و پارێزگەھا کەرکوکێ نەکریە لەورا دڤێت ئێدی کوردستان ژڤان توخما بێتە پاقژکرن و بەرداومبونا وان دبیتە ئەگەر کێشە و گرفتێن مەزن تر!! 

بەدرخان زاویتەی

2022.02.22

Back to top button