گاڤ ب گاڤ مەیدان ل تركیێ تەنگ دبە
نڤیسکار و شرۆڤەكار، ئه‌کره‌م ئۆنه‌ن، د نڤیسەكا كورت دا ناڤەرۆكا جڤینا ناڤبەرا سه‌رۆککۆمارێ ترکیێ، ڕه‌جه‌پ تەیب ئه‌ردۆگان و سه‌رۆکێ ڕووسیایێ ڤلادمر پوتن دنرخینە و دبێژه كو ترکیا ب هه‌موو شه‌رت و مه‌رجێن ڕووسیایێ ڕازیبوویه و قه‌بوولکرینه.
جڤینا پووتن و ئه‌ردۆخان !
تورکیێ هه‌موو شه‌رتێن ڕووسیا قه‌بوول کرن.
1- لەشكەرێ سوریێ ژ وان دەڤەران یێن كو ژ ده‌ست ته‌رۆریستا و لەشكەرێ ئازادیا سوریێ رزگار كرنە، ده‌رناکه‌ڤه.
2- ئەو نەھ خالێن سەربازی یێن تركیێ کو نوها د ناڤا وان دەڤەران دانە یێن كو لەشكەرێ سوریێ ژ ده‌ست ته‌رۆریستان ده‌رخستنە، ئەو دێ ھەر د دستێ لەشەكرێ سوریێ دا بن.
یەك ژ شەرتێن تركیێ ئەو بوو كو لەشكەرێ سوریێ ژ وان دەڤاران پاشدە ڤەكشە، لێ تركیێ قەبوول كر كو لەشكەرێ سوریێ ل وان دەڤەران بمینە. ھەر دو وەزارەێن بەرەڤانیێ یێن تركیێ و رووسیایێ دێ ل سەر چارەسەركرنا وان نەھ خالان بجڤین و تێ چاڤەرێكرن كو ئەو نەھ خالێن سەربازی یێن تركیێ بۆ نێزیكی سەر سنور تركیێ بھێنە ڤەگوھاستن.
3- رێیا ئه ٥ و باژارێ سه‌راکب دمینه د ده‌ست لەشكەرێ سوریێ دا، کو تركیێ هه‌ر دگۆت لازمه سۆپایێ سوریێ ژ وان ده‌ڤەران ده‌رکه‌ڤە و پاشدا ڤەكشن بو جهێ خوه یێن به‌رێ.
4- رێیا ئه ٤ دێ پۆلیسێن ڕووسی و سەربازێن ترکیێ کۆنترۆل بکن، به‌رێ ئه‌و قسمێ نێزیكی ئێدلب ته‌رۆریستا و لەشكەرێ ئازادیا سوریێ کۆنترۆل دکرن.
٥- یەك ژ شەرتێن تركیا دگۆت ۳٥ کم ژ بۆ هه‌رێما ئارام ژ خه‌لکێ سڤیل ڕا، به‌س نوھا ل سه‌ر ٦ کم ل ژێر و ژۆرێ ڕێیا ئه٤ ته‌نێ، نه ل جهه‌کی دن هاته قه‌بوول کرن
٦- شه‌ر ل هه‌مبه‌ر ته‌رۆریستا ناکه‌ڤه ناڤ ڤێ ئاگربه‌ستێ.
۷- دیاره ئه‌ڤ ئاگربه‌ست ژی، پوتین وه‌ک شەنسەك دا ئه‌ردۆگان داکو د ڕایا گشتیا ترکیێ دا وه‌ک مرۆڤه‌ک شکه‌ستی نەھێ دیار كرن. لێ دیاره شەر دەمكی وێ بێ سه‌کناندن، هه‌تا پشتی هاڤینێ توریزم/ھەشت و گۆزاری خه‌لاس دبه، پاشی دیاره سۆپایێ سوریێ و ھێزێن ڕووسی دێ ناڤەندا ئێدلبێ ژی ژ ده‌ستێ وان ده‌رخن. ژ به‌ر ئه‌ڤ چه‌ند جارن وه‌ها دبه گاڤ ب گاڤ مەیدانێ ل تورکیێ و گرووپێن ته‌رۆریست و لەشكەرێ ئازادیا سووریێ ته‌نگ دکن.
ئه‌ڤ ئاگاهداری ته‌ڤ ژ پرۆتۆکۆلا ناڤبه‌را ترکیا و ڕووسان ژ ته‌کستا ڕووسی وه‌رگرتنه یا کو وه‌زاره‌تا ده‌رڤه یا ڕووسیا به‌لاڤ کرنه. ژ به‌ر باوه‌ری ب مه‌دیا تورکان پر نایێ.
