ئۆفیسا تێکلیێن گشتی و مه‌دیایێ یا بالافرگه‌ها سلێمانیێ ڕاگه‌هاند کو تورکش ئێرلاین دێ د ده‌ستپێکا مه‌ها بێ دا گه‌شتێن خوه یێن به‌ر ب بالافرگه‌ها ناڤنه‌ته‌وه‌یی یا سلێمانیێ ڤه ژ نووڤه ده‌ست پێ بکه.
ل گۆری به‌رنامه‌یا کو ژ هێلا تورکش ئێرلاین ڤه ژ بالافرگه‌ها ناڤنه‌ته‌وه‌یی یا سلێمانیێ ڕا هاتیه شاندن، بریاره کو د ۳ئێ مژدارا ۲۰۲٥ئان دا گه‌شتێن د ناڤبه‌را سته‌نبۆل و سلێمانیێ دا و به‌ره‌ڤاژی ژ سلێمانیێ به‌ر ب سته‌نبۆلێ ڤه ژ نووڤه ده‌ست پێ بکن.
د مه‌ها بێ دا د هه‌فتیه‌کێ دا چار گه‌شت دێ د ناڤبه‌را بالافرگه‌ها ناڤنه‌ته‌وه‌یی یا سلێمانیێ و سته‌نبۆلێ ده هه‌بن.
وه‌ک تێ زانین قه‌ده‌غه‌یا گه‌شتێن ترکیه‌یێ یێن به‌ر ب بالافرگه‌ها ناڤنه‌ته‌وه‌یی یا سلێمانیێ ڤه د ۳ێ نیسانا ۲۰۲۳ئان دا ب بریاره‌کا فه‌رمی یا حکومه‌تا ترکیه‌یێ بوو، ل گۆر حکومه‌تا ترکیه‌یێ ژ به‌ر هه‌بوون پارتییا کارکه‌رێن کوردستانێ (پەکەکە) ل وێ ده‌ڤه‌رێ کو دکارن مفا ژ باله‌فرگه‌هێ وه‌ربگرن و ژ به‌ر گه‌فێن ئه‌وله‌هیێ بو سه‌ر ترکیه‌یێ و هنده‌ک ئه‌گه‌رێن سیاسی ترکیێ بریار دا کو ئه‌مبارگۆیێ بێخه سه‌ر بالفرگه‌ها سلێمانیێ.
سه‌رۆکێ هەرێما هه‌رێما کوردستانێ نێچیرڤان بارزانی د ۹ێ جۆتمه‌هێ دا ب سه‌رۆککۆمارێ ترکیەیێ ڕه‌جه‌پ تەییپ ئه‌ردۆگان را جڤیا. د هه‌مان جڤینێ دا، ئه‌ردۆگان ل سه‌ر داخوازا نێچیرڤان بارزان بریار دا کو دۆرپێچێن ل سه‌ر بالافرگه‌ها سلێمانیێ ڕاکه و ئه‌ڤ بریار دێ د ڕۆژێن پێش دا بکەڤە وارێ پراکتیکێ.
