ل ترکیێ پێڤاژۆیه‌ک بێ ناڤ بڕێڤه دچه. دەستپێشخەریا وێ پێڤاژۆیێ ب ته‌مامی د ده‌ستێ ده‌وله‌تێ دا یه. دخوه‌یێ تشتا کو، ده‌وله‌ت دخوازه دێ ئۆجەلان وێ بکه. یانی ئۆجەلان ، وه‌ک باخچه‌لی دایە دیار کرن، بانگا پێویست دکه. لێ ترکیێ دخوازا د ده‌ما گونجاو دا ڤێ داخوویانیێ ب ئۆجەلان بدە کرن.
ده‌وله‌تا ترکیێ، پشتی بوویه‌رێن سورییێ و گوهه‌رتنێن چێبووین، ژ بۆ به‌رژه‌وه‌ندیا خوه بیچه‌کی پێڤاژۆیێ ده‌ره‌نگ تێخه. ژ به‌ر کو ده‌وله‌ت ب دو ڕێیان ڤێ پێڤاژۆیێ ڕێڤه دبه. یه‌ک ژێ ئالیه‌کی ڤه هه‌ولدده قه‌ندیل ژ تاقه‌ت بێخه و گه‌له‌ک لاواز بکه دا کو مه‌جبوربن داخوازیا ئۆجەلان بپه‌ژرینن. ژ بەر ڤێ ل هەمبه‌ر وان ئۆپه‌راسیۆنان دکه .
دویه‌م ژی هه‌ولدده پەیوه‌ندیێن نه‌رم ب که‌سێن د ناڤا ده‌م پارتییێ دا کو، سیاسه‌تا ئۆجەلان بڕێڤه دبن، به‌رده‌وام بکه. سه‌رێ ڤێ پرۆژه‌یێ دا پەرله‌مه‌نته‌رێ ده‌م پارتییێ و جگرێ سه‌رۆکێ پەرله‌مه‌نتۆیا ترکیێ سر سووره‌یا ئۆنده‌ر هه‌یه. هه‌روه‌ها په‌روین بولدان ژی د هه‌مان خه‌تێ دا یه.
وه‌ک دن تایبه‌تی پارله‌مه‌نته‌رێن ده‌مێ یێن چه‌پێن ترک و یێن عەله‌وی پتر ب قه‌ندیل ڤه گرێدایینه و ب دژواری هه‌ولددن کو نه‌هێلن ئه‌ڤ پێڤاژۆ بگەهە ئه‌نجامه‌کی.
بوویه‌رێن ل سوریێ و ڕۆژاڤایێ کوردستانێ ڕووددن د به‌رژه‌وه‌ندیێن ترکیێ دا نه. ترکیه ژی ڤێ یه‌کێ گه‌له‌ک بزانه‌بوون ب کارتینه.
پەکەکە ل سه‌ر دورێیانه‌کی یه، یان ئۆجەلان یان قه‌ندیل. هه‌ر ئالیێ گرێدایێ پەکەکێ دێ ده‌مه‌ک نێزیک دا مه‌جبور ببه خوە یەکئالی بکە و یان ئۆجەلان یان قه‌ندیل هلبژەرە.
یا کو ژ بۆ کوردان گرینگه د ڤێ پێڤاژۆیێ دا: پەکەکە ده‌ستێ خوه ب هه‌موو ئاوایی ژ ڕۆژاڤایێ کوردستانێ بکشینه و ئه‌ڤ یه‌ک بێ ده‌کله‌ره‌کرن. دا کو ل ڕۆژاڤایێ کوردستانێ کورد بکاربن یه‌کده‌نگیه‌کی د ناڤ خوه دا پێکبینن و وه‌ک کوردێن ڕۆژاڤایێ کوردستانێ ژ بۆ به‌رژه‌وه‌ندیێن خوه یێن نه‌ته‌وی ته‌ڤبگه‌رن.
۲۱.۱۲.۲۰۲٤
نێرین/شرۆڤه
