بوویەرێن ئیرۆ ل که‌رکووکێ دقەومن ڤەدگەرن ژ بۆ خیانەتا ١٦ ئۆكتۆبەرا سالا ٢٠١٧ێ ده‌مێ یەكێتییا نشتیمانییا کوردستانێ (یەنەك) دگه‌ل چه‌ند گرۆپێن چەكدار یێن شیعه ل ئیراقی و ئیرانێ رێکه‌فتنه‌کا ڤه‌شارتی و دژی ئیراده‌یا خه‌لکێ کوردستانێ ئه‌نجام دای .
ئه‌ڤ رێکه‌فتنه بو ئه‌گه‌رێ داگیرکرنا که‌رکووکی و ۵۰ % ژ ئاخا هه‌رێما کوردستانێ .
رۆژ بو رۆژێ شه‌رێ داگیرکرنا که‌رکووک و ناوچەیێن ماددێ 140 دژوارتر دبە و ب هزاران خه‌لکێ که‌رکووکێ و دەڤەرێن مادده‌ی 140 ێ كۆچبەر و پەریشا بوونە.
رێکه‌فتنا یەنەكێ دگه‌ل ئالیێن چەكدار یێن شیعە ل ئیراقێ و پاسدارێن ئیرانی به‌رده‌وام بوو و هه‌تاکو رێکه‌فتن هاتبوو کرن کو هەرێما کوردستانێ هه‌موویێ داگیر بکه‌ن و پروسه‌یا سیاسی و قه‌وارێ هه‌رێما کوردستانێ ژنافبه‌ن.
ژ ئەگرێ ڤی سیاسەتا شاش یا یەنەكێ ئیداره و رێڤه‌به‌رێن حکومی یێن کوردی هاتنه لادان و ل جهێ وان رێفه‌به‌رێن عه‌ره‌ب و تورکمان هاتنه دانان. بلندکرنا ئالایێ کوردستانێ ل که‌رکوکێ هاته قه‌ده‌غه‌کرن. هه‌ولێن داگیرکرنا گوند و جهین کوردستانێ ل ناوچەیێن ماددێ 140 عه‌ره‌بکرنا وان جهێن کوردان هەتا رۆژا ئیرۆ ژی بەردەوامە.
پێشمەرگە یێن كوردستانێ ب سەرۆكاتیا سەرۆك مەسعود بارزانی داستانێن پردێ و سحالا تۆمار كرن و رێ ل پێشڤەهاتنا حەشدا شەعبی گرت و پاشڤە ڤەگەراندن و ب ڤی رەنگی قەوارەیێ هەرێما كوردستانێ هات پاراستن.
پارتییا دەمۆكراتا كوردستانێ دگەل حكومەتا ئیراقێ ل هەڤ كریە كو بارەگەهێن پەدەكێ ل كەركووكێ بێن ڤەكرن. لێ حەشدا شەعبی و هندەك ئالیێن شیعی یێن سەر ب ئیرانێ ڤە دگەل بەشەك ژ یەنەكێ خوپێشاندانا ئه‌نجامدده‌ن دژی ڤه‌گه‌ره‌ندنا باره‌گه‌هێن پارتییا دەموکراتا کوردستان بۆ که‌رکووکێ.
ژ بەر كو زڤرینا باره‌گه‌هێن پەدەكێ بۆ که‌رکووکێ ئانكو: زڤرینا شکو، ئازادی، پێکڤه‌ژیان، ئاڤه‌دانی، کوردپه‌روه‌ری و پاراستنا قه‌وارەیێ هه‌می کوردستانی.
