ھەلوەستا حكومەتێ ل ھەمبەر بۆمبەبارانێن تركیێ
حكومەتا كوردستانێ د پەیامەكێ دا، دلگرانی و نه‌ره‌حه‌تیا خوه ل هه‌مبه‌ر که‌تنا قوربانیێن سڤیل ژ ئه‌نجاما بۆمبه‌بارانا ده‌ڤه‌رێن سەر تخووبێ دگه‌ل ترکیێ نیشان دده و داخواز ژ چەكدارێن پارتیا كاركەرێن كوردستانێ (پەكەكێ) دكە خوە ژ گوند و ئاڤاھیان دوور بكە داكو نەبنە ئارمانجا تۆپ و بالەفرێن تركیێ.
چەكدارێن پەكەكێ ب زانەبوون بارەگایێن خوە د ناڤ گوند وو ئاڤاھیان دا چێكرنە و خەلكێ سڤیلێ باشوورێ كوردستانێ وەكو مەرتان ژ خوە را بكارتینە و ئەڤ یەك بوویە ئەگەر كو رژێما تركیێ ب تۆپ و بالەفران وان دەڤارن بۆمبەباران بكە و د ەنجام دا خەلكێ سڤیل دبە قوربانیا سیاسەتا پەكەكێ.
حكومەتا كوردستانێ دبێژە كو ئەو قەبوول ناكە كو ئاخا باشوورێ كوردستان ژ بۆ ئێریشكرنا سەر دەولەتێن جیران بھێتە بكارانین و ژ وان دەولەتا را ببە ھێجەت كو دەڤەرێن سەر تخووب ببە مەیدانا شەری و داخوازێ ژ تركیێ ژی دكە كو وان بۆمبەباران دوبارە نەكە .
تێكستا پەیاما حكومەتا ھەرێما كوردستانێ:
حکومه‌تا هه‌رێما کوردستانێ دلگرانی و نه‌ره‌حه‌تیا خوه ل هه‌مبه‌ر که‌تنا قوربایێن سڤیل ژ ئه‌نجاما بۆمبه‌بارانا ده‌ڤه‌رێن تخووبی دگه‌ل ترکیێ نیشان دده و سه‌رساخیێ ژ مالبایێن قوربانیان ڕا دخوازه.
هه‌بوونا چه‌کدارێن پەکەکێ ل ده‌ڤه‌رێ و نزیکبوون و هاتنا وان یان ب ئه‌نقه‌ست ژ بۆ ناڤ گوند و ئاڤاهیان، ژیانا گوندیێن وان ده‌ڤه‌ران خستیه د مه‌ترسیێ دا. هه‌روه‌سا ل پێشیا ڤه‌گه‌ریانا ژیان و ئاڤادانیێ ژ بۆ وان گوندان، ئه‌و ڕێگریێ دکن
حکومه‌تا هه‌رێما کوردستانێ قه‌بوول ناکه و ڕێ ناده ئاخا وێ ژ بۆ ئێریشکرن و تێکدانا ئاساییشا وه‌لاتێن جیران بێ بکارانین و ژ به‌ر وێ یه‌کێ ژی ژیانا هه‌ڤوه‌لاتیێن هه‌رێما کوردستانێ بکه‌ڤه د مه‌ترسیێ دا.
ده‌ڤه‌رێن گوندنشین ل سه‌ر تخووبان دڤێ نه‌بنه مه‌یدانا شه‌رێ سه‌ربازی و بۆمبه‌بارانان، چه‌کدارێن پەکەکێ ژی دڤێ ژ گوند و ئاڤاهیان دوور بکه‌ڤن و وان ده‌ڤارن نه‌خنه د ناڤ مه‌ترسیێ دا.
حکومه‌تا هه‌رێما کوردستانێ، ل هه‌مبه‌ر وان بوویه‌رێن چه‌ند ڕۆژێن بۆری ل ده‌ڤه‌رێن تخووبی قه‌ومین، دلگرانیا خوه گه‌هنادیه ترکیێ و داخواز کریه کو دوبه‌را نه‌بن.
2019.06.29
