کوشتنا لەشکه‌رێن ترک ل سووریێ و ڕاستیا ڤه‌شارتی
ئاگاهیه‌ک گ̇رنگ !
کوشتنا لەشکه‌رێن ترک ل سووریێ و ڕاستیا ڤه‌شارتی.
ل گۆر ئاگاهییێن کو ئه‌ز پێ باوه‌ر، کو نێزیكی کره‌ملن و وه‌زاره‌تا ده‌رڤه یا ڕووسیایێ یه. د جڤینا د ناڤبه‌را پووتن و ئه‌ردۆگان دا، پوتن هه‌موو تشت ڤه‌کری ژ ئه‌ردۆگان و شاندەیا پێرا بوو گۆت. وه‌ک تێ دزانین ل سووریێ د ناڤبه‌را ئه‌رکانا لەشکه‌ری یا ڕووسیا و ترکیێ دا کۆئۆردیناسیۆن/ھەماھەنگی هه‌یه کو ده‌ما لەشکه‌رێ وان ته‌ڤدگه‌رن هایا هه‌ڤ پێ دخن ژ بۆ کو بوویه‌ر نه قه‌ومن. لێ ڤێ جارێ ئه‌ڤ لەشکه‌رێن هاتنە کوشتن کو دۆر ۱۰۰ که‌سن، بێ کو هایا ئه‌رکانا لەشکه‌ری ژێ هه‌به و زانیارینان بدن ئه‌رکانا ڕووسیایێ ل جهه‌کی جڤاندنه و د ڤێ ناڤبه‌رێ دا، ڕووسیا و سووری ب رێیا ئیستخباراتێ زانیاریان دستینن کو هنده‌ک مرۆڤ د جڤن و حازریا ئێریشه‌کێ دکن، ل سه‌ر ڤێ ب فرۆكەیێن شەری ئێریشی وان دکن و ئه‌و بوویه‌ر دقه‌ومه.
ل گۆر ئاگاهیێن من گرتنه، کو گه‌نه‌رال و ئه‌فسه‌رێ هه‌ڤالبه‌ندێ ئەمریكایێ د ناڤا ئۆردیا ترک دا ئه‌ڤ پلان کرنه ژ بۆ شه‌ره‌کی د ناڤبه‌را ترکی و ڕووسیایێ دا بقەومینن. ئه‌ڤ تشت و گه‌له‌ک تشتێ دن، ته‌ڤ ب به‌لگەیان دانینه به‌ر ئه‌ردۆگان. ژ خوه ڕاستیا ڤێ بوویه‌رێ پووتن وه‌ک پووبلیک ژی دا فامکرن.
وه‌ک ئه‌م دزانن، به‌ریا ترک بچن مۆسکۆ، ڕوسیا هه‌ر د گۆت هایا که‌سێ ژێ نه بوو کو لەشکه‌رێن تورک ل وێرێنە، ترکا ب یه‌ک ده‌نگی دگۆتن كو ڕووس ڕاست نابێژن و مه ئاگاهداری دایه وان. لێ ده‌ما پووتن و ئه‌ردۆگان جڤیان ٥ ده‌قە پێشن پووتن و ئه‌ردۆگان ژ مه‌دیایێ ڕا هه‌ر کێ ۲-۳ ده‌قان په‌یڤی و پووتن پێشی په‌یڤی و ڤه‌کری ل به‌ر هه‌موو ده‌له‌گاسیۆنا ترکا گۆت هایا که‌سه‌کی ژێ نه‌بوو کو لەشکه‌رێن تورک ل وێرێ بوون، پاشێ ئه‌ردۆگان په‌یڤی ونه گۆت نا نه وه‌هایه. ده‌نگ نه کر. دیاره ئه‌ردۆگان ب تشتنا حه‌سیا یه، ژ به‌ر وێ وی خوه‌ست ب پووتن را ب تەنێ هه‌ڤ ببینن. دۆر ۳ سه‌عه‌تا هه‌ردو ته‌نێ په‌یڤین، وه‌ها دیاره ئه‌ردۆگان ب ده‌له‌گاسیۆنا پێرا چووبوو ژی نه پر باوه‌ره. ژ بۆ ئه‌ڤ تشتا ئه‌ردۆگان پشتی ڤه‌گه‌ریای ترکی سه‌رگرتی ئه‌ڤ ڕاستی گۆت. ڕۆژنامه‌ڤانا ژێ پرسی چما نوها ب ڕووسیایێ را تێکلی وه‌ها خه‌راب بوون؟ ئه‌ردۆگان گۆت پشیک د ناڤبه‌را مه‌دا ده‌رباس بوو. ئه‌و پشیک کیه؟ ئه‌ڤ بوویه‌را کوشتنا لەشکه‌ران ژی وه‌ک خستنا فرۆكەیا ڕووسان و کوشتنا بالیۆزێ ڕووسیایێ ل ترکیێ یه، د ناڤا ده‌وله‌تا ترک شه‌رێ ته‌ره‌فانه. هه‌گه‌ر نوها ئۆپه‌راسیۆن د ناڤا ده‌وله‌تا تورک دا ببه کو هه‌ڤدو تەسفییه بکن وێ نه غه‌ریب به.
. تێبینی: من ده‌سپێکا شه‌رێ تورکا و کوشتنا لەشکه‌رێ وان ل سووریێ ل تی ڤی ڕووداو و ک۲٤ دا گۆت کوو ئه‌ڤ تشت ته‌ڤ د ناڤا ده‌وله‌تا تورک دا هنده‌ک ل هه‌مبه‌ر هه‌ڤ ته‌ڤدگه‌رن و شه‌رێ هه‌ڤ دکن. هه‌ر دو ڕیپۆتاژ ژی د کۆنتۆیا فێسبۆكا من دا هین هه‌نه.
د.ئەكرەم ئونەن
نڤیسكار و رۆژنامەڤان
2020.03.09
