د ناڤا کوردان دا، ب تایبه‌تی ل باکورێ کوردستانێ، پارتیێن هه‌یین هه‌تا ڤێ گاڤێ نه‌بوونه به‌رسڤا داخوازیێن خه‌لکێ. ژ بەر ڤێ یەکێ ژی ڤالاهیا سیاسی کو چه‌ندێ سالان هه‌یە به‌رده‌وام دکه. ئه‌ڤ ژی دبه ئەگەر کو لێگه‌رینێن نوو چێدبن.
سیاسه‌تا پەکەکێ یا نه کوردستانی ب ناڤێ کورده‌یه‌تییێ رێ ل ته‌ڤگه‌را کورد گرتیه. لێ مخابن پارتی و ئالیێن سیاسی یێن ده‌رڤه‌یێ پەکەکێ ڤێ یه‌کێ ناخوازن ببینن. ئه‌ڤ ژی دبه ئەگەر کو ئەو پارتی و ئالیێن سیاسی پێشڤه ناچن و نکارن به‌رفره ببن و د ده‌راڤه‌ک ته‌نگ دا تێن و دچن.
راستیه‌ک هه‌یه کو، پەکەکە پارتیێن کو د قادا له‌گال دا ئاڤا دکه ب چو ئاوایی ژ پەکەکێ نه جودانه، ڤه‌کری پەکەکە یانی هەدەپە یان ژی ده‌م پارتی یان پەهەدە، ناڤ گه‌له‌کن. لێ ناوه‌ندا بریارا ڤان هه‌موو ناڤان قه‌ندیله. هه‌تا ژ دەما ژ وان ر< پێوست به ئۆجەلان یان ژی ده‌مرتاش ب کارتینن.
گه‌له‌ک که‌ساتیێن کو د قادا ناڤنه‌ته‌وی دا ژی ناڤوده‌نگێ وان ب هه‌نه. که‌سایه‌ته‌ک وه‌ک له‌یلا زانا ب فه‌رمانا قه‌ندیل بێ ده‌نگ ما و ئه‌ڤه چه‌ند سالن نه‌کاری راستیا بێده‌نگیا خوه ژ خه‌لکێ را بێژه. پەکەکێ ئه‌و جه‌زا کر. لێ نها له‌یلا ژ وان را لازمبوو،جاردن ده‌رێخستن قادا سیاسی. دێ ئه‌ڤ یه‌ک هه‌تا که‌نگی و کو ده‌رێ به‌رده‌وام به ناهێت زانین. د ڤێ نه‌ورۆزێ دا جاردن ناڤێ ئۆجەلان ئانین پێش و به‌حسا چاره‌سه‌ریان کرن. ئاقۆبه‌تا هه‌ر چاره‌سه‌ریەکا ژ پککێ ده‌ست پێ بکه سیاسه‌تا ”خه‌نده‌کا”” یه.
راسته گه‌له‌ک که‌سایه‌ت وه‌ک لەیلا زانا، تورک و هنده‌ک دن د ناڤا سیاسه‌تا پەکەکێ دا ده‌نگ دانه، لێ کێشه‌یه‌کا بنگه‌هین یا وان کەساتیان هه‌یه کو، ئه‌و نه خوه‌دیێ ئیرادەیا خوه نه. وان د وه‌ختێ خوه دا ئیراده‌یا خوه ب به‌لگه راده‌ستی ئۆجەلان کرنه. ژ بەر ڤێ یه‌کێ ئیرۆ ئیرادەیا وان، بڤێ نه‌ڤێ، قه‌ندیله.
د پێڤاژۆیا هلبژارتنێن هه‌رێمی دا تشتێ کو ئانین سه‌رێ سه‌لاحەتین ده‌مرتاش تئاشکەرایە و هەر کەس دزانە. ژ خوه گه‌له‌ک جارا قه‌ندیل ده‌مرتاش ب نه‌شۆره‌شگه‌ری ئیتهام کر و ئه‌و د گه‌له‌ک پرسان دا تاوانبار کر.
ئانکو ب کورتی سیاسه‌تا پککێ ئه‌ڤه کو، که‌سایه‌تێن د ناڤ وان دا ب ناڤودەنگ دکەڤن ب ئاوایه‌کی نەشرین وان بێ ده‌نگ دکه. ڤێجا پرس ئه‌وه کو، گه‌لۆ ئه‌ڤ که‌سایه‌تێن نه خوه‌دی ئیراده بن، دێ چه‌وا ببن پێشه‌نگێ چاره‌سه‌ریه‌کی ژ بۆ کوردان.؟
ل باکورێ کوردستانێ رۆژانه کۆم و گرۆپێن نوو ده‌ردکه‌ڤن. گه‌له‌ک کۆمێن جوانا هه‌نه کو، ئیدیۆلۆژیا وان جودا بە ژی ئالا کوردستانێ ژ خوه را کرنه سه‌مبۆل. ئه‌ڤ یه‌ک ته‌نێ ئەگەرەکە کو، هه‌ستێن نه‌ته‌وی هێدی هێدی بێن ڤەژاندن. ژ خوه تشتێن کو د ناڤا کوردێن باکور دا پەکەکێ نەهێلاین یه‌ک ژێ هه‌ستێن نه‌ته‌وی نه.
د پیرۆزباهیێن نه‌ورۆزێ دا کو ب دەستپێشخەریا پەکەکێ دهاتن ل دارخستن، ئالایێن کوردستانێ کت و کت بن ژی دهاتن بلند کرن. ژ ئالیه‌ک دن د ڤان ئاهەنگێن نه‌ورۆزێ دا گروبه‌ک دن بال کشاند. کوردێن ناسیۆنالست. گروبه‌ک ده‌رکه‌ت هۆلێ خوه وه‌ک کوردێن ناسیۆنالست ب ناڤ کرن. ئەو کینه، چنه گه‌له‌ک ناهێت زانین،
د نه‌ورۆزا ئیسال یا ستەنبۆلێ دا، د ناڤبه‌را هنده‌ک گروپان دا شه‌ر ده‌رکه‌ت. گروپه‌کی ئێریشی هنده‌ک چه‌پێن ترک یێن سەر ب گروپا لگبتیان کر. ل سه‌ر ڤێ بوویه‌رێ ده‌م پارتیێ داخوویانیه‌ک راگەهاند و گۆت:
“ئه‌ڤ ئێریش ژ ئالیێ کۆمه‌ک ده‌زگه‌هێن ده‌وله‌تێ ڤه کو خوه وه‌ک کوردێن نه‌ته‌وه‌په‌ره‌ست ب ناڤ دکن و سه‌مبۆلێن نازیان بکار ئانینه، هاتن کرن.”
ده‌م پارتی گروبا کو ناڤێ کوردێن ناسیۆنالیست ل خوه کریە، وه‌ک دیڤەلانکێن ده‌وله‌تێ دده ناساندن.
کوردێن ناسیۆنالیست کینه؟
ئه‌ڤ گروپ خوە وەکە گروپا کوردێن ناسۆنالیست ددە ناساندن و ئەو ژ بۆ خوه سه‌رۆکۆمارێ کۆمارا کوردستان ل مهابادێ قازی محەمه‌د وه‌ک پێشه‌نگ دبینن.
نێرین/شرۆڤه
