ھزرا خوە د ڤان ھەردو ھەلکەفتان دا بکەن

نڤیسینا: عبدالعزیز محسن بارزانی

سەرۆک بارزانی :”ئەوێن دەست د گەل جینوسایدا ئێزدیان دا ھەین، بەلاخوە ێڤە ناکەین ھەتا سەرێ وان نەکەڤیتە بن پێلاڤێن ئێزدیان”

 من دڤێت بێژم باش ھزرا خوە د ڤان ھەردو ھەلکەفتان دا بکەن.  ئەو ژی سیھوحەفت سالیا جینوسایدا بارزانیان و جەژنا قوربانی، دیسان شەش سالیا جینوسایدا شنگالیان و جەژنا چلێ ھاڤینێ، واتە قەدەرا مە کوردان ئەڤەیە و ئەڤە بویە و دێ ئەڤە بە. لێ گونەھا مەیا مەزن ئەوە کو ئەم کوردو کوردستانی نە. ھەتا ئێک کورد ب تنێ ژی مابە دێ کوردستان ھەر یا پاراستی بە و ھەر دێ ببە دەولەت.

بەری شەش سالان، د سالا 2014 دا گروپەکێ تەرورستی بناڤێ داعش گەلەک بێ وژدانانە ھێرش کرنە سەر دەڤەرا شنگالێ و جینوساید دژی وی خەلکێ بێ گونەھ ئەنجامدان، کو دژی ھەمو بنەمایێن مافێن مروڤی بویە.

 لێ خوەراگریا شنگالیان و قارەمانیا پێشمەرگە و شەھیدبونا 500 پێشمەرگەی ب تنێ ل سەر ئازادکرنا شنگالێ، تیرورستێن داعش ژ ناڤبرن و سەرئەنجام روو رەش و شەرمەزارکرن  و ئیرادا گەلێ کوردستانێ ب سەرکەفت.

 دڤێت رۆلێ سەرۆک بارزانێ د رووبرووبونا داعش و رزگارکرنا شنگالێ دا و ئەو سوزێن داینە بابە شێخ و سۆزێن خو بجێیناین چجاران نەھێنە ژ بیرکرن و ببنە فلمێن دەکومێنتاری و سینەمایی داکو ھندی مروڤایەتی ھەیە ببینن و بزانن.

 لێ ب مخابنی ڤە ژ ئەنجامێ وێ جینوسایدێ 6417 کەس کەفتنە د دەستێن داعش دا و ب ھەولێن رێزدار نێچیرڤان بارزانی شیایە ھەتا نوکە 3530 کەس رزگار بکەن و ب ملیونان دولاران لێ ب مەزێخن.

 بەلێ ھێشتا 2887 کەس ماینە بێ سەرشوین و دبێژن باراپتریا وان د ناڤ کەمپا ھولێ دانە ل رۆژئاڤایێ کوردستانێ ل بن حوکمێ پەکەکێ .

 دیسان د گەل ڤێ جینوسایدا چەرخێ 21 ێ 000 360 ھزار کەس كۆچبەر بوون و 000 100 ھزار کەس ژی پەنابەری وەلاتێن بیانی بون، 78 مەزارگەھ ھاتنە پەقاندن، 80 گورێن ب کوم ھاتنە دیتن، 1293 کەس ل سەر دەستێ داعش ھاتنە شەھیدکرن، 1759 زاروک مانە بێ باب، 407 زاوک مانە بێ دایک و 359 زاروک ژی مانە بێ دایک و باب .

 ھەژی گۆتنێ یە کو ھەموو خەلکێ شنگالێ 00 550 ھزار کەس بوینە ئەوێن كۆچبەری ھەرێما کوردستانێ بوین، پشتی خەلکی ھەرێمێ دەرگەھێن مالێن خوە بۆ ڤەکرین و نانێ خو دگەل وان ب نیڤیکرین و دەرگەھێن مزگەفت و قوتابخانان بۆ ھاتینە ڤەکرن ب سەر 14 کەمپان دا ھاتنە بەلاڤکرن. نھا ھێدی ھێدی رۆژانە ھندەک ژ وان د زڤرنەڤە شنگالێ .

 باوەریەکا مەزن ھەیە دوور یان نێزیک دێ شنگال بیتە پارێزگەھەک ب سەر ھەرێما کوردستانێ ڤە و دێ باشترین خزمەتگوزاری بۆ ھێنە پێشکەشکرن .

 ل داویێ مە دڤێت ببێژین جینوسایدا شنگالێ زنجیرە جینوسایدەک بویە ب سەر گەلێ کوردستانێ دا ھاتی. ھەر ژ جینوسایدا فەیلیان، بارزانیان، گەرمیان و سورداش، قەرەداغ و بادینان و کیمیابارانکرنا ھەلەبجە و خرابکرنا 4500 گوندێن کوردستانێ و تاکو گەھشتیە جینوسایدا شنگالێ ئێک ل دووڤ ئێک ھاتینەکرن ب گونەھا ھندێ کو کوردو کوردستانی بوینە.

 بەلێ ئیرادا گەلێ کوردستانێ چجاران نامرە و ھەر دێ سەرکەڤە.

 سەرێ خو بۆ ھەموو شەھیدێن رێکا ئازادیێ د چەمینین، سەرێ وان بارزانیێ نەمر و ئیدریسێ ھەردەم زیندی و روو رەشی بۆ دۆژمنێن گەلێ کوردستانێ . کوردستان ھەر دێ سەرکەڤیت.