سیاسی

ھەدەپە چ ژ باشوور دخوازە

پەرله‌مەنته‌رێ هەدەپێ یێ شەرنه‌خێ حوسه‌ین كاچماز سه‌ردانا باشوورێ کوردستانێ کر و ل ئاڤاهیا نوونه‌راتیا هەدەپێ یا ل هه‌ولێرێ د کۆنفه‌رانسه‌ک چاپه‌مه‌نیێ دا گازندە ژ ده‌ستهلاتداریا باشوورێ کوردستانێ کر. كاچماز داخوویاکرن کو، زه‌خت ل ئه‌ندامێن ھەدەپێ ل باشوورێ کوردستانێ تێ کرن و ئه‌و وه‌ک ھەدەپێ ڤێ یه‌کێ قه‌بوول ناکن.

به‌ری هه‌ر تشته‌کی ئارمانجا ڤه‌کرنا نوونه‌راتیا ھەدەپێ ل هه‌ولێرێ چیه‌؟ گه‌لۆ باره‌گه‌هێ ھەدەپێ ل هه‌ولێرێ وه‌ک بنگه‌هه‌کێ پەکەکێ تێ ب کارانین یان نا؟ كاچماز نكارە بەرسڤا ڤان پرسان بدە، ئه‌گه‌ر حوسەین كاچماز ژ دل و ب راستی  بەرسڤا ڤان پرسان بده‌، دێ ژ بۆ ھەر كەسەكی باشتر زەلال ببە ‌ کو نوونه‌راتیا ھەدەپێ ل هه‌ولێرێ ژ بۆ تێکبرنا ئاساییشا کوردستانێ گه‌له‌ک جارا دبه‌ وه‌ک ھێلینەكێ.

حوسه‌ین چاكماز دبێژه‌ کو ئه‌و زه‌ختا ل سه‌ر ئه‌ندامێن خوه‌ قه‌بوول ناکن. گه‌لۆ ئه‌ندامێن ھەدەپێ ل هه‌ولێرێ چ چالاکیان دکن؟ دڤێ چاكماز تێ بگەهە کو، به‌ری هه‌ر تشته‌کی ل باشوورێ کوردستانێ ڕێزێ ل ده‌ستهلاتداریا کوردستانێ بگرن و ل گۆرا قانوون و یاسایێن کوردستانێ ته‌ڤبگه‌رن. هه‌ر ده‌زگه‌هه‌ک یان ژی ئالیه‌ک سیاسی ل کوردستانێ ته‌ڤبگه‌ره‌ دڤێ ڕێزێ ل یاسایێن کوردستانێ بگره‌.

ژ ئالیه‌ک دن چاكماز دزانه‌ کو هه‌ڤال و ئه‌ندامێن وی ل باشوور، باجێ ژ گه‌له‌ک کۆمپانیایێن ژ باکور ل هه‌ولێرێ کار دکن دستینن. پرانیا کۆمپانیان نه‌وێرن ڤێ یه‌کێ ئاشکه‌ره‌ بکن و بێ ده‌نگ دمینن. به‌لکی کێماسیه‌کا مه‌زن یا ئاسایشا کوردستانێ ئه‌و بە کو ڤێ کریارا نه‌ یاسایی سزا ناکه‌.

چاكماز د گۆتارا خوه‌ ده‌ دبێژه‌ : ئه‌م زه‌ختا ل سه‌ر ئه‌ندامێن خوه‌ قه‌بوول ناکن. لێ نابێژه‌ کا گه‌لۆ چ زه‌خت ل سه‌ر ئه‌ندامێن وان هه‌نه‌ و قه‌بوول نه‌کرن تێ چ واته‌یێ.

هه‌روه‌ها جهێ مه‌ره‌قێیه‌ کو، گه‌لۆ مه‌دیا باشوور یا ل وێ ده‌رێ ئاماده‌ چ پرس ژ یلدز کرنه‌ و وی چ به‌رسڤ دایه‌.. ئه‌گه‌ر تو ل کوردستانێ نوونه‌راتیێ ڤه‌کی تو مه‌جبوری ستویێ خوه‌ ل هەمبه‌ر یاسایێن ھەرێما كوردستانێ بته‌وینی

Back to top button