ده‌ما کو هێزێن رووسیایێ ژ دەڤەرێن دەردورێن باژارێ کیڤێ، پایتەختێ ئوکراینایێ، ب تایبەتی ژ بژێرکێ بوچا ڤه‌کشین، شێنیێن وان هه‌رێمێان ڤه‌گه‌ریان گوندێن خوە یێن وێرانبوویی و دیتن کو کەلەخێن خەلکێ سڤیل ل سەر جادە و کولانان درێژکرینە.
ل گۆر هندەک ژێداران ب ده‌هان لاشێن کەسێن سڤیل ل جادە کولانانێن بوچا بەربلاڤ بوون
کەسک ب ناڤێ ڤاسیلی، ٦٦سال، ژ رۆژنامەڤانان را دبێژە کو دەما تانکێن لەشکەرێ رووسیایێ کەتینە ناڤ باژێرکێ بوچا خەلک رەڤیا و تانکێن رووسی گولە ل وان درەشاندن ب کۆم کەلەخ دکەتن و ب قاسی کو چاڤ ببینە خەلک دهات کوشتن و هندەک ب پایسکلێن خوە درەڤیان و کەلەخێن وان دکەتن ب رەخ پایسکلێن وان یان یان ژی یێن ئۆتۆمۆبیلان درەڤیان کەلەخێن واب د ناڤ ئۆتۆمۆبیلان دهاتنە دیتن.
ل گۆر، ڤاسیلی، دبە هندەک لاش ب رۆژان یان بهەفتیان ل وان کولانانن.
باژێرکێ بوچا خەتا پێشیێ یا ئێریشا سەر کیێڤ پایتەختێ ئوکراینایێ بوو، شەرێن گەلەک گران و دژوار ل وێ دەڤەرێ قەومینە و رووسیا ئەو دەڤەر گەکەک ب دژواری بۆمبەباران کریە. لێ نها هێزێن رووسیایێ ژ وان دەڤەران و باژێرکێ بوچا ڤەکشیانە و رێخستنێن ئالیکاریێ و رۆژنامەڤان دکارن بچن وێرێ ژ بەر هندێ ئاستا وێرانی، کاڤلبوون و ئێش و ئازارێن خەلکێ سڤیل ئاشکەرا دبن.
ل گۆر شارەدارێ بوچا، تێ تەخمین کرن کو هەتا نها ٢٨٠ تەرم د گۆرێن بکۆم دا هاتنە دیتن
د وێنه‌یێن کو ژ ئالیێ ئاژانسێن نووچه‌یان ڤه هاتنه وه‌شاندن دا دیار دکن کو د ناڤ مریێن کو هەتا نها هاتنه دیتن دا، ده‌ستێن هنده‌کان ل پشت وان هاتنه گرێدان و پاشی هاتنە کوشتن.
به‌ره‌ڤانیا ئوکراینایێ دبێژه کو له‌شکه‌رێن ڕووسی، ل بوچا سڤیل ئیعدام کرنە.
شاره‌دارێ کیێڤێ ژ رۆژنامەڤانان را گۆت: “تشتێ کو ل بوچا و ده‌ردورێن دن قه‌ومی، ته‌نێ دکاره وه‌کی جێنۆسیدا بهێتە بناڤکرن.”
ل گۆری ڕێخستنا مافێن مرۆڤان گه‌له‌ک به‌لگه هه‌نه کو تاوانێن شه‌ر ل بوچا هاتنه کرن. وال سترێیت ژۆرنال کو هه‌ڤپه‌یڤین ب ژنه‌کێ را کریە، کو شاهدێ وێ یه‌کێ بوو کو چاوا هێزێن ڕووسی پێنج زلام رێز کرن و پشتره گوله بەردان سه‌رێ وان
دەولەتێن رۆژاڤایی بەلگەیا کۆم دکن کو ڤێ تاوانا لەشکەرێ رووسیایێ وەکە تاوانا جەنگێ دەستنیشان بکن و ل دادگەها ناڤدەولەتی یا تاوانێن جەنگی مەحکەمێ ل دژی رووسیایێ بدن دەستپێکرن.
Aftonbladet
