ۆمپانیایێن ئەورۆپی، لگۆری یاسایێن یەکیتیا ئەورۆپایێ، د گەل ئیرانێ بازرگانیێ بکن

وەلاتێن کو ژ رێکەتنا ئەتۆمیا ئیرانێ دەرنەکەتنە، هەولا دیتنا میکانیزمەکا تایبەت بۆ پارێزگاریکرنا بازرگانیێن خوە ب تایبەت د وارێ نەفتێ دا، د گەل ئیرانێ ددن.\n\nفێدریکا مۆگرینی بەرپرسا سیاسەتێن دەرڤەیێن یەکیتیا ئەورۆپایێ، پشتی جڤینەکێ د گەل بەرپرسێن مەزنێن بەریتانیا، چین، فەرەنسا، روسیا و ئیرانێ کر و دازانین، د جڤینێ دە بەحسا دەستپێشخەرەکێ بۆ دیتنا میکانیزمەکا تایبەت بۆ بەردەوامیا بازرگانیێن د گەل ئیرانێ دە هاتیە کرن.\n\nهەروەها گۆت:”رێ تێ دایین، کۆمپانیایێن ئەورۆپی، لگۆری یاسایێن یەکیتیا ئەورۆپایێ، د گەل ئیرانێ بازرگانیێ بکن.”\n\nفێدریکا مۆگرینی دازانین، بەشداربوویێن جڤینێ و ١٢ ئاژانسێن تایبەت ب ئەنەرژیا ئەتۆمی ژی تەئکید ل سەر پێبەندبوونا ئیرانێ ب بەندێن رێکەتنا ئەتۆمی کرنە.\n\nئەمریکا، د مەها گۆلانا ئیسال دە، ژ رێکەتنا ئەتۆمی ڤەکشیا و هەژمارەک سزا ل ئیرانێ بڕین و گەفا سزادانا وان وەلات و کۆمپانیایان کر کو بازرگانیێ د گەل ئیرانێ دا دکن.