ئێکەم رۆژا کۆنفرانسێ ئاساییشا میۆنشن ب بەشداریا زێدەتر ژ ٤٥ سەرۆک و سەرۆکوەزیرێن ولاتێن جیهانێ رۆژا ٢٠٢٤/٢/١٦ ل میۆنشن ل ئەلمانیایێ دەست ب کار و چلاکیێن خوە کر. دناڤ دا سەرۆکێ هەرێما کوردستانێ سەرۆک نێچیرڤان بارزانی دگەل شاندەکێ بلند یێ هەرێما کوردستانێ تێدا بەشدارن. دیسان د ڤێ کۆنفرانسێ ئاساییشا جیهانێ دا زێدەتر ژ ۱۰۰ وەزیرێن بەرگیریێ، یێن ناڤخوە و یێن دەرڤە بەشدار دبن. سەر ئاستێ وەلاتێن جیهانێ پتر ژ ۱۰۰ کەسایەتیێن پسپۆر و شارەزا د بوارێ ئاساییشێ د کۆنفرانسێ شێستەمین یا میۆنشن دا بەشدار دبن و پرانیا سەرکردەێن جیهانێ د دەمەکێ دا ل ئەلمانیایێ کوم دبن.
جیهان ب گشتی د نوکەدا د قەیرانەکا ئاسایشێ دا دەرباز دبیت و گەلەک قەیران و ئالۆزیان جیهان ڤەگەرتیە وەک: شەرێ هەر دو وەلاتێن ئوکراینا و رووسیا، شەر و ناکوکیێن رۆژهەلاتا ناڤەراست ب تایبەتی د ناڤبەرا حەماس و شەرێ غەزە و ئسرائیلێ دا، دیسان ئالۆزیێن ناڤبەرا ئەمریکا و ئێرانێ، ئەڤ هەمی بابەتێن گرنگن بۆ ژمارەیەکا سەرکردەێن جیهانێ کو د ڤێ کۆنفرانسێ دا ل سەر راوەستن.
به‌شداری د ڤی كۆنفرانسێ دا دیار دبیت کو پێگەهێ هه‌رێما كوردستانێ گرنگیا خۆە هەیە و ئاستێ په‌يوه‌نديیان و به‌رهانگاریا تيرۆرێ، هاريكاريا هاوبه‌ش د بوارى ئه‌مني دا و هه‌ولدان بۆ پاراستنا ئارامى و سه‌قامگيریێ ل عێراق و ڕۆژهه‌لاتا ناڤه‌ڕاست و دوورئێخستنا وان ئاڵۆزیان،
بێ گومان هەرێما کوردستانێ وەکۆ پێگەهەک د ڤان سێ رۆژان دا ل پەراوێزا کۆنفرانسێ میۆنشن رۆلێ خۆە هەیە ژلایێ سەرۆک نێچیرڤان بارزانی ڤە گرنگیەکا تایبەت هەیە پشتی ڤان هێرشێن دوماهیکێ ژلایێ پاسدارێن ئێرانێ بۆ سەر هەولێرا پایتەخت. چونکە هەرێمێ پێویستی ب پێشتگریا ناڤدەولەتی هەیە هەم پەیوەندێن هەرێما کوردستانێ دگەل وەلاتێن ئەورۆپایێ و سەرانسەری جیهانێ هەم ژی هەماهەنگیا د ناڤبەرا هێزێن هەڤپەیمانان بەردەوامیدان ب شەرێ تیرورستێن داعش و ئەو گروپ و رێکخراوێن دەرڤەیی یاسایی کۆ دبنە ئەگەرێ نەسەقامگێریا عیراق و هەرێمێ دیسان.
ژ لایەکی دیڤە ڤێ کۆنفرانسێ گرنگیا خۆە هەیە بۆ باشترکرنا پەیوەندیێن دبلۆماسی دبنە ئەگەرێ باشترکرنا ئاشتیا بەردەوام د پێگەهەکێ ناڤدەولەتی دا، د ڤێ گۆرەپانا ئەمینی دا تایبەت هەولێر د هاوکێشەیەکا گرنگدایە د سیاسەتا جیهانی دا ژلایێ ئەمن و ئاسایشێ ڤ هەرێما کوردستانێ کە سیاسەتەکا تایبەت هەیە لەورا رۆل هەیە د ڤێ کۆنفڕانسێ دا، چونکی بەریا چەند سالێن بوری هەرێما کوردستانێ و ب تایبەتی هەولێر بۆیە جهەکێ ئارام و سەقامگیر ل سەر ئاستێ جیهانێ ئەڤە ژی نیشانا هندێ یە ئەڤ ئەمن و ئاساییشە یا جێگربیت چونکە هەرێما کوردستانێ باوەریەکا تەمام ب دیموکراسی هەیە، هەر ل درێژییا مێژوویێ دا کوردستانێ بەردەوام شەری ژ بۆ مانا ئاشتیێ دکەت دژی توندوتێژی بوویە وەکو شەرێ ئیلۆنێ دژی رژێما بەعس و و شەرێ رێکخراوا تیرۆرستین داعش، چونکە شەرێ رۆل و کارێکتەرێ هەموو شەرو شورەشان دوماهیک خالا وێ هەر ئاشتی یە ئەڤە ژی رامانا هندێ دەت گەلێ کورد بەردەوام ئاشتیخواز بوویە بەرامبەری هەر شەرۆ شورەشەکێ
مــووسا خالد/دهۆک
