کۆنگرە رەوشا کادرێ مەغدۆر ل بەر چاڤان بگرە
نادر خامۆ، کادرێ پشکەفتی یێ پارتی پێشنیار دکە کو، پەیرە و پرۆگرامێ پارتی ژلایێ سیاسی و نافخۆیی ڤە دگەل کەتوار و گۆرانکاریێن دەڤەرێ گەنجایی بە و هەیکەلێ لق و ناوچەیێن نافخۆیی بهێنە گوهەرتن و کادرێ تەهمیشکری و مەغدۆر و خودان شیان بهێنە پلەبەرزکرن و بەرچافکرن.
ژ کۆنگرەیێ ١٣ یێ پارتییا دەمۆکراتا کوردستان هەتا نها ١٢ سال دەرباس بوون، د ناڤا ڤان ١٢ سالان دا گەلەک بوویەر قەومین و ل دەڤەرێ گەلەک گوهەرتن چێبوون. د رۆژا مە یا ئیرۆ ژی دا، دەڤەر د ناڤ کەلینێ دایە و بەر ب گوهەرتنێن مەزنتر دچە. ل باشوور ژی خەلک ب ئاوایەکی گشتی ژ رەوشا هەیە نەرازیە و گەلەک گلی و گازندە هەنە. د ناڤ ڤێ رەوشا ئالۆز و تەژی تەڤلیهەڤی دا دێ پەدەکە کۆنگرەیێ خوە یێ ١٤ێ بکە.
مالپەرا مە، سبەهی، ل سەر ڤێ مژارێ چەند پرسیار ژ کادرێ پێشکەفتی یێ پارتییا دەمۆکراتا کوردستانێ (پارتی) نادر خامۆ کرن.
ئەڤ ل ژێر پرسێن مالپەرێ سبەهی و بەرسڤێن نادر خامۆ:
مالپەرێ سبەهی: وە چ هیڤی ژ کۆنگرەیێ ١٤ێ یێ پەدەکێ هەنە؟
نادر خامۆ: هیڤی و ئۆمێدێن مە ئەوە کۆنگرەیەکێ نمونەیی و بەرهەمدار و سەرکەفتی بت، بۆ هندێ دووبارە سەنگ و هەیبەتا پارتی و جەماوەرێ پارتی ل ناف جادەیا کوردستانێ دا وەکی جاران بزڤریتەڤە
مالپەرێ سبەهی: ل سەر ئاستا ناڤدەولەتی و جیهانی پێشنیارێن وە ژ بۆ کۆنگرەێی هەنە؟
نادر خامۆ: پێشنیار دکەین نوینەراتیا پارتی و حکومەتا هەرێمێ وەکو لۆبی ب مەرەما گەهاندنا سیاسەتا پارتی و ئێش و ئازارێن گەلێ مە و دۆزا وی یا رەوا ل هەمی وەلاتێن عەرەبی و ئیسلامی و جیهانی بهێنە ڤەکرن .
مالپەرێ سبەهی: ل سەر ئاستا ناڤخوەیی، ب تایبەتی ئیدارە و حکومەتێ وە چ پێشنیار هەنە؟
نادر خامۆ: لسەر ئاستێ نافخۆیی، پێشنیار دکەین ئیدارە و حکومەت ل هەمی بیاڤێن ژیانێ دا کاراتر بیت و دیاردا گەندەلیێ ب ئێکجاری بن بربیت و دەرفەتێن کاری و پێداویستیێن خەلکێ کوردستانێ دابین بکەن .
مالپەرێ سبەهی: ژ بۆ گوهەرتنێن ناڤخوەیا پارتی و هەیکەلێ وێ هوون چ پێشنیار دکن.
نادر خامۆ: سەبارەت گوهەرتنێن نافخۆیی، پێشنیار دکەین پەیرەو پرۆگرامێ پارتی ژلایێ سیاسی و نافخۆیی گونجاوی بیت دگەل کەتوار و گۆرانکاریێن دەڤەرێ و بریارێن گرنگ وەکو سەراد و بێژینکرنێ ل ناف پارتی دا بهێنە دان و هەیکەلێ لق و ناوچێن نافخۆیی بهێنە گوهەرتن و کادرێ تەهمیشکری و مەغدۆر و خودان شیان بهێنە پلەبەرزکرن و بەرچافکرن ، چنکو هەڵسەنگاندن دناف ئۆرگانێن پارتی دا مخابن ب تنێ ل سەر ئەساسێ بێعەدالەتیێ واستەکاری و مرۆفکانێ و بەرژەوەندیێت تاکەکەسیە و ..هتد
دگەل ڕێز و سلاف و هەر سەرکەفتی بنکۆنگرە .
