گۆتارا فوئاد مەعسوم یا د جڤینا یەكەم یا پارلامەتۆیا عیراقێ دە پێشكەش كری،كەتە بەر رەخنەیێن دژوار و كوردستانیان ئەو بێھەلوەستیا مەعسوم ل ھەمبەر پێشمەرگە و كوردستانێ شەرمەزار كر. مەعسوم د گۆتارا خوە دە قەد بەحسا قارەمانیا پێشمەرگە و رەوشا كوردستانێ نەكر.رۆژا ٣. ٩. ٢٠١٨ێ یه‌که‌مین رۆنشتنا یەكەم یا ده‌ما چاره‌م یا پارلامه‌نتۆیا عیراقێ دەست پێكر و د وێ جڤینێ دا سه‌رۆکێ کۆمارا عیراقێ فواد مه‌عسوم گۆتاره‌ک پێشکه‌ش کر. مه‌عسوم د گۆتارا خوه ده ب چ ئاوایه‌کی به‌حسا رەوشا کوردا، کوردستانێ و هێزێن پێشمه‌رگه نه‌کر. وه‌سفێ ئارتێشا عیراقێ و هه‌تا راده‌یه‌کی ژی پەسنا هه‌شدا شه‌عبی دا. گۆتارا سه‌رۆکێ کۆمارا عيراقێ د مه‌دیا جڤاکی ده گه‌له‌ک بوو بابه‌تێ گۆتوبێژێ و خه‌لکی حه‌نه‌کێن خوه ل مه‌عسوم کرن. مه‌عسوم ب ناڤ کورده لێ د ده‌ما سه‌رۆک کۆماریا خوه ده پشتا خوه دا کوردا ئو وه‌ک عیراقیه‌ک خراب کار کر. ژبەر ڤێ هه‌لوه‌ستا فوئاد مه‌عسوم گەلەك رەخنه‌یێن گران ل ینک ێ ژی هاته کرن ، خه‌لکی دا خوویاکرن کو فوئاد جارەكە دن ینک کر جهێ شه‌رمیێ ده. د ڤێ ده‌ربارێ ده ئه‌ندامێ پارلەمه‌نتۆیا عیراقێ یێ پدکێ رێبووار ئه‌بدولره‌حمان ژ باس نیوز رە راگه‌هاند: فوئاد مه‌عسوم وه‌ک سه‌رۆک کۆمار ئو وه‌ک کورد چ رۆله‌ک نه‌دیت. نابه ئه‌و ژ عه‌ره‌به‌ک زێده‌تر عیراقچیتیێ بکه، ژ به‌ر ئه‌گه‌ر عه‌ره‌ب ل سه‌ر ئه‌رکه‌کێ بن دئاخڤن و ناڤێ کورد وه‌ک هه‌ڤبه‌شه‌کی عیراقێ تینن. لێ فوئاد مه‌عسوم هه‌رچه‌ند کوردە ژی و وه‌ک پشکا کورد بوویه سه‌رۆک کۆمار لێ هه‌تا ناها ئه‌و تشت نه‌کریه. پێویستبوو سه‌رۆکێ کۆمارێ عیراقێ ب ئاوایه‌کی ناڤێ پێشمه‌رگه ئانیبا و به‌حسا زیره‌کیا وی کربا. ژ به‌ركو پێشمه‌رگه عیراق و هه‌موو ناڤچه ژ داعشێ پاراست. ژ به‌ر ڤێ ژی ئه‌م فوئاد مه‌عسوم رەخنه دکن و هه‌لوێستێ وی وه‌ک هه‌موو هه‌لوێستێن وی یێن به‌رێ ل هه‌مبه‌ر بوویه‌رێن ل سه‌ر کوردستانێ ده هاتن بێ هه‌لوێست بوو . پارله‌مه‌نته‌رێ پدکێ به‌رده‌وامیا داخوویانیا خوه ده گۆت: د ده‌ما ده‌ستهلاتا فوئاد مه‌عسوم ده عیراق دچه‌ند قۆناخان ده ده‌رباسبوو. ناڤچه‌یێن کوردستانێ که‌تن ده‌ست داعشێ، لێ پێشمه‌رگه به‌ره‌ڤانی لێ کرن و ئه‌و ناڤچه‌یانه رزگار کرن .
گۆتارا فوئاد مەعسوم ب دژواری ھات رەخنە كرن
