ل باکورێ کوردستانێ مرۆڤ دکاره ب ڕهحهتی بێژه کو کورد تێک چوونه. ژ بهر کو ل با پرانیا پارتییێن مه یێن سیاسی پێڤان، ههلوهست و تهڤگهرێن ژ دل نهما نه. هندەک پر باش دکن و دزانن کو چ دکن. ژ بهر کو بهرژهوهندیێن خوه و پارتییێن خوه دفکرن، گهلهک کارێن نه ل ڕێ دکن.
ههر وهها یێن جدی، دوروست کارێ ڕێخستنی و پارتییا خوه دکن ههنه. ژ بهر کو کهسێن وهها پرانیا وان د وارێ ئابۆری دا قهلسن، لۆما دهنگ و ههلوهستێن وان زێده خویا نابه ئان نایێن بهیستن. ژ بهر ڤێ یه کو ل باکورێ کوردستانێ و د سیاسهتا کوردستانی دا ژی بێستیقراری زێده یه. ئانگۆ ههرکهس ل گۆر پهرهیێن خوه دئاخڤن…
ئهم ههمی دزانن کو ئهڤ زێدهیی پێنج سالانه کو پەکەکێ لهیلا زانا بێدهنگ کربوو. لێ چو پارتی، ڕێخستن، شهخس و شهخسیهتان ل ههمبهر ڤێ یەکێ، دهنگێن خوه دهرنهخستبوون. ڕۆژهکێ نهگۆتن لهیلا ل کو یه. لێ ل ههمبهر چهند فاشیست و نهخوهشێن فۆتبۆلێ کو چهند گۆتنێن خهراب ب کار ئانین. گهلهک کورد ڕابوون سهر لنگان. تشتهکی باش ژی کرن. لێ مخابن، دیرۆکا خوه و یا لهیلایێ ژ بیر کرن.
نه باوهرم کو ئهو بوویهر ژخوهبهر پێک هاتبوو. د دا لیستک ههیه دڤێ کورد ڤێ ببینن. ل گۆر ڤێ لیستکێ بێدهنگ نهمینن و دوهی ژی ژ بیر نهکن و سبێ ژی دێ چ پێک بێ ببینن. ببینن و بزانبن دکارن جارەک لهیلایێ دهرخن پییاسێ کو هندەک کارێن نیڤچوو مابوون ب سایا وێ پێک بینن.
ژ بهر کو لهیلاە هم ژنهکه و هەم ژی پەکەکە باش پرۆپاگاندا وێ کربوو کو ئهو د ناڤا گهل دا بێ حهزکرن دا کو ڕۆژهکێ کارێ خوه یێن نه د بهرژهوهندیا کوردان دا تهمام نهکربوون، پێ بدن تهمامکرن.
پێویسته کو ئهڤ لیستکا نوو یا دهولهت و عهڤدلا بێ زانین کو وێ ل دووڤ ڤێ چ چێبە. ل گۆر من بێدهنگکرنا لهیلایێ یا ژ ئالیێ پەکەکێ ڤە ژ یا چهند گۆتنێن سهرسهریێن نهخوهشێ فۆتبۆلێ مهزنتر بوو. چو پارتی و کهسان ڕۆژهکێ بهحسا ڤێ نهکرن. لێ نها چما ڕابوون سهر لنگان، من ئهڤ فێم نهکر.
پارتی و کوردێن نها ئاگر ژ دهڤێ وان دفوورن، چما ههتا نها بێدهنگ بوون؟؟؟ ئهڤ ژی کهراسهتهکه یا جڤاتا تێک چوویی یه. ههگهر ڤان جانک و جامێرانا ژ ڕۆژا ڕۆژدا خوهدیێ خوه و ڤێ ههلوهستێ بانا. ڕابوونا وان یا ل سهر تاپانێ ژی دێ بهاته قهبوولکرن.
لهیلا ژنکه کورد یا نه خوهندایه. نه زانا و نه تێگهشتی یه. ڕێ و ڕێبازان نزانه. تهئۆری و زانستیا وێ نینە. پەکەکێ ئهو ل ههمبهر خالێ مههدی زانا ب کار ئانینن، بلندکرن. دووره بێدهنگ کرن. نها ژی دخوازن ل سهر ناڤێ وێ، لیستکێن نوو پێک بینن…
بایهکی گوور ژ کیژان ئالی دا بێ لهیلا ل بهر وی بکهڤه. لێ دڤێ پارتییێن مه یێن سیاسی، خوه د شهخسیهتا بێ شهخسیهتان دا خوه بێ شهخسیهت نهکرنا و شهخسیهتا پارتییێن خوه پاراستبانا و خوه کێم نهکرنا.
ژ بهر کو سبێ دێ لهیلا چ بکه نه دیاره. ل گۆر من ئهو ژی دێ ئاڤێ بکشینا سهر ڤێ پێڤاژۆیا کو دخوازن کوردان تێکببن. ژ بهر کو ئهڤ پێڤاژۆ یا ئهڤدلا و دهولهتێ یه کو دخوازن کورد بێ ماف بمینن.
حهیفا من ل ڤێ یهکێ تێ کو ب وان پارتی و شهخسێن داخویانیی و ههلوهستێن خوه ب ئهشکهره ئهڤ بوویهر پرۆتهستۆ کرن. لێ چما ههتا نها ژ بێدهنگیا لهیلایێ یا کو پەکەکێ پێ دا بوو کرنێ پرۆتهستۆ نهکرنه؟
پرۆتهستۆ ژی ڕوومهت و قیمهتهکه وێ ههیه. پارتییێن کوردستانی دڤێ ڤێ قیمهتێ بزانبن. ئهو ژی وهکه لهیلایێ خوه ب بهر ههر بایی نهخن.
باوهریا من ئهوه کو چو کارێ زێده پاراتییێن مه یێن سیاسی پێڤه ڕابه، نهما یه. لۆما ژی د ههر بوویهر و کریارێ دا پرۆتهستۆیێن وان پهسنکرنێن وان هازرن. وهکه مۆهرهکێ د دهستێ وان دا یه. ههما ل کو تشتهک ببه وێ لێدخن ئانگۆ مۆهر دکن.
ب سهر ڤی حالی دا ژی کهس نهما دوێرن یهک پارتیهکێ ڕهخنه بکه. ل ههمبهری ڕهخنهیێن ڕهوشهنبیران دبن یهک. لێ ژ بۆنا یهکێتی و ئاڤاکرنا ئهنیهکا نهتهوهیی ژ ههڤ دوورن.
