نێچیرڤان بارزانی، د ڤێ پێڤاژۆیا هلبژارتنێن پەرله‌مه‌نتۆیا ئیراقێ دا گه‌له‌کی چالاک بوویه و د چا‌رچۆڤه‌یا بانگەشەیا هلبژارتنان دا ژ بۆ پارتییا خوه، پارتییا ده‌مۆکراتا کوردستانێ، ببه پارتییا یه‌که‌م ل سەرتاسەری ئیراقێ دا ته‌ڤلی متینگێن پارتیێ دبه و ژ خه‌لکێ را داخواز دکه کو ده‌نگێ خوه بدن پارتی (پەدەکە) یێ.
تێ زانین کو نێچیرڤان بارزانی گه‌له‌ک گرنگیێ دده قەوارەیا هه‌رێما کوردستانێ، ئه‌و ب هه‌موو ئیمکانێن خوه هه‌ولدده کو ب ڕاستی ئیراقێ ببه ده‌وله‌ته‌ک فه‌ده‌رال و قەوارەیا هه‌رێما کوردستانێ د چا‌رچۆڤه‌یا فه‌ده‌رالی دا بێ پاراستن و ئیراق ب ته‌ڤاهی ژ ڕه‌وشا هه‌یی ده‌رکه‌ڤه و ببه ده‌وله‌ته‌ک قانوونی و قانوون ل هه‌موو ئیراقێ و هه‌رێما کوردستانێ سەروەر بە.
بێ گومان گه‌له‌ک پرسگرێک ل هه‌رێما کوردستانێ هه‌نه، پرسا مووچه‌یا، پرسا هنده‌ک ڕه‌وشێن جڤاکی، پرسا پارتییێن سیاسی و هه‌روه‌ها پرسا هه‌ری گرینگ و گه‌له‌ک ڤه‌کری نایێ ڕۆژه‌ڤه پرسا قەوارەیا کوردستانێ یە. نێچیرڤان بارزانی باش دزانه کو، ئه‌گه‌ر پرسا ستاتوویا هه‌رێما کوردستانێ تێکبچە کورد دێ هه‌موو ده‌ستکه‌فتیێن خوه وندا کن. لێ، مخابن، هنده‌ک پارتی و ئالیێن سیاسی یێن هەرێما کوردستانێ ب رەفتار و سیاسەتا خوە ڕێ ل پێشییا تێکچوونا ستاتوویا هه‌رێما کوردستانێ را خوەش دکن.
نێچیرڤان بارزانی ڤه‌کری دبێژه کو، بەغدا ب هه‌موو جوره‌یی هه‌ولدده کو حکومەتەک مه‌رکه‌زی ئیراقێ ڕێڤه‌ببه و هه‌روه‌ها دبێژه ئیراق فه‌ده‌رالیێ بنپێ دکه و قه‌ت گوه ناده یاسایان و ب ئاوایه‌ک که‌یفی ته‌ڤدگه‌ره و دەستوور ژی ژبیر کریە.
ژ به‌ر ڤێ یه‌کێ ئه‌و هه‌ولدده کو، ژ ئالیه‌کی کورد د ناڤ خوه دا یه‌کده‌نگ بن و ئالیه‌ک دن ڤه دڤێ کورد ب هه‌ڤرا هه‌ولبدن ستاتوویا هه‌رێما کوردستانێ بپارێزن.
نێچیرڤان بارزانی ژ بۆ پاراستنا ستاتوویا هه‌رێما کوردستانێ، ژ بۆنا ب ڕێکوپێک د پراتیکێ دا پێکانینا فه‌ده‌رالیزمێ، ژ بۆ سه‌روه‌ریا قانوونێ ل ئیراقێ و هه‌روه‌ها ژ بۆ پاراستانا ده‌ستکه‌فتیێن نه‌ته‌وی ل کوردستانێ ژ خه‌لکێ دۆزا ملیۆنه‌ک ده‌نگ دکه.
چه‌ند ڕۆژ دن، ١١\١١\٢٠٢٥ هلبژارتن چێدبن، دخوه‌یێ دێ ڕۆناهیا بیر و باوه‌ریێن نێچیرڤان بارزانی شه‌وقا خوه بده خاکا ئازاد ئا کوردستانێ…
ڕووداوێ هه‌ڤدیتنه‌ک به‌رفره ل گه‌ل نێچیرڤان بارزانی کریه. ژ بۆ پتر یا کو ئه‌و دبێژه بێ تێگهاندن ئه‌م ژی ڤێ ڤیدیۆیێ به‌لاڤ دکن…
